أين أنت (يتيمة وسط الميراث) ميلي/بسام /قصة حقيقية جزائرية

حلقة 2

#بقلم_هاندا ريفالدا handa rivalda✍️✔️
2
كان يوم الجنازة غاشي أحمر العائلة اكل والاصدقاء خوالي حبابات ماما وزميلاتها ونسا من فاميلتها  لي يخدمو ف الوزنة بنات  يقراو معايا  اكل اكل بزاااااف ناس كاين عباد من لافامي أنا أول مرة نشوفهم بحكم منخالطش بزاااف من غير المقربين طبعا
نحس ف راسي يوجع ومدودن نسمع ف صوت تلاوة القرآن  فتحت عينيا بسيف منفخين كنت قاعدة فوق كرسي متكية عليه ولا دايخة منعرف  جنب التابوت تع ماما  وسط صالة معمرة نسا اكل نظراتهم عليا  نشوف فيهم لكن عقلي بعيييد حسيت بنسمة توالي نطقت ليها -نسمة شحال ساعة جاوبتني راهي 11  قلبي ضرني يعني مبقاش ويهزو ماما يدوهالي بلا رجعة زدت دخلت ف دوامة تع بكا مقدرتش نسمة محضنتني وتبكي معايا خالتي سجية هازة مصحف تقرأ والدمعة على خدها كانت هي وما قراب من بعضهم علاقتهم مليحة بزاااف كما خوات لاحظت خالاتي يبكيو ف الكوانة حنيت ليهم هما ريحة من ماما معاهم مرت خالي شفت معاهم ونبكي جات خالتي الصغيرة حضنتني وتهدي فيا هاذ خالتي تسكن ف فرنسا معرفتش كفاش لحقت جات حضنتها ونبكي حت نسمع ف صوت بابا وخالي وأصوات تتعالى  وسط الصالة فقت على روحي بلي رح يهزوها ياااااارب مبقاش فيا حيل ياااارب رجليا فشلو كنت لابسة روبة طويلة بالكمام نوار دايرة شال على راسي ابيض جات عيني ف عين بابا وحدة النظرة نفهمها غير أنا وهو  معاه خالي وولاد عمي وواحد معاهم  شبهتو  ولكن منيش متأكدة منو هو يشبه لعمي جاو بش يهزوها النسا اكل بعدو غي أنا وخالتي بقينا كابشين فيها ونبكو بابا حضني ليه وعينيه مدمعين خالي كيف كيف حيلو مهدود وهذاك  يشوف فيا   باين عليه من فاميلتنا سمعتو قالو عمي يالله مبقاش على صلاة الظهر وانا نقولو متدوهاش مزلت مشبعت منها قدم ليا صابر ولد عمي فيصل قريب عضيتو مقدرليش وليت كي مكلوبة زاد جا داك جان  بعدني بالسيف طبعته عليا بعدددد وانا نقاوم فيه مقدرتلوش باقي حاكمني نشوف في ماما كيفاش حاملينها  خالاتي كيف كيف يبكو... خرجوها وانا نبكي على قد قوتي ونعيط طحت على ركايبي فشلت خلااااص و مزال هذاك حاكمني من اللور  نسمع فيه يهدر مع مرت عمي- احكموها راح تخرج والغاشي برا ف الباب آخر كلمة سمعتها وبديت ندوخ نحس ف الصوت ينقص وانا نثقال حسيت بيه كي هزني ومن ثم مفقتش لروحي  ......
فطنت ع آدان العصر نضت صليت ودعيت لماما بالرحمة نحس بالفشلة وراسي ثقييييل من البكا حوست على بابا هذاك وش بقالي خرجت هبطت للصالة مزال شوي غاشي ماشية وعقلي وين راه بابا نحوس عليه ف كل كوانة شفت جدي رحت توالو كان حاط راسو شافني ناض جاي ليا رحت ليه -جدي بقيت وحدي راحت وخلاتني-يا  بنيتي وحدي ربي مديريش هكذا كوني صبورة باباك كي يشوفك هكذا وش يبقا فيه ادعيولها بالرحمة ياك مخلاتكش وحدك راكي وسط عائلتك وعمومك وباباك وانا مزالنا معاك هاذا قضاء ربي كوني قوية يا بنتي -جدي مقدرتش مقدرتش نضت نبكي عليه حسيت بيد تجبد فيا لقيتو عمي الكبير ميليسا بنتي خلاص حبسي من البكا  راكي تضري ف روحك شوية ودخل بابا وخالي وتلمو اكل وولادهم زادو جاو نسا عمومي تلمينا في عرش أنا حاكمة ف بابا ومتكية راسي عليه وتوالي جدي بالعكاز كل واحد ينطق كلمة من ولاخر من هيه تولهت لهداك الجان لي شفتو الصباح مركز معايا .....