Chapter 54: ယွမ်သန်း100လျှော်ကြေးပေးရန်
"ဟင်?" တခြားလုပ်ဖော်ကိုင်ဖက်တွေကကြောင်သွားတော့သည်။
ကုမ္ပဏီကဝန်ထမ်းတွေကို သီးသန့်အလုပ်လက်ခံခြင်းကိုတားမြစ်ထားသည်မှာအမှန်ဖြစ်သည်။
သို့သော် ဖန်းမိုအာက သီးသန့်အလုပ်လက်ခံမဲ့သူမျိုးလား?
သူမကနေ့တိုင်းအေးဆေးနေပြီးတော့ သူမရဲ့ အလုပ်ကိုတောင် နောက်ဆုံးရက်အထိမအပ်သေးတဲ့သူမျိုးဖြစ်သည်။ ဘယ်လိုဖြစ်ပြီး သူမကတခြားကုမ္ပဏီအတွက် အလုပ်လုပ်ပေးဖြစ်သွားတာလဲ?
ဒါကတော့နားလည်ဖို့ခက်လွန်းတယ်။
ဖန်းမိုအာကိုမူချန်ရဲ့ရုံးခန်းထဲကိုခေါ်သွားလိုက်သည်။
မူချန်ကလက်ပိုက်ထားပြီး သူမကိုအေးစက်စက်ကြည့်လိုက်သည်။ "ဖန်းမိုအာ ၊ မင်းရဲစာချုပ်ကသက်တမ်းကုန်တော့မှာ ငါသိတယ်။ မင်းတခြားကုမ္ပဏီအတွက် သီချင်းရေးပေနေမယ်လို့တော့ ငါမထင်ထားဘူး။ မင်းကအရမ်းစိတ်မရှည်တတ်တာပဲ"
မူချန် ကကွန်ပြူတာကိုဖွင့်လိုက်ပြီး မေးလ်ကိုကြည့်လိုက်သည်။
သူကဖန်းမိုအာပို့ထားတဲ့မေးလ်ကို ပရင့်ထုတ်လိုက်သည်။
"မင်းငါတို့ကုမ္ပဏီမှာရှိနေတုန်းမှာတောင် တခြားကုမ္ပဏိအတွက်သီချင်းကိုလက်ခံရေးပေးတယ်ပေါ့။ ငါတို့ရဲ့စာချုပ်အရ မင်းကစာချုပ်ချိုးဖောက်မှုအတွက် ယွမ်သန်း100ပေးရမယ်။"
အဲ့ကျမှပဲ မူချန်ရဲ့ အကြံဆိုတာကို ဖန်းမိုအာနားလည်သွားတော့တယ်။
ဒီအလုပ်ကို ဌာနမှူးချီးကပေးခဲ့သေချာသည်။
"ဒါကိုဌာနမှူးချီးက ကျွန်မကိုပေးခဲ့တာ"
"ဟမ့် ၊ ငါတို့ကုမ္ပဏီမှာ အဲ့လိုအချက်အလက်မျိုးမရှိဘူး"
မကြာလိုက်ပါဘူး။ ဌာနမှူးချီးက သူ့ခေါင်းကိုငုံ့ထားတော့တယ်။
ဖန်းမိုအာရဲ့အကြည့်နဲ့ဆုံလိုက်ချိန်မှာတော့ ဌာနမှူးချီးက အသံတိုးတိုးဖြင့် " ငါဖန်းလေးကိုဒီနေ့အနားယူဖို့ပဲပြောခဲ့တာပါ။ ငါမင်းကိုဘာအလုပ်မှမပေးခဲ့ဘူး"
YOU ARE READING
တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)
Romanceဖန်းမိုအာသည် သူမဖတ်ထားသောစိတ်ပျက်စရာမှလွဲ၍ ဘာမှမပေးသောဝတ္ထုသို့ ကူးပြောင်းသွားသည်ကို သိလိုက်ရသည်။ ဒါ့အပြင် သူမဟာ စိတ်ဆင်းရဲစရာအဆုံးသတ်ခဲ့ရတဲ့ အမျိုးသမီးဇာတ်ပို့ဖြစ်လာခဲ့ပါတယ်။ အမျိုးသားဇာတ်လိုက်ရဲ့ စိတ်ဝင်စားမှုကိုရရှိရန် သူမ၏ မိသားစု ပိုင်ဆိုင်မှုန...
