စစ်ဧကရာဇ်(Chapter:636)
(ထူးဆန်းတဲ့ သစ်သားမြင်းရုပ်လေး)
"ကျန့်လုံကလန်က အမိန့်စာတစ်ခု ရှိပါတယ်၊ သင့်အနေနဲ့ ဘယ်နေရာပဲ ရောက်နေသည် ဖြစ်ပါစေ အန္တရာယ်တစ်ခုခု ကြုံလာခဲ့ရင် ဒီအမိန့်စာကို ပြလိုက်ပါ၊ ကျန့်လုံကလန်အနေနဲ့ သင့်ရဲ့အသက်ကို ရာနှုန်းပြည့် ကာကွယ်ပေးဖို့ အာမခံနိုင်ပါတယ်"ထိုအချိန်မှာပင် သီးသန့်ခန်းအတွင်းမှ ဘိုးဘေးတစ်ယောက်ရဲ့အသံ ထွက်ပေါ်လာခဲ့ပြန်သည်။
ထိုဘိုးဘေးရဲ့ကမ်းလှမ်းမှုက အားလုံးကို အလွန်အမင်း တုန်လှုပ်သွားစေခဲ့ပြန်သည်။ ကျန့်လုံကလန်ဆိုတာက အယ်လ်ခမီနိုင်ငံတော်နဲ့ တန်းတူ သတ်မှတ်လို့ရတဲ့ အင်အားကြီးအဖွဲ့တစ်ခု ဖြစ်သည်။ သူတို့ရဲ့ကာကွယ်မှုအောက်မှာသာ ရှိပါက မည်သူတစ်ဦးတစ်ယောက်ရဲ့အန္တရာယ်ပြုခြင်းကို ခံရတော့မည် မဟုတ်ပေ။
သို့သော် လီကွမ်ရီမှာမူ ထိုကမ်းလှမ်းချက်ကိုလည်း စိတ်ဝင်စားခြင်း မရှိပေ။
ထိုအချိန်မှာပင် အချိန်ပြည့် ဝင့်ကြွားလေ့ရှိတဲ့ ကျန့်လုံကလန်ရဲ့ဆက်ခံသူဖြစ်တဲ့ ကျန့်ဝူရွှမ်းကလည်း လေးလေးနက်နက် ထပြောသည်။
"ငါ့ဆီမှာ ကျန့်လုံကလန်ရဲ့လျှို့ဝှက်နည်းစနစ်တစ်ခုရှိတယ်၊ အသက်ရှည်သစ်သီးနဲ့ တိုက်ရိုက် လဲလှယ်ချင်တယ်၊ စိတ်ဝင်စားပါသလား"
သို့သော် လီကွမ်ရီက မျက်လုံးကိုပင် ဖွင့်မကြည့်ပဲ တိတ်ဆိတ်ငြိမ်သက်စွာ ထိုင်နေခဲ့သည်။ ကျန့်ဝူရွှမ်းမှာမူ အောင့်သက်သက် ဖြစ်သွားရပြီး မျက်နှာတစ်ခုလုံး စူပုပ်သွားရသည်။ သို့သော် သူမက လက်လျှော့ခြင်း မရှိသေးပဲ အံ့ကြိတ်ကာ ဆက်ပြောသည်။
"ငါ့ဆီမှာ အင်မော်တယ်ဧကရာဇ်ရဲ့အသက်ရှည်သွေးရည်ကြည် ၃စက်ရှိတယ်၊ သစ်သီးပိုင်ရှင်သာ စိတ်ဝင်စားမယ်ဆိုရင် တိုက်ရိုက် လဲလှယ်ချင်တယ်"
ကျန့်ဝူရွှမ်းအနေနဲ့ အသက်ရှည်သစ်သီးကို အသုံးပြုဖို့ မလိုအပ်သေးပေ။ သို့သော် သူမတို့ကလန်မှ ဘိုးဘေးတစ်ယောက်ကို လက်ဆောင်ပေးချင်၍ အသက်ရှည်သစ်သီးကို ဝယ်ယူဖို့ ကြိုးစားနေခြင်း ဖြစ်သည်။
ESTÁS LEYENDO
စစ်ဧကရာဇ် လီကွမ်ရီ Book 1 ( Ch 1 - 990 )
AventuraReview မဟုတ်တဲ့ reviewလေးပါ လက်ရှိကြိုက်မိတဲ့စာစဥ်လေးတစ်ခု လီကွမ်ရီ - စစ်ဧကရာဇ် လီကွမ်ရီဆိုတာ ဘဝဟောင်းက Immortal Demon Grotto၏ ဖမ်းဆီးခြင်းကိုခံရပြီး ကျီကန်းနက် ကိုယ်ခန္ဓာထဲတွင် နှစ်သန်းပေါင်းများစွာကြာအောင် ပိတ်လှောင်ခံခဲ့ရသူ မရေမတွက်နိုင်သောအန္တရ...
