للقدر والنصيب كلمة اخرى

60

#للنصيب_والقدر_كلمة_اخرى

ح60
احمد
ثاني يوم وعيت قبلها ولقيتها الحمدلله راقدة بعمق وركبت طول قبل حتى مانغسل وجهي اتصلت بهبة
هبة .. صباح الخير ان شاءالله خير عبورة فيها حاجة
احمد.. امبارح بعد ماروحنا صار .......
هبة .. وماعرفتش خيرها
احمد.. لا  لاني ماحاولتش واجد على خاطر مانزيدش عليها اللي نبيه تو حاوالي كيف تجي بدون مايعلم حد بيك
هبة .. تو نكلم فتحي على اساس ماشية لحوشنا بس هي تو كيف حالها
احمد.. قاعدة راقدة لكن خايف لما توعى مانندريش شنو يصير حاولي ما اطوليش
هبة .. ان شاءالله
خشيت للحمام دوشت بسرعة و توضيت وصليت ودعيت ليها ودعيت لربي يساعدني ومايوجع  قلبي عليها ساد الشهور  اول ما انفصلت على يوسف وانا نشوف فيها وهي تتعذب مش متحمل ياربي كون معاي ونزلت قعدت برا نستنى في هبة بيش ماترنش الجرس وفعلا جاء فتحي وهبة وفتحي مانعلمش هبة شنو قايلة ليه المهم سلم عليا وطلع وماسئلني شئ وخشيت انا وهبة
هبة .. تو نوعيها نا
احمد.. لا خليني انوعيها وكان دارت اي حاجة تعالي
هبة ..به
احمد.. نوارة نوراتي نوارة قلبي نوضي سادك نوم
انا.. فتحت عيوني بشوي ولقيت احمد جنبي خشيت فيه وهو ضمني
احمد.. كنك نوارتي انا حذاك قوليلي شنو اللي صارلك حد مضايقك امس
انا.. مافي شئ حمودي
وحولت من حضنه ورفعت راسي
حمودي جعانة انا
هبة
لما خشت في احمد وضمها خفت اتصير حاجة ثانية انسحبت وقعدت مقمعزة في المربوعة
احمد
لما قالت انها جعانة فرحت واجد واجد الحمدلله يارب الحمدلله يارب ماوجعت قلبي عليها
احمد.. هههههه هذي بس واحلى فطور نجهزه بايديا وحتى هبة جاية بتفطر معانا
والتفت مالقيتش هبة
انا.. وينها
احمد.. شكلها خشت للمربوعة
هبة هبة
هبة .. نعم
احمد.. تعالي
هبة .. صباح الخير خموجة
انا.. صباح النور نشوطة
وين واعية بدري ومعاها بتعسلي علينا وبتفطري معانا مش واجد هكي
هبة.. نروح راه
احمد.. نسيبكن مابيت ركبت جهزت الفطور
هبة .. تو نجهزه نا
احمد.. لا بنجهزه نا بندلع نوارتي و وخيتنا  عاد
وركب احمد وهبة ردت طرف الجلسة لمكانه ولمت مناديل اللي مسح بيهن احمد المكياج وانا صبيت حسيت راسي دايخ شكله من بكاء امبارح ولميت لبستي بعدين فطنت لروحي حيي من غيرلي دبشي
هبة .. كيف
انا.. مانندري على شئ
هبة .. عبورتي احكيلي شنو اللي صارلك امبارح احمد اتصل بيا من صبح ربي وهو اللي وعاني وقالي شنو صار معاك وخاف لما توعي تردي زي امس هذا ليش قالي نجي شنو صار حتى الخرا علياء  ماجت ولا غزلان جت شورك
انا.. مانندريش على روحي في السيارة حسيت بضيق لاني اذكرت كيف دفني يوسف في السيارة بقوة ولما نزلت بنخش للدار رجع الشريط اللي صارلي هذاك اليوم كيف كنت فرحانة وكيف انقلبت عليا هذيك الليلة خفت ومانندريش على روحي بعدها شنو صار
هبة .. ياروحي احمد عمره ماحيكون يوسف شوفيه كيف اهتم بيك عارفك ماتحبيش ترقدي وجهك عليه حاجة وماسحة لك لان مزيل المكياج هنا ومغيرلك دبشك
انا.. وووك عليا اكيد شاف جسمي عليك حشمة 
عارفة احمد عمره مايكون يوسف كنهدا ماتزوجنيش وقالي نتحملك نين نتقبله كزوج لكن هذا هو نحس فيه شريط رجع 
هبة .. كنك عبورة راهو زوجك والله تبي حد ثاني يغيره لك والله يخليك بالجمبسوت وهو كله فصوص ومش مريح في النوم
انا.. كيف بنحط وجهي في وجهه
هبة ..ديري روحك عادي ولا كانه في حاجة  غير ان شاءالله لابسة داخلي حلو ههههه
انا.. خزي يامسوسة
احمد .. تفطرو هنا والله تركبو فوق
انا قلت هكي بنشوف نوارتي تركب عادي او بتصيرلها الحالة زي امبارح
انا.. لا خلينا فوق مرات عمو محمود يجي
ركبنا فوق وخشيت لدار النوم وخشيت للحمام توضيت وصليت وغيرت دبشي لبست توتة سروالها برمودا لتحت الركبة وتشيرت عليها نص كم ولونها احمر وابيض وقعدنا فطرنا وهدرزنا وضحكنا
احمد
الحمدلله يارب شكلها ضيقة وعدت الحمدلله
هبة .. بتوصلوني للحوش والله نكلم فتحي
احمد .. لا تو نوصلوك
هبة ..تمام حطوني في حوشنا قبل بناخذ دبش لاني هكي قلت كان نجي بلاهم معاش نخلص من لسانتهم
انا.. خلاص خليني نغير دبشي قبل
احمد.. بنعدو للحوش الثاني
انا .. اه حمودي انوار عرسها الاثنين راه
احمد.. من فرحتي نسيت
هي امنا نوضي جهزي روحك وانا تو نحط الماعين في الغسالة
هبة ..تو نحطهن انا
وخشيت غيرت دبشي ولبست سروال واسع ازرق ملكي وعليه بلوزة قصيرة  بيضاء وكمها منفوخ وعلى الرقبة واسورة الكم فصوص لولي وعليها صندل عالي سكري وشنطة سكرية  واحمد خش للحمام غير دبشه وحطيت ميكاج خفيف ولميت شعري ذيل وطلعنا وبعدها جينا للحوش وعدى الوقت ونحن نبرمو على التجهيزات لان كل شئ يعتبر جاهز  لان الحنة الصغيرة يوم السبت وحنتها الكبيرة الاحد ودخولها الاثنين وطبعا في العشية جنا صاحبات انوار وعاد بيعلنن الاقامة وطبعا صاحبتي اليوم بيعدن راحة لحواشينهم وبيجن بكرة طبعا الا اصالة تجي كل يوم وطبعا انا مايخلوش فيا نبذل في مجهود وهما على كلمة لا انتي عروس وطبعا احمد كل شئ فوق راسه رغم انه عريس لكن ماعندنا غيره وسمعت ان عيت عم احمد اللي بنتهم علياء ماشيين لمصر بيقضو الصيف كله غادي وانا فرحني الخبر هذا وطبعا ماما وعمتو اصرو ان لازم نبات مع راجلي ماتجيش عروس وتبات بعيدة على راجلها فقررنا انا واحمد نباتو في جناحنا اللي في حوش اهلي طبعا اللي صار احمد يخش موخر وانا مازالت تحت  مع البنات نلقاه راقد على السرير وانا نرقد على الكنبة
وتجهيزات عرس انوار تهبل والحق عمو محمود ماقصر بابا يحط مية عمو يحط زيها قسم كل شئ مع بابا زي عرسي انا واحمد ويوم اللي بيصبح حنة انوار الكبيرة يوم الصالة ركبت لقيت احمد راقد منتهي وانا الحق الكنبة تعبت ظهري وخطر عليا كلام هبة اني لازم نعود روحي ونرقد معاه بيش نحس بيه اكثر كزوجي وقررت اني نرقد على السرير اكيد هو راقد مش حيس بيا وتمددت وسحبت الغطاء ورحت في سابع نومة من كثر ما السرير مريح
احمد
انا كنت راقد لكن مستحيل تصير حذاي حركة مانفطنش بيها وكنت الليلتين اللي فاتو نفطن بيها وهيا تجي توقف على السرير بيجهتي وكانها تتفرج عليا وبعدها ترقد على الكنبة وكانت توجع فيا لكن نقول خليها براحتها وعلى قد مانحاول نسهر بيش هي تسبقني ترقد على السرير لكن انا من تعب هات تعال نلقى روحي مانقدرش نقاوم زيها ولما جت الليلة ورقدت احذاي فرحت واجد وفتحت عيوني وقعدت نتفرج عليها وهي من راحة السرير كيف رقدت طول وخطر عليا شكل جسمها اه ياربي قديش محروم منها وقديش بنصبر عليها وهي زي الملاك احذاي يارب صبرني وغمضت عيوني ورقدت و وعيت الصبح لقيتها مازالت راقدة قبل نوعى نلقاها واعية قبلي ونازالة لكن بسبب السرير لقيتها مازالت راقدة قعدت نتفرج عليها شوي وحسيت بيها كانها زي اللي بتوعى وخرت شوي وانا متكي
احمد.. نوضي نوارتي رقدتي واجد شكلك
انا .. فتحت عيوني وجن  في عيون احمد قديش ماهن حلوات وفيهن لمعة تهبل وملينات حب وقديش وجهه حلو وشعرته اللي تهبل
احمد.. صباح الخير نوارتي
انا.. صباح النور حمودي
وخشيت فيه كاني نبيه يلفني بيديه
احمد
خشت فيا ونفسها قوي في صدري نحس بيه وقلبي زادن دقاته ولفيت ايديا عليها ووخرت نين انسندت على ظهر السرير وهيا في حضني وراسها على صدري وانا نحس روحي في عالم ثاني
انا
لما لف ايديه عليا حسيت بشعور حلوووووو  ونسمع في دقات قلبه كيف زادت سرعتهن
انا.. حمودي بتصبر عليا لامتى
احمد.. لاخر العمر
انا.. ونحن مع بعض ان شاءالله
احمد.. نوارتي في حاجة صايرة معاك
انا.. لا اشتقت ليك بس في النهار نشوف فيك خطف بس
احمد.. هانت مازال اليوم وبكرة
انا.. رايفت على حوشنا
احمد.. كيف هذا مش حوشنا
انا.. اكيد بس هذاك الاول
احمد
فرحني كلامها وفرحني اكثر انها اشتقت ليا واشتاقت للحوش الاخر وبالذات لما قالت الاول وحاس بحاجة متغيرة فيها حاجة حلوة وبستها على راسها وقعدنا شوي هكي ونحن في حضن بعض وبعدها حسيت روحي خلاص مش قادر نتحمل وتقول هي حست بيا
انا.. بنصبي خلاص ندوش ونغير دبشي ونصلي
احمد.. هيا امنا بيش حتى انا بندوش بيش نصلي
انا
حسيت روحي كان قعدت في حضن احمد اكثر كان حيدير حاجة ارتبكت وخفت لكن في نفس الوقت كنت فرحانة
ونزلت للحوش لتحت وشدني هنادي وهبة واصالة
هنادي .. تو قولي شنو
انا.. مافي شئ خيركن معاي
اصالة .. وجهك اليوم متغير رايقة ومرتاحة
هبة .. الحق عبورة اليومين اللي فاتو كانك ماترقديش كنتي واليوم العكس
انا.. رقدت في حضن حبيبي
هنادي .. خزي مش قادرة تصبري يومين
انا.. يامسوسة وتفكيرك وين مشى لازم حضن لازم حاجة ثانية
اصالة .. امنا الليلتين وين كنتي ترقدي
انا.. ارتبكت وفطنت لروحي شنو قلت
ماهو اليومين اللي فاتو نركب نلقى فيه راقد لكن امبارح لقيته يستنى فيا
هنادي .. وتقوليلي مافي شئ
انا.. خيرني نبرر ليكن وحتى كان في ماهو عرسان نحن راه كانك ناسية
وعدن البنات لكن هبة شدتني بروحي
هبة .. صار جديد
انا .. حكيت ليها شنو درت
هبة .. هذا اللي مفروض يصير معاش يرقد كل واحد فيكم في مكان
ومشى يوم الصالة يهبل وطلعت انوار تهبل وماتوقعتهاش تتطلع هكي وروحنا للحوش وبرضو ركبت ورقدت على السرير بحذا احمد و وعيت ثاني يوم قبله سهفني منظره وهو راقد لقيت روحي بايسته على خده وخشيت للحمام
احمد
انتبهت ليها لما وعت لكن مابيتش انوض وما انتبهتش ليها الا وهي باستني بوسة خطف على خدي وخشت للحمام بسرعة فتحت عيوني نستوعب قعدت
نفكر زعمك نوارتي بدت تتقبل فيا والله اللي صار معاها هذيك الليلة مخليها هكي طلعت من الحمام وقعدت تجفف في شعرها
احمد.. صباح الخير
انا..صباح الورد اليوم انا انشط منك نضت قبلك
احمد.. نحس في روحي تالف والله وتاعب
انا.. جيته وقربت منه وشديت ايده سلامتك من التعب ياقلبي ونحن من لينا غيرك
احمد.. اكيد يانوارتي وانا ماليا حد الا انتم
انا.. بست ايده من جوا بوسة حلوة وخفيفة وطلعت
احمد
نوارتي شكلها بتهبلني قلبي قديش بيتحمل
ومشى يوم زفة انوار وحتى هما اهل وسيم ماقصرو ماشاءالله دايرين حفلة تهبل وتليق بقصة حبهم اللي قديش ليهم ووسيم كان مش قادر يصبر يبي يطلع بسرعة بيها وروحنا وطبعا عمتو وماما يعتبرو دارو عزاء بالذات عمو قعد متاثر واجد بفراق انوار وثاني يوم الاول الاول بدا يروح من اقاربنا وفي هالعشرة ايام استمتعو واجد وادهورو في بنغازي كويس عكس كل مرة يجو فيها وحتى البنات روحن وعمتو وماما قالو روحو انا واحمد وهما بيقعدو الاسبوع هذا هنا في حوش اهلي وطبعا العاملات ضمن الحوسة كلها ومن ثاني يوم تما معاش عندنا شئ والفرش اللي يبي غسل قالت ماما وعمتو تو نجيبو شركة تغسله في مكانه
وروحت انا واحمد لحوشنا واول ماخشيت