#وريث_آل_نصران
مساء الفل عليكم... كل سنة وأنتم طيبين أجمل شهر خلاص على وصول ❤
ندردش بقى عن اللي هيحصل الفترة الجاية فاعملوا كوباية شاي كده واقروا 😂
بسم الله الرحمن الرحيم
★ أولا كده رواية وريث آل نصران هتقف في رمضان ولا لا؟
أيوه الرواية هتقف في رمضان بإذن الله، هتفضل تنزل لحد قبل رمضان يعني غالبا كده لسه معانا فصلين أو تلاتة كمان
ووقوفها ده هيكون انتهاء الجزء الأول منها.
★ الرواية لحد فين؟
أولا كده رواية وريث آل نصران غير رواية لا تؤذوني في عائشة تمام... وريث آل نصران كبيرة واحنا يدوب لسه في بدايتها... يعني لسه في مشوار طويل مع الأبطال دول اللي فات ده كله كان تعارف بسيط عليهم، وإن شاء الله هتشوفوا حاجات هتعجبكم جدا مع المضطرب النفسي حجي "عيسى نصران" واخواته، والست هادية وبناتها، وهنعمل رواية تعيش العمر كله ♥😂
★ هنعمل ايه في رمضان؟
بإذن الله هعملكم حاجة لطيفة كده في رمضان بفكر فيها ويارب تكمل على خير، مش رواية خالص علشان محدش يفهم غلط.
★ حاجة على جنب كده بقى:
في كومنتات سلبية بحاول أتغاضى عنها، لكن مع التكرار بتضايق حقيقي...يعني مينفعش أكون كاتبة فصل طويل وألاقي كومنت عن ان الأحداث تجري ويحبوا بعض بقى... انا مش بعمل رواية بتدور حوالين اتنين بيحبوا بعض وهيتجوزوا وخلاص خلصنا كده، احنا بنناقش قضايا ومنهم اضطراب نفسي ومريض لازم يظهر قدامكم كأنكم شايفينه بالظبط ولسه هتعيشوا معاه كتير فنهدى عليه شويه، وتهدوا عليا كمان شويتين 😂
★ تلخيصا لكل اللي فات الرواية هتكمل معانا بإذن الله لحد قبل رمضان، هنوقف في رمضان تماما... الرواية لسه مطولة واحنا يدوب في أول مرحلة منها، محدش يسألني تاني بقى الله يكرمكم ♥
وكل سنة وانتوا طيبين يا حبايبي ونهتم بالتفاعل شوية علشان عدد كبير جدا بيقرأ ويكسل 🙂
وقولوا لي بقى بالمناسبة دي ايه رأيكم في الرواية لحد دلوقتي؟ 😍
#وريث_آل_نصران
أنت تقرأ
وريث آل نصران
Actionحينما يحاسبنا على الذنب أهل الذنب أنفسهم! قد كان يطمح في حياة هادئة، شاب اقتحم الحياة وفتح ذراعيه لها فلم يجد نفسه إلا شريد لا يعرف أين الطريق و أصبح لا يردد سوى: تائه، حائر، سئمت... بأي ذنب أنا قُتِلت؟ أما هي فكانت ترضى بالقليل، أمنيتها الوحيدة أ...
