ချန်းလုံအန်းက အကြောင်းအရာတစ်ခုကို ပြောသင့်မပြောသင့် စဉ်းစားနေရင်း သူ့မျက်နှာ၌ ရှုပ်ထွေးနေဟန်အမူအရာကိုဖော်ပြကာ နောက်ဆုံး၌ သူကပဲ စကားစလိုက်သည်။
"ယျန်ရှန်း ငါ ပြောသင့်လား မပြောသင့်လားမသိဘူး။ အမှန်တော့ ငါ မင်းကိုမပြောပြပဲထားထားတဲ့ ကိစ္စတစ်ခုရှိတယ်။ မပြောပြဘူး ဆိုတာကလည်း အဲ့ဒီကိစ္စကြောင့် မင်းအတွေးလွန်ပြီး စိတ်ညစ်သွားမှာကြောက်လို့ပါ။ ဒါပေမယ့် ဒီနေ့ ထျန်ရှုံးနဲ့ ဝမ်နျဲ့နျန်ကို အတူတွေ့လိုက်တော့ ငါ့စိတ်ထဲမှာ တစ်မျိုးဖြစ်သွားလို့ "
"ဘာကိစ္စလဲ။ ငါ့ကို ပြောပြလို့ ရပါတယ်"
ကုယျန်ရှန်းက ချန်းလုံအန်းဘက်လှည့်ကာ လေသံဖျော့ဖျော့ဖြင့် ပြန်ပြောသည်။
" ငါ့ဦးလေး ကုမ္ပဏီကိုသွားတုန်းက ထျန်ရှုံးရဲ့ အကို ထျန်လွမ်ရွှန်းကို ဉက္ကဌရုံးခန်းထဲက ထွက်လာတာကို တွေ့လိုက်တယ်။ အဲ့တာနဲ့ ငါ့ဦးလေးက အတွင်းရေးမှူးလီကို မေးကြည့်လိုက်တော့ သခင်မကြီးက ကု အဖွဲ့အစည်းနဲ့ ချီယွမ့်အဖွဲ့အစည်းရဲ့ ကုမ္ပဏီနှစ်ခုပူးပေါင်းဖို့ ကိစ္စနဲ့ တွေ့ဖို့ ခေါ်လိုက်တာလို့ ပြောတယ် "
"မင်း ဘာပြောလိုက်တယ်။ အဲ့တာ အမှန်ပဲလား။ "
ကုယျန်ရှန်းရဲ့ မျက်နှာအမူအရာက ချက်ချင်းပြောင်းလဲသွားပြီး သူက ဒေါသတကြီးနဲ့ မတ်တပ်ထရပ်လိုက်သည်။
' ဘာလို့ အမေက ထျန်လွမ်ရွှန်းနဲ့ ပူးပေါင်းဖို့ ကိစ္စကိုဆွေးနွေးရတာလဲ။ ထျန်မိသားစုကို သူဘယ်လောက်ထိမုန်းတယ် ဆိုတာ သိသိရက်နဲ့ ဘာလို့ ပူးပေါင်းဖို့အထိ လုပ်ရတာလဲ '
ရုတ်တရက် ကုယျန်ရှန်း၏အတွေးထဲသို့ အသိတစ်ခု ဝင်လာသည်။
"ငါ ကုမ္ပဏီကို ဘာလို့ မသွားရတော့လဲဆိုတာ သိပြီ။ သူ ရုတ်တရက်ကြီး F နိုင်ငံကိုပြန်လာပြီး ကုမ္ပဏီကိစ္စတွေကို ယွမ်ဖုန်းကို ဘာလို့ လွှဲပေးလိုက်လဲ ဆိုတာလည်း အံ့ဩစရာမလိုတော့ဘူး။ ဝမ်နျဲ့နျန်ကြောင့် ပြန်လာပြီး ဝမ်နျဲ့နျန်ရဲ့ ကျန်းမာရေးပြန်ကောင်းလာတဲ့အထိ ငါ့ကို အိမ်မှာနေပြီး ဂရုစိုက်ခိုင်းတယ် ဆိုတာ အားလုံး အလိမ်အညာတွေပဲ။ "
أنت تقرأ
(ဥက္ကဌရဲ့အရင်ယောက်ျားကပြောတယ် သူကအနက်ရောင်ကြာပွင့်လေးပါတဲ့)
عاطفيةI'm not own this novel . I credit to the original author and Eng translator who allow me to translate this novel. Author - ICIYUAN动漫 English Translator - xxGirl-in-blue အချည်းနှီးသာဖြစ်သွားခဲ့ရတဲ့ သုံးနှစ်တာ ကာလအတွက် ဝမ်နျဲ့နန် ပြန်ရခဲ့တာက အေးစက်တဲ...
