Chill

59

Kyle'MVအတွက် ဇာတ်ညွှန်းကိုဖတ်နေရင်း တစတစ မျက်မှောင်ကြုတ်လာသော တိမ်တမံ။ နောက်ဆုံးလက်ဆောင်ရယ်လို့ စိတ်ပျော့မိတာ မှားပြီလားမသိ။ Kyleရေးသော ဤဇာတ်လမ်း၌ တမံနှင့်သော်ကို ပါဝင်စေတာ ဘာသဘောလဲဟု သွားသောင်းကျန်းပစ်ချင်သော်ငြား တမံသည် Kyleနှင့် ပုဂ္ဂိုလ်ရေးခံစားချက်တွေထား၍ စကားမပြောချင်၊ မျက်နှာမဆုံချင်။

တိမ်တမံသည် Kyleကို တော်တော်နာကြည်းမုန်းတီးနေ၏။

ယခုတလော Facebookလိုနေရာမျိုး၌ မမြင်ချင်မတွေ့ချင်အဆုံး မပြီးနိုင်မစီးနိုင် ရေပန်းစား အငြင်းပွားနေကြသည်မှာ Kyle' Dating Scandal ဖြစ်သည်။ Kyleကို သိသည်ဖြစ်စေ မသိသည်ဖြစ်စေ Fanဟုတ်သည်ဖြစ်စေ မဟုတ်သည်ဖြစ်စေ Kyleနာမည်နှင့်မျက်နှာက Facebook Newfeedsပေါ် လွှမ်းမိုးထားသည်။

PRO Ent;မှ ပွဲဦးထွက်ထားတာ မကြာသေးသော မိန်းကလေးခုနှစ်ယောက် Girl Groupထဲက ထိုင်းမလေး Riနှင့် Kyle'Rumorsတို့သည် လူစိတ်ဝင်စားရန် အတော်ရိုးအီနေလောက်အောင် Hotလွန်း၍ မျက်စိနောက်စရာဖြစ်နေသည်။

Entertainလောက၏ ရှေးထုံးအစဉ်အလာအရ ပူပူနွေးနွေး Debutထားပြီး Promotion ကာလအတွင်း အသစ်စက်စက်ကလေးကို သဘာဝဘေးရော သဘာဝ မဘေးတာရော ဘာဘေးမှ မထိပါးနိုင် ကပ်မဆိုက်ရအောင် Organizersတို့က သံကွန်ရက်အထပ်ထပ်ချ၍ ဖူးဖူးဖူးဖူး မှုတ်ထားလေ့ရှိသည်။ အပြစ်ကင်းမဲ့ပါတယ်ဆိုသော အပြစ်ကင်းမဲ့ဆုံးသော ဖြစ်တည်မှုတွေထက် အပြစ်ဆိုတာ ရှာလို့မတွေ့နိုင်သည့် အရိုးခံ အဖြူထည်လေးအဖြစ် ခေါင်းပေါ်တင်ထားကြသည်။

PRO Ent;က ဒါမျိုးဆို သူတကာထက် ကဲသည် ပိုသည် သည်းသည်။ Kyleနှင့်မှ မြွေပွေးခါးပိုက်ပိုက်မိတော့တာပဲ။ လိုင်းပေါ် ထင်သလိုပြောနေရေးနေကြသမျှ Rumorsတို့ကို ထိန်းမနိုင်သိမ်းမရ လွှတ်ထားရသည်။ Kyleက Girl Group၏ ပင်တိုင်Composerဖြစ်ပြီး Vocal Trainerဖြစ်သတဲ့။

PRO၏ အူတုန်အသဲတုန် မိန်းကလေးခုနှစ်ယောက်ထဲက အချောဆုံးအလှဆုံးအသွက်လက်ဆုံးဖြစ်၍ အချစ်ခံနေရသော Riနှင့် Kyle Rumorsတို့သည် လူမှုကွန်ယက်ပေါ် မကြာခဏ Update ဖြစ်တတ်သည်။ Kyleဟုယူဆရသော အမျိုးသားနှင့် Riဟုထင်မှတ်ရသော မိန်းမငယ်လေးတို့ ခိုးကြောင်ခိုးဝှတ် ချိန်းတွေ့သမျှ လူမိရသော သက်သေတို့က ငြင်းခုန်စရာ ကောင်းနေတော့သည်။