(ဥက္ကဌရဲ့အရင်ယောက်ျားကပြောတယ် သူကအနက်ရောင်ကြာပွင့်လေးပါတဲ့)

အခန်း(၂၈) အပေါ်မှာဘယ်သူလဲ။

"မင်းရဲ့ အခြေအနေဘယ်လိုရှိလဲ။ မင်းကို ပျော်ရွှင်စေမယ့် အကြောင်းအရာလေးတွေကိုရော ရှာဖြစ်သေးလား။ မင်းရဲ့ သီချင်းတွေကရော "

"အကုန်လုံး ကောင်းပါတယ်။ သူတို့တွေ ကျွန်တော့်သီချင်းအသစ်ကို ကြိုက်ကြတယ်။ လက်ရှိမှာတော့ နိုင်ငံခြားက အဆိုတော်နဲ့ သီးချင်းရေးပြီး ဆိုခိုင်းဖို့ လုပ်နေကြတယ် . "

တဖြည်းဖြည်းနဲ့ ပိုပိုပြီးအသက်ဝင်လာသည့် အပြုံးလေးတွေက သူကြိုက်တဲ့ သီချင်းအကြောင်းပြောနေလို့ဆိုတာ သေချာသည်။

တကယ်ကိုပဲ သီချင်းလေးတွေအကြောင်း ပြောနေရင် သူ့အပြုံးတွေကိုလည်း မြင်ရနိုင်တယ်။

"ကောင်းတာပေါ့ ။ အဲ့တာက မင်းကိုပျော်အောင်လုပ်ပေးနိုင်တယ်ဆိုရင် သိပ်ကိုကောင်းတာပေါ့ "

"ဒါဆို .... မင်းရဲ့ ယောက်ျားနဲ့ရော .... "

ထိုမေးခွန်းကို ကြားတော့ ဖန်ခွက်ကို ဆုပ်ကိုင်ထားသည့် ဝမ်နျဲ့နန်၏လက်တွေက ပိုပြီးတင်းကြပ်သွားကာ သူ့နှုတ်ခမ်းထက်က အပြုံးတွေလည်း ပျောက်ကွယ်သွားခဲ့သည်။ ဝမ်နျဲ့နန်က ထိုအကြောင်းကို မပြောပြချင်သည့်အတိုင်း ခေါင်းလေးကို ငုံ့ထားသည်။

"မင်း ငါ့ကို အကုန်ပြောပြလို့ရတယ် နန်နန်... ငါက အခု မင်းရဲ့ ဆရာဝန်ဖြစ်ပြီး မင်းရဲ့ သူငယ်ချင်းဆိုလည်း ဟုတ်တယ်။ မင်း ငါ့ကို အကုန်လုံးပြောပြလို့ရတယ် .. "

"သူက ကျွန်တော်နဲ့ ကွာရှင်းချင်နေတယ်.... ကျွန်တော် ဘယ်လိုလုပ်ရမလဲ " ဝမ်နျဲ့နန်က အသက်ကိုပြင်းပြင်းရှူပြီး ပြောလိုက်သည်။

'ဒါက သူမပြောပြချင်တဲ့ အကြောင်းအရာပေါ့ '

"မင်း ကုသမှုကို ဆက်မလုပ်ချင်တာ အဲ့ဒီအကြောင်းကြောင့်လား။ မင်း ငါ့ကို ပြောပြလို့ရပါတယ်။ အဲ့လိုပြောလိုက်တာက မင်းကို ပိုပြီးစိတ်သက်သာရာရစေတယ်ဆိုရင် ငါ့ကို ပြောပြလို့ရတယ်"

တစ်နာရီကြာပြီးသည့်နောက်မှာ စားပွဲပေါ်က သဲနာရီလေး၏ သဲတွေအကုန် ကုန်ဆုံးသွားပြီး ဝမ်နျဲ့နန်၏ စကားသံတွေလည်း ရပ်တန့်သွားသည်။