للقدر والنصيب كلمة اخرى

27

#للنصيب_ولقدر_كلمة_اخرى

ح27
قلبي يدق لابعد حد لدرجة انحس فيه بيطلع مني جاني احمد وانا طالعة من المطبخ بيش نطلع عليهم ومسك ايديا وقعد يهدي فيا بيش مانخشش متوترة على الناس رغم اني نعرفهم يعني مش غراب عليا لكن هالمرة مش جيين عادي هالمرة جايين بياخذوني كنة لولدهم اه ولدهم حبيب قلبي يوسف وبعد ماهديت بسبب احمد خشيت وسلمت وجيت عند حني حليمة وسلمت عليها وبست على راسها وايدها زي العادة وقمعزت احداها وطبعا بعد ما دوت شوي على شكلي وحلاوتي
عمتي سميحة ..سبحان الله على قد مكنا انشوفو في نوارة عمرنا ماتخيلنا يوم انجو نخطبوها لولدنا
انا..استغربت كلمتها لكن حسيت عمتي عازة ترقع في الدوة عليها
عمتي عازة ..لان ديمة كنا نشوفو فيها زي بنتنا ولانها ماتطلعش واجد للشباب فمتوقعناش يكون يوسف شايفها ومتعلق بيها
عمتو غالية .. ماهو يوسف ونوارة في نفس الكلية
امال .. يوسف لما تكلم مع عبير  مكانش يعرف انها نوارة لان يوسف مايحبش يدحنس على البنات وحتى نوارة مكنتش ديمة لاصقة في الشباب زي غيرها
ماما وانا ...مستغربين دوتهن وكانهن يصلحن في خطاء
حني حليمة ..والله لسبب هذا فرحت واجد لما عرفت يوسف يبي نوارة والله مانلقو زيها
طبعا انا متحشمة بنموت من الحشم وبعدها طلعت لقيت البنات موتيات القهوة خشيت عليهم وضيفتهن وطلعت  لانهن بيهدرزن رسمي مع ماما وعمتو وبعدها ضيفتهم انوار الشاهي وانا تما معاش عندي وجه نطلع بيه من الحشم وبعدها شوي وطلعو حتى الفواكه ماضيفنهاش ليهم وقعدت نهدرز مع البنات والشباب وضيفتهم من الكيكة وماما وعمتو غالية قعدن يهدرزن بروحهن لكن عرفت ان انوار سمعت دوتهن وبعدين ماما شدت الشباب للعشاء وقعدنا نهدرزو ودرنا جو ولمن البنات معانا الحوسة وروحو الشباب والبنات كل وحدة روحت وبعدها رن عليا يوسف
يوسف .. اهلين بقلب يوسف وعقله
انا..اهلين حبيبي
يوسف ..كيف حالك وحال قلب حبيبي
انا.. الحمدلله متوترة اشوية لكن الحمدلله
يوسف .. روحت امي وجدتي وهنا يحكن عليك ومش متوقعاتك حشومة هكي
انا..عليش مش متوقعاتني
يوسف ..لانهن على حسب قولهن انهن كانن يشوفن فيك وحدة واعرة بالذات هنا مايشوفنش فيك الا وفي مناسبة في حوش خالتي
انا..طبعي لما نبدا في مكان مسوؤلية لازم نكون قدها مستحيل حد يعبى عليا ومانكونش قد ثقته وفي مناسبات عمتو غالية المسوؤلية كلها عليا نا بحكم كبيرة العيلة ويشوفو فيا الناس واعرة لاني مانحبش العوج
يوسف ..نجيه الواعر
انا..هي مش مسئلة وعارة لكن الحكاية ان الواحد يكون قد الثقة
يوسف ..تعرفي اللي حببني فيك زيادة الثقة عشان ديمة تحكي عليها بثقة كبيرة وهذا اكثر شئ مطمني
انا.. يوسف انا عمري ماكذبت ولانحب نكذب واول مانكذب يبان عليا طول حتى لما احمد وانوار يبدو دايرين كبوة مايقولوليش عليها لان اول وحدة بيجها بابا او عمو محمود هي نا واول مايجوني حتى نكذب ونطواع انوار واحمد وبعدين ضميري يوجعني انجي ونحكيها لهم فموضوع الثقة مهم عندي واجد يعني زي ما انا واضحة وصادقة والشخص اللي نتعامل معاه مش واضح معاي نقسى واجد عليه وبسرعة مانفوته مهما كنت نحبه ونموت فيه
يوسف
حسيت قلبي نقبض من كلامها وخفت خفت يجيها يوم وتقسى عليا
انا..وين رحت يوسف
يوسف .. في كلامك اللي خوفني
انا..عليش يخوف هذا طبعي واضحة وصادقة ونبي معاملة بالمثل
يوسف .. لما تقولي كلمة نقسى نخاف اكثر
انا..على طيباتي وهبالي ونيتي الصافية الا اني لما ننجرح ووننوجع القسوة اللي عندي ماعند حد
يوسف ..ان شاءالله ربي مايجيب بينا مايوجعنا
انا..امين
يوسف .. طبعا بكرة الرجالة بيجو وبيتفقو على الفاتحة
انا..ان شاءالله
يوسف ..ماعندكش حاجة في خاطرك تبيها شرط بتقوليه بيش نوقض عبدالسلام عليها
انا..مانبي شئ اللي بيقول عليه بابا وعمو محمود موافقة عليه طلبي الوحيد قرايتي
يوسف ..هذي مايكونش عندك فيها شك بكل
انا..تمام هذا طلبي
يوسف .. ربي يخليك لي
انا ..ويخليك
هي حبيبي عطيني الاذن نبي نرقد خلاص طافية اليوم على اعصابي
يوسف ..هي تصبحي على خير حبيبتي
انا ..وانت من اهل الخير
وسكرت منه ورنيت على احمد بنتاكد وين قاعد
احمد..اهلين نوارة قلبي
انا..وينك ياقلبي
احمد..في حوشنا بايت
انا..خيرك مش بايت هنا امس مابتش هنا واليوم مش بايت
احمد..عندي شغل بنطلع بكرة بدري بنديره لباتي لانه بيبدا مشغول مع عمي عمر عشان الرجالة اللي بيجو
انابحشم ..اه ربي يعاونك
احمد.. ان شاءالله .وعليش الحشم
انا..بطل يابارد خيرلك راه هي سلام بنرقد خلاص  تصبح على خير
احمد..وانتي بالف خير
حسيت قلبي يوجع فيا وانا نوتي لفرحها وخطبتها يارب صبرني ورنيت على  سند وقعدت نحكي معاه بيش يخف الوجع اللي في قلبي ورقدت بعدها
وجاء ثاني يوم وجو الرجالة واتفقو ان الفاتحة تكون الجمعة على خاطر بيش عمامي وخوالي يلحقو يجو بالوسع ووتو هلي كل حاجة للفاتحة وعمي علي اب يوسف جاب الخرفان والقضية كلها بتاعت العشاء هو قال انه هكي عوايدهم مع انا بابا مكانش موافق بس عمو محمود قاله حتى في قراية فاتحة ولده الاول  هكي دار
ومشن الايام على توتر وعمتو وماما اتفقو انه من تو لازم نبدا نوتي لروحي وقعدت نطلع للسوق ندور في لبسة للتلبيسة ومنها انبتت للفرح لاني قلت ليوسف اني مانبي شئ يوم التلبيسة يجيبو الذهب بس مانبيش سوابيت ودبش بما ان الفرح قريب واجد وو يطلع فيا احمد انا وانوار وهبة للسوق وطبعا فتحي بعث امه لهل هنادي  ويعتبر خطبها رسمي  وعبدالله كان اكثر واحد فرحان لانه عارف فتحي وطبعه لكن الفاتحة والخطبة الرسمية بتاعت الرجالة اجلوها لبعد قراية فاتحتي وفرحي عشان مايبوش حاجة بالزر  وجهزو كل حاجة ليوم الفاتحة ماما وعمتو غالية ماخلوني اندير شئ قالولي اشقي بروحك بس
ونحن في السوق
هبة ..احسن حاجة نوارة كاتبة كل شئ
انوار ..نوارة من يومها منظمة بالذات في المناسبات نحن تلقينا حايسين وهي اخر رواق
احمد.. ماهي حاطة عقلها في راسها مش عند وسيم قاعد
نحن ..هههههه
انوار ..خزي عليك حمودي
احمد..كلام الحق حتى لما نمشي امعاك ادهشي فيها عكس نوارة قلبي ديمة مريحتني وعارفة روحها شنو تبي تخيلي كان نقولك اني نخمم في بتاتك من تو
انوار ..زعلت منك معاش تكلمني
هبة ..ماتخافش يا احمد اهي نوارة زي ماوتت حاجاتها حتواتي حاجاتنا كلنا
احمد.. هي هيييي معقولة بتحطو الكيد كله على نوارتي
هبة ..والله مافيها كيف نحن نبوها بيش تجهز معانا لفتحي وهنادي تبيها تجهز معاها واصالة حتى هيا
احمد..ياروحي يانوارتي قديش بتتعبي لكن يستر الله قريب بتكون عند راجلها زعمك يخليها او لا 
هبة ..والله وحتى عند راجلها مانا امسيبينها حتى لو اديرلنا ليستات نمشو عليها
انا..ادللو ولايهمكم واصلا يوسف عارف انكم انتم هلي فميقدرش يفتح فمه
احمد
نحس في الكلمة هذي وجعتني انها فعلا بتبدا تحت امر راجل ثاني وبتبعد عليا هو يرفع ويجيب
انا
لقيت احمد سارح وهو يسوق بيش نقطع سرحانه لانه مش عاجبني بكل وضعه لكن مانبيش نسئله ومايردش عليا نعرف طبعه كان هو مايبيش يحكي مستحيل تاخذي منه حاجة
انا.. حمودي انا مش حنتعبك انا هاليومين بس بنرتاح على خاطر التلبيسة ويقعد في بتاتي وجيج  الدبش بنخليه الاسبوع الجاي يعني بتاتي كله حيخذ منك اسبوعين بالكثير
احمد..تعبك راحة نوارتي ومعاش تقولي تعبتك معاي او بتعبيني كان مش نا على من عابية يعني
انا..حطيت ايدي على ايده اللي على  المارشة وقلت ليه ربي يخليك ليا
احمد..ويخليك ليا
وانا كان نلقاها ماتحولش ايدها بكل
وروحنا للحوش واليومين اللي بعدها طبعا هنادي وهبة واصالة استقرار عندي لان يوم الجمعة الفاتحة وثاني يوم التلبيسة وجاء يوم الفاتحة ومشى على كل خير وكل حاجة جت سمحة وعشاء سمح وبعدين نادني بابا وقالي تعالي سلمي على عمك علي اب يوسف طبعا يبست في مكاني من الرهبة وكان حذاي احمد شديت في ايده معاش قدرت نوقف واحمد يهدي فيا خلاص هذا عمك اب راجلك تو طبعا كنت لابسة جينز ازرق داكن وعليه بلوزة طويلة بيج هادي  وطلعت وطلع معاي احمد وسلمت عليه وبست على راسه
عمي علي .. ماشاءالله كنتناماتوقعتهاش حلوة هكي
انا..انحرجت ومنطقتش ولا كلمة
عمي علي .. والله هالعيل محظوظ
بابا..امغير يسلم حتى هو ماشاءالله عليه
وطلعو وانا قعدت في مكاني وحذاي احمد وقعدت نبكي
احمد..كنك نوارتي
انا..مش عارفة دموعي بروحهن ينزلن
احمد..ههههه حلوة بروحهن هذي ومسح دموعي وخششني على البنات طبعا الحوش مابطلش فيه الزغاريد من لما انقرت الفاتحة
وخشيت لداري يوسف يرن عليا
يوسف ..اهلين بمرتي وشريكة حياتي بالشرع والدين
انا..اهلين بزوجي الغالي
يوسف .. واخيرا ومازال شوي بس وتبقي اخيرا في حوشي وبين احضاني
انا..تحشم يوسف
يوسف ..من شنو بنتحشم مرتي على سنة الله ورسوله 
  وبكرة بنشوفك باحلى طلة غير
انا..شنو قبل مانطلش بطلات حلوات
يوسف ..اكيد بس هالمرة غير لانك مرتي نا مرت يوسف علي الفلان
انا..بدون رد
يوسف .. الفرحة اللي انا فيها مافيها واحد
انا،.وانا والله
وقعدنا نهدرزو ويوسف قطعني برومانسيته اللي تهبل وقعدنا قريب ساعتين نحكو وبعدين استئذنت منه عشان بنرقد كويس ووجهي مايصبحش مرهق