#وريث_آل_نصران
_ ماما قالتلي إن حضرتك عايزني.
قالت كلماتها بعد أن دقت البوابة وسمح لها "نصران" بالدخول... جلست "ملك" أمامه فسألها مبتسما:
مبتجيش ليه يا "ملك" البيت عندنا، تعالي شوفي "رفيدة" ولا طلي عليا حتى.
لم تعلم ماذا تقول، فابتسمت بحرج وحاولت التبرير:
أصل مش علطول بكون فاضية، ماما بتبقى في المحل وبتكون محتاجه حد يساعدها.
ربت على كفها برفق بان في قوله حين نطق:
اجبلها من الصبح واحده تساعدها بس نشوفك.
اتسعت ابتسامتها، هذا الرجل يحمل كم من اللطف لم تجده عند أحد من قبل لذا نطقت بصدق:
شكرا يا عمو... من غير حاجه أنا هاجي بعد كده حاضر وهخليك تشوفني لحد ما تزهق.
ارتشف من كوب القهوة الموضوع أمامه بتلذذ ثم تحدث:
أنا مليش قهوة تاني النهارده، الفنجان ده بشربه عندكم سرقة كده.
سحبت الكوب مسرعة من أمامه، وهي تقول بمزاح:
لا أنا بقول بلاها قهوة، كوباية عصير أحسن مية مره.
ضحك وأخذه منها، وضعه أمامه ثم تلاشت ضحكته وحل محلها تعابيره الجادة خاصة وهو ينطق:
في حاجه عايز أقولك عليها.
أدركت أهمية الموقف فحثته على الإكمال بقولها:
خير في ايه؟
طالع عينيها ولم يقل سوى ثلاث كلمات:
"عيسى" عايز يسيب.
ثلاث كلمات كانت قادرة على جعل قلبها يهوى أرضا، ثلاث كلمات مزقتها، وزاد تلاحق أنفاسها، وارتعاد جسدها حين أدركت أن الكلمة الأولى من الثلاث هي اسمه.
#وريث_آل_نصران
صباح الخير عليكم 💙
أنتم وحشتوني أوي وحقيقي زعلانة على غيابي الأسبوع ده عنكم لكن امتحاناتي مطلعه عيني، هخلص يوم الخميس إن شاء الله ونرجع تاني لمواعيدنا... استحملوا اليومين دول وادعوا ليا كتير اوي اوي ♥
ده اقتباس من الأحداث الجاية وهنواصل النشر من الجمعة الجاية إن شاء الله ♥
ياريت متزعلوش...بحبكم 😍
أنت تقرأ
وريث آل نصران
Actionحينما يحاسبنا على الذنب أهل الذنب أنفسهم! قد كان يطمح في حياة هادئة، شاب اقتحم الحياة وفتح ذراعيه لها فلم يجد نفسه إلا شريد لا يعرف أين الطريق و أصبح لا يردد سوى: تائه، حائر، سئمت... بأي ذنب أنا قُتِلت؟ أما هي فكانت ترضى بالقليل، أمنيتها الوحيدة أ...
