ထာဝရအသက္ရွည္လိုေသာ္ အတွဲ ( ၁ ) ( ကျုပ်က ပိုင်ရှောင်ချန်း )

အခန်း(၈၀)

ထာဝရအသက်ရှည်လိုသော်
မူရင်းစာရေးဆရာ Ergen

အခန်း ( ၈၀ )

ဖက်တီးကျန်းကြီး၏ အရည်အချင်းများ

ယခုသူ့တွင် ဝိညာဉ်ကျောက်တုံးများစွာရှိသွားပြီဖြစ်ရာ ပိုင်ရှောင်ချန်းက လိပ်ကလေးနှင့်ပတ်သတ်သောကိစ္စကို ထပ်၍စိတ်မပူပန် ချင်တော့ပေ။ ဖြစ်ပျက်ခဲ့သောအရာများကြောင့် သူ၏နှလုံးသားမှာ ဓားနှင့် အကြိမ်ထောင်ပေါင်းများစွာထိုးခံထားရ သကဲ့သို့ဖြစ်နေတော့သည်။ ယခုလုပ်ရန်ကျန်သော တစ်ခုတည်းသောအရာမှာ ဆေးဖော်စပ်ဆောင်သို့သွား၍ ဆေးဖော်စပ်ခြင်းတွင် စိတ်နှစ်ကာ မိမိကိုယ်ကိုယ် ပြန်ကုစားရန်ပင် ဖြစ်တော့သည်။

ဤအကြိမ်တွင် ပိုင်ရှောင်ချန်း၏ အဆင့်နှစ် စိတ်စွမ်းအင်ဆေးဖော်စပ်နိုင်စွမ်းမှာ ပြီးပြည့်စုံသော အဆင့်သို့ရောက်သွားပြီ ဖြစ်သည်။ သူ၏အောင်မြင်မှုနှုန်းမှာ ကြောက်မက်ဖွယ်ကောင်းလောက်အောင် မြင့်မားနေတော့သည်။ သူက အဆင့်သုံး စိတ်စွမ်းအင်ဆေးများဖော်စပ်ရန် ပြင်လိုက်တော့သည်။

သူလုပ်ငန်းစသောအခါ သူ၏အလုပ်ရုံမှာ တဂျုံးဂျုံးမြည်ဟည်းသံများဖြင့် ပြည့်နှက်နေတော့သည်။ တစ်ခါက မထင်မှတ်ထားသော အရာတစ်ခုဖြစ်ကာ ဆေးပေါင်းဖိုကြီးမှာ လေပေါ်မြောက်တက်သွားပြီး နံရံကိုဝင်ဆောင့်မိသဖြင့် အသံကျယ်ကြီးတစ်သံထွက်လာပြီး ချိုင့်ခွက်အသေးလေးတစ်ခုပင် ပေါ်လာတော့သည်။

သို့သော်လည်း ထိုအရာမှာ ဆေးလုံးတစ်ကြိမ် ပျက်စီးကာ ပေါက်ကွဲစဉ်က အလုပ်ရုံ၏ အကာအကွယ်မန္တန်ဝင်္ကပါပင် မတားဆီးနိုင်ခဲ့ဘဲ မီးခိုးများထွက်လာသောအခါနှင့် နှိုင်းယှင်လျှင် ဘာမှမဟုတ်ပေ။ ထိုမီးခိုးများမှာ ဆေးဖော်စပ်ရာအဆောင်၏ တစ်ဝက်ခန့် ပြည့်နှက်သွားပြီး အတွင်းရှိလူတိုင်းမှာ ချောင်းဆိုးရင်း ကျိန်ဆဲကာ အပြင်သို့ ပြေးထွက်လာရသည်အထိပင်။

ပိုင်ရှောင်ချန်းမှာလည်း ထိတ်လန့်သွားပြီး သူတို့နည်းတူ ပြေးထွက်လာခဲ့သည်ဖြစ်ရာ အဆုံးတွင် တရားခံ မည်သူမှန်း တစ်ယောက်မှ မသိလိုက်ချေ။