သီချင်းဖျော်ဖြေမှုအပြီး အမှောင်အတိချလိုက်သော စင်မြင့်ထက် MCနှစ်ယောက်နှင့်အတူ တဖန် မီးစလိုက်အလင်းရောင် ထိန်ထိန်လင်းလာသည်။ မိန်းကလေးMCဖြစ်သူက
"ရွှေပွဲလာဧည့်ပရိသတ်များရှင် အခုဆို ဒီညရဲ့ နောက်တစ်ဆုကို ကြေညာဖို့ အချိန်ကောင်းကျလာပြီပဲ ဖြစ်ပါတယ်ရှင်"
"ဟုတ်ပါတယ်ခင်ဗျာ၊ ဒီတစ်ခါအလှည့်ကျတဲ့ 2019 Most Popular Awardအတွက် ဇကာတင်စာရင်းဝင် 1 to 5 အနုပညာရှင်ငါးဦးကို ပရိသတ်ရှေ့မှောက် ရှုစားကြည့်ကြရအောင်လားခင်ဗျာ"
ပရိုဂျက်တာ လင်းလာပြီး ဇကာတင်ဆယ်လီငါးဦး၏ Highlightsများကို တစ်ဦးချင်းစီ ပြသနေ၏။
"FYTV Channal 2019 Most Popular Awardက အနုပညာနယ်ပယ်အသီးသီးမှာ တစ်နှစ်အတွင်း ပရိသတ်အားပေးမှု အမြင့်ဆုံးရရှိထားတဲ့ ပရိသတ်အချစ်တော်အနုပညာရှင်တို့ကို အွန်လိုင်း Votingနဲ့ စစ်တမ်းကောက်ယူထားပြီး Votting အများဆုံးကို ဆုအဖြစ် သတ်မှတ်ထားတာဖြစ်ပါတယ်ခင်ဗျာ"
"ဟုတ်ပါတယ်ရှင်၊ ဒါကြောင့် ဒီဆုဟာ အခြားဆုတွေနဲ့မတူဘဲ တစ်နိုင်ငံလုံးက ပရိသတ်တွေ ရွေးချယ်ချီးမြှင့်တဲ့ ပရိသတ်ပေးသော ဆုဖြစ်ပါတယ်ရှင်"
ဇကာတင် ငါးဦး၏ Highlightsများ ပြီးဆုံးသွားပြီးနောက် ဆုတံဆိပ်ဗန်းကိုင် နှင့် စာအိတ်ဗန်းကိုင် အလှပြမော်ဒယ်နှစ်ဦး စင်မြင့်ပေါ် လှလှပပတက်လာပြီး MCနှစ်ဦးအနောက် ရပ်လိုက်သည်။
"ပထမဦးဆုံး 2019 Most Popular Awardဆုကို ဖွင့်ဖောက်ကြေညာပေးဖို့အတွက် FVTVဥက္ကဌဖြစ်သူ"
ထိုအချိန် စင်ပေါ် ဆတ်ကော့လတ်ကော့ တက်လာသော သူသည် ဖိတ်ခေါ်ခံရသော FYTVဥက္ကဌ မဟုတ်ဘဲ ရုပ်ချောသန့်ပြန့်နေသည့် အသက်ငယ်ငယ်ရွယ်ရွယ် အဆိုတော်ပေါက်စ Kyleဖြစ်နေသည်။ အစီအစဉ်မှာမပါဘဲ ရုတ်တရက်ကြီး စင်ပေါ် ခပ်တည်တည်တက်လာသော Kyleကို MCနှစ်ယောက် ကြောင်ကြည့်နေကြသည်။ ပြောလက်စစကားကိုဆက်မပြောနိုင်ဘဲ Kyleဘာလာလုပ်တာလဲပဲ အထူးအဆန်း အံ့ဩနေကြ၏။
Kyleသည် ပရိသတ်ဘက် လက်ပြနေရင်း သူတို့အနားရောက်လာသည်။ ဗန်းကိုင်မော်ဒယ်ဆီက စာအိတ်ကိုယူ ဖွင့်ဖောက်လိုက်ပြီး
YOU ARE READING
Chill
Romanceစာရေးသူ၏ ခွင့်ပြုချက် မတောင်းဘဲ Audiobook ပြုလုပ်ခြင်း / ဇာတ်လမ်းအစအဆုံး နည်းအမျိုးမျိုးဖြင့် ပြန်လည်ကူးယူတင်ဆက်ခြင်း မပြုလုပ်ကြပါရန် လေးစားစွာ မေတ္တာရပ်ခံပါသည်။ This story book presented by Zawgyi & UNICODE. Zawgyi မယုံမရွိနဲ႕ ... တိမ္တမံရဲ႕ က...
