للقدر والنصيب كلمة اخرى

3

#للنصيب_والقدر_كلمة_اخرى

ح3
فتحت عيوني مش مصدقة شنو نشوف لقيته  نفس الرقم بتاع الريفي قلبي قعد يدق بسرعة وحسيت روحي نعرق ونجف وهو يتصل نين يفصل ويعاود وانا بين انرد ومانرد والمشكلة اني كنت نستنى في اتصاله بفارغ الصبر وقررت انرد
انا ... ساكتة مابيتش نقول شئ لاني خفت نعطي لروحي امل ويطلع سالم المتصل
هو ... الو
انا ... عيوني قلوب قلوب اهلين
هو ... كيف حالك وحال صحتك
انا ... بخير الحمدلله كيف حالك انت
هو ... طالما رديتي عليا زي الناس معناها حالي بالف خير
انا ... ضحكت بحشم 
هو ... تعرفي تتحشمي
انا ... شنو قالولك عليا وجهي بارد
هو ... لاوالله بس حسيتك واعرة والواعرة ماتتحشمش هكي نسحاب
انا ... غير نظرتك امنا
هو ...باه اكيد نظرتي حتتغير بسببك على حاجات واجد
انا ... ان شاءالله في الخير بس
هو ... مارايفتيش عليا
انا ... صمت طويل وبيني وبين نفسي تي انا نعد في الساعات والايام ونوض ونرقد وانا نشوف في فوني بالك ران
هو ... الو وين رحتي
انا ... قاعدة بس ماعنديش رد على سؤالك
هو ... الحمدلله توقعتك تسكري في وجهي
انا ... سكتت ولاول مرة نقعد اندور في الكلام ومانلقاشي
هو ... كنك سكاتك واجد المرة هذي
انا ... اسئلتك تربك فيا وكلامك يحمل معاني واجد ووحلت في الرد عليك
هو ... باه شنو رايك نتعرفو على بعض بجديات
انا ... كيف بجديات
هو ... نعرف انتي من وانتي تعرفي انا من وتكون بينا الامور واضحة وممكن حتى توصل لاني نشوفك وتشوفيني شنو رايك
انا ... احسن شئ خلي كل حاجة بوقتها وخلينا نبدو بالبسيط
انت شنو اسمك بدون اللقب
هو ... اسمي يوسف وانتي
انا ... اسمي عبير   كم عمرك
يوسف20
انا...19
يوسف ...اصغر مني بسنة
انا...مش حاجة واجدة
يوسف ... مرتبطة
انا ... لا وانت
يوسف ... لا معقولة لو مرتبط نكلم بنت ثانية
انا ... سرحت في خيالي معقولة في اشخاص اوفياء في وقتنا هذا
وقلت ليه عادي ماهو واجد شباب مرتبطين بعلاقة او حتى خطوبة وحتى متزوج وداير ستيكة بنات يكلم فيهم
يوسف ... شكلك تعرفي منهم واجد النوعية هذي
انا ... لا ولايشرفني نعرفهم حتى قروبي الولاد لو واحد فكر فيهم يدير هكي نهاره احرف
يوسف ... قروب اولاد
انا ... ايه
يوسف ... اولا انا مش النوعية هذي ولانفكر نكون منهم لان نوعيتي القلب والعقل يرفع شخص واحد بس غير هكي نقدر انسميه اي شئ الا ان يكون حب
وثانيا قصدك انتي عندك اصدقاء ولاد
انا ... امنا سالم يتصل بي باي صفة ونرد عليه ليش طالما مانعرفاش
يوسف ... كم واحد هما
انا... تو تعرفعهم في وقتهم لاني خفت يطلع قريب سالم واجد ويعرف يوسف انا من لان قروبنا كان مشهور واجد في الكلية
يوسف ... وسالم
انا ... قريب ولد من قروبي  ويجي يكسد معانا
يوسف ... بس حسيت علاقته بيك قوية
انا ... مش واجد غير هو يحب يراهن وانا موتي الرهان والتحدي
يوسف ... اه
انا
خيره هذا ركز على قروبي اكثر مامركز عليا
يوسف
انا خفت انها تطلع خفيفة وبتاعت اولاد لكن في حاجة تشد فيا ليها واجد ومعرفتش السبب
يوسف .. عبير اي ترتيب في خوتك انتي
انا ... البكر  وانت
يوسف ... سكتت شوي وفي خاطري نحكيلها او لا ورديت
يوسف .. الوسطي
انا ... كم اخ واخت عندك
يوسف
رديت  بنبرة فيها حزن لكن مانسحابهاش مركزة معاي
يوسف .. ثلاثة بس مش اشقاء باتي اتزوج بنت عمه وجاب منها عبدالسلام خوي الكبير وبعدين اتزوج امي على بنت عمه وجيت انا وعمري اربعين يوم طلق باتي امي وتربيت في حوش جدي وخالد اصغر مني وبعده جت دلوعة العيلة امل
انا ... بضحكة شكله وجك خير عليها يوسف .... رديت بضحكة فيها وجع اي شكلي خير واجد عليها
انا ...علاقتك بخوتك كويسة او لا
يوسف ... الحمدلله ان نحن مش من ام وحدة لان لو جينا من ام وحدة مكناش نحبو بعض هكي
انا ... الحمدلله ربي يدوم الود بينكم يارب
بس ليش حسيت وانت تحكي عليهم في نبرة حزن في صوتك
يوسف ... لقيتها مركزة معاي وحاسة بيا لا مافي شئ غير كنت نتمنى يكون عندي اخ او اخت شقيق زيهم مهما نحكو ونتلاقو مع بعض في الاخير هما يروحو لحوشهم وانا نجي لحوش جدي
انا ... طالما متفاهم معاهم ليش مش عايش معاهم
يوسف ... اول ماروحت بيا امي جدي رباني وفرح بيا واجد وبعدها عمري سنتين امي تزوجت وشافت حالها وجدي وحني وخالتي ربوني ومعاش قدرت نسيبهم حتى بعد كبرت رغم ان باتي مصر واجد اني نجي نسكن معاه
انا
. قعدت مركزة على كلامه وخطرت عليا حاجة
انا.. معناها انت مش ضيف على الحوش هذا بما انه حوش جد سالم وهو يبقى حوش جدك يعني انت ولد خالته صح
يوسف
.بصراحة ابهرتني قوة التركيز اللي عندها وحسيت بشعور مانعرفش نوصفه الحق
يوسف .. ههههه تركيز محقق نهنيك
انا ... ماتبيش ذكاء شوي ربط  معلومات
يوسف ... ههههههه ايوة يامحقق انتي
انا
فرح قلبي مع ضحكته لانه حسيته كان يحكي بالم على اهله وطبعا خلو الضحكة بروحها
يوسف ... وين رحتي
انا ... مفجوعة حي
يوسف ... كنك
انا ... الفجر يذن وانا عندي بكرة محاضرة الصبح هي سلام
يوسف ... استني انتي تقري في الجامعة
انا ... يوسف نحن قلنا نبدو شوي شوي
يوسف ... انتي مازال ماحكيتيش ليا على اهلك
انا ... بكرة كان اتصلت بيا تو نهدرزلك عليهم
يوسف ... وانتي متوقعة اني مش حنتصل بيك
انا ... معاش عرفت شنو نرد
هيا سلام تو
نضت صليت الفجر ورقدت لكن اي نوم رقدته اصلا مش عارفة رقدت او لا
هبة .... عبير عبير عبير نوضي يابختي العطيب
انا ...فتحت عيوني اسمله الكريم
هبة ...كنك تقولي شايفة عفريت
انا ... خيرك على الصبح
هبة ... نوضي توخرنا على المحاضرة وانتي عارفتيه دكتور الهم خمس دقايق تاخير معاش يدخلنا
نضت وانا نجري غيرت دبشي وربكبنا سيارة بابا كان قاعد يستنى فينا .....