တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)

Chapter 89

ရှီမို၏မျက်လုံးတွေဟာစူးရှနေပြီး ဖုန်းတစ်ဖက်မှလူကိုပြောလိုက်သည်

"ဘယ်သူတွေလဲဆိုတာ ရှာတွေ့ပြီလား?"

လက်ထောက်ယုက "သူတို့က လွန်ခဲ့တဲ့ရက်က မြင်းပြိုင်ပွဲမှာရှိခဲ့တဲ့သခင်လေးတွေပါ။ သူတို့အားလုံးက မဒမ်ရဲ့အကြောင်းကိုမေးနေကြတာပါ။ အဲ့နေ့တုန်းက မဒမ်ကမြင်းပြိုင်ပွဲမှာအနိုင်ရခဲ့ပြီး sport ကားကိုရခဲ့ပါသေးတယ်။"

အဲ့လိုမျက်စိကျိန်းလောက်တဲ့အခြေအနနဲ့ လူအများကြီးရဲ့ အာရုံကိုသဘာဝကျကျရခဲ့တာပဲ။

သူတို့ဟာ Veiled Queen ရဲ့ပုံစံအမှန်နဲ့ သူမဘယ်ကလဲဆိုတာကိုသိဖို့လူတွေကိုရှာခိုင်း နေခဲ့သည်။

"အိုး "ရှီမိုရဲ့နှုတ်ခမ်းတွေဟာကွေးတက်သွားတော့သည်။ သူမကမျက်နှာဖုံးတပ်ထားခဲ့တာတောင် အာရုံတွေကိုဆွဲဆောင်နိုင်နေခဲ့သေးတာပဲ

ဖန်းမိုအာ ရေမွှေးကြော်ငြာရိုက်ပြီးသူမရဲ့ကြော်ငြာထုတ်လွင့်ရင် လူဘယ်နှစ်ယောက်တောင်သူမကိုချစ်သွားကြမည့်ကိုတွေးမိလိုက်လေသည်။

သူမကိုပိုးပန်းမဲ့သူတွေပိုများလာနိုင်သေးသည်။

ရှီမိုထိုအကြောင်းကိုတွေးလိုက်ကာ အနည်းငယ်မသက်မသာခံစားလိုက်ရသည်။ သို့သော် ဖန်းမိုအာကိုအနုပညာလမ်းကြောင်းကိုလျှောက်လှမ်းခွင့်ပေးခဲ့တာဘယ်သူလဲ?

သူမကြိုက်နှစ်သက်ရင် သူ သူမကိုတားမြစ်မှာမဟုတ်ပေ။

သူမကိုအနီးကပ်စောင့်ကြည့်ပြီး တခြားတစ်ယောက်မှသူမကို အခွင့်အရေးယူခံလိမ့်မည်မဟုတ်ပေ။

နောက်ရက်အနည်းငယ်အတွက် ရိုက်ကူးရေးအဖွဲ့သည် အမြင်အရတွင် အေးချမ်းနေခဲ့သည်။

ပိုင်ရုန်Chanel ရဲ့ပြောရေးဆိုခွင့်ကိုဆုံးရှုံးသွားပြီးတဲ့နောက် သူမသည် ဒုတိယအကောင်းဆုံးရွေးချယ်စရာအနေနဲ့ အမျိုးသမီးဝတ် ဘရန်းတစ်ခုအတွက် ပြောရေးဆိုခွင့်ရှိသူအဖြစ်ရရှိခဲ့သည်။

ဒါတောင်မှ သူမဖန်းမိုအာကို မြင်တိုင်း ပိုင်ရုန်သည် မကျေမနပ်ဖြစ်နေဆဲဖြစ်သည်။