Chill

9

"မင်္ဂလာပါ တယံ"

"မင်္ဂလာပါခင်ဗျာ"

"Running Man Myanmarက တယံရဲ့ Variety Showပထမဆုံးအတွေ့အကြုံမဟုတ်လား"

"ဟုတ်ပါတယ်"

"ကိုယ်တို့အစီအစဉ်ကို ကြည့်ဖူးလား"

"ဒီကို မလာခင် ညက ကြည့်ခဲ့ပါတယ်"

"အဲ့ဒါပဲလား ... အရင်ကရော မကြည့်ဖြစ်ဘူးလား"

"တယံက အားလပ်ချိန်နည်းလို့၊ ရှိတဲ့အားလပ်ချိန်မှာလည်း ရုပ်ရှင်တွေ အကြည့်များလို့ Varity Showအကြည့်နည်းပါတယ်"

"အကြည့်နည်းတာမဟုတ်ပါဘူး ကြည့်ကိုမကြည့်တာထင်ပါတယ်"

အစ်ကိုမိုးလင်းဦးက တမင်စကားကိုကပ်ပြောတော့ တယံ ရယ်နေလိုက်သည်။

"မနေ့က ကြည့်တော့ တယံဘယ်လို သုံးသပ်မိလဲ"

စီနီယာအစ်မမေသူက ဖြတ်မေးလိုက်သော အမေးစကား။

"အရမ်းရယ်ရပါတယ်၊ အရင်က ကြည့်လေ့မရှိပေမဲ့ နောက်အားလပ်ချိန်တွေမှာ Varity Showကြည့်ဖို့ အချိန်ဖယ်ထားဖြစ်တော့မှာပါ၊ စိတ်အပန်းပြေရတဲ့ အစီအစဉ်ကောင်းဖြစ်လို့ Stressများရင် Varity Showပဲ ထိုင်ကြည့်ဖြစ်တော့မယ်ထင်တယ်"

တယံပြောစကားအဆုံး တယံကိုတမင်လိုက်ကြပ်နေသည့် အစ်ကိုနှင့်အစ်မအပါအဝင် အားလုံးသဘောကျနှစ်သက်သွားပြီး လက်ခုပ်တီးလိုက်ကြသည်။ သူတို့အစီအစဉ်ကို တယံက အရိုးသားဆုံး အသိအမှတ်ပြုလိုက်တာကိုး။

"Running Man Myanmarမှာ ပျော်ပျော်ပါးပါးဂိမ်းတွေကစားပြီး Missionတွေလုပ်ကြမယ်၊ ခက်ခဲတာလည်းရှိမယ် ရယ်မောရတာလည်း ရှိမယ်၊ Running Man Myanmarကိုမလာခင် တယံကိုယ်တို့အစီအစဉ်ကိုကြည့်ပြီး လေ့လာထားခဲ့ပြီးတယ်၊ ဒီနေ့မှာ ကိုယ်တိုင် ပါဝင်ကစားရတော့မယ်ဆိုတော့ တယံအနေနဲ့ စိတ်ကိုဘယ်လိုပြင်ဆင်ထားလဲ"

"ဘယ်သူ့ကိုမှမယုံဖို့"

ဝါးခနဲပွဲကျသွားကြပြီး Runners၇ယောက်စလုံး လက်ခုပ်တဖြောင်းဖြောင်းတီးကြသည်။ တယံသည် လူမှုဆက်ဆံရေးကောင်းသူပီပီ ပထမဆုံး Varity Showဖြစ်ပေမဲ့ MCတွေရဲ့ လျှပ်တပြတ် သတ်ချသော မေးခွန်းတွေကို တိုတိုတုတ်တုတ် မြန်မြန်ဆန်ဆန် ရင်းရင်းနှီးနှီးဖြစ်အောင် ခုခံတန်ပြန်နိုင်သည်။