Chill

41

အချိန်သုံးလကျော်ကြာခဲ့ပြီးနောက် တိမ်တမံ ပထမဆုံး ဇာတ်ဆောင်အဖြစ် ရိုက်ကူးရသည့် ရုပ်ရှင်သည် အကြမ်းဖျင်းရိုက်ကူးရေး ပြီးဆုံးသွားခဲ့ပြီဖြစ်၏။ တမံကို လာကမ်းလှမ်းထားကြသော အလုပ်တို့ကပုံလို့။ မမကြူလည်း မအားနိုင်တော့။

ဒါ့အပြင် ထိုင်ဝမ်မှာ ပြိုင်ပွဲဝင်နေသော Zylenက အရှေ့အာရှနိုင်ငံအသီးသီးမှ ကိုယ်စားပြုသော Dancersတို့ကိုကျော်လွန်၍ Grand Prize Dancer Kingဆုကြီးကို ရရှိခဲ့လေသည်။ Zylenအောင်မြင်မှုနှင့်အတူ တိမ်တမံကပါ ရောယောင်၍ ဟုန်းဟုန်းတောက်ဦးမှာပဲ။ တိမ်တမံခေတ် နိုးထတော့မည်။

တမံရှေ့ Zylenအကြောင်းကို ရဲရဲ စကားမထွက်ရဲပါ။ တိမ်တမံတစ်ယောက် Zylenအပေါ် အပြစ်လုပ်ထားသည်ကို အနီးကပ်ဆုံး မမကြူနှင့်ရဲရဲက သိထားမြင်ထားသည်လေ။ အတင့်ရဲပါ‌ပေ့ ... မန္တလေးက ဦးလေးအိမ်မှာ သွားအိပ်မယ်ဆိုပြီး သူတို့နှစ်ယောက်ကို အမရပူရမှာ ဂျင်းသိပ်ခဲ့တာ။ နောက်မှ ပြန်စုံစမ်းလို့ တအံ့တအား သိလိုက်ရသည်က Kyleတည်းသည့် ဟိုတယ်မှာ တိမ်တမံအခန်းငှားနေခဲ့ကြောင်း။

အစကပြောတော့ဖြင့် ရိုက်ကူးရေးပြီးရင် မပြန်သေးဘူး အပန်းဖြေလည်ပတ်ဦးမယ်လို့ ပြောကာ မန္တလေးကိုသွားခဲ့သည်။ Kyleနှင့်တမံကြား ဘာတွေဖြစ်ပျက်ခဲ့ကြလဲမသိ။ ထိုနေ့မနက်ခင်းပဲ တိမ်တမံက မန္တလေးကနေ ရန်ကုန်ကို လေယာဉ်နဲ့ ချက်ချင်းပြန်သွားခဲ့သည်။ ရန်ကုန်ပြန်ရောက်ရောက်ချင်း တမံ အပြင်းကြီးဖျားခဲ့ပါ၏။

မမကြူက မသင်္ကာလို့ အပြင်မှာ စုံစမ်းမေးမြန်းရင်း အကြောင်းဆက်စပ်ကာ ဟိုတယ်တစ်ခုတည်းမှာ Kyleနှင့်တမံ အတူရှိခဲ့ကြောင်း သိလိုက်ရသည်။ မကြာ ရုပ်ရှင်ရိုက်ကူးရေးက စတင်တော့မှာဖြစ်ပြီး တမံကိုယ်တိုင် နေမကောင်းဖျားနာခဲ့သောကြောင့် စိတ်အနှောက်အယှက်ဖြစ်မှာစိုး၍ မမကြူဘာမှမပြောခဲ့သေးသော်လည်း စိတ်ထဲတမြေ့မြေ့ မီးစာအုံဖွဲ့နေခဲ့သည်။

အမရပူရမသွားခင်တည်းက တိမ်တမံမှာ တမှိုင်မှိုင်တတွေတွေ။ မပြောမဆို ထိုင်ဝမ်ထွက်သွားသည့် Zylenကြောင့် တမံသောကရောက်နေတယ်ပဲ ထင်ထားခဲ့၏။ သို့မတိုင်ခင်ကလည်း ကာယကံရှင်တွေလောက် ပြဿနာအရင်းအမြစ်မသိထားပေမဲ့ တမံနှင့် Zylenဆက်ဆံရေးမကောင်းတော့တာ ရိပ်မိသည်။