أين أنت (يتيمة وسط الميراث) ميلي/بسام /قصة حقيقية جزائرية

حلقة 4

#بقلم_هاندا ريفالدا handa rivalda ✍️✔️
4
حاكمة فراشي مدڤدڤة راكم تعرفو حالة ڤريب كي يحكم حالتي رايحة وتزيد دوا منفعش وقيل لازمني نروح للطبيب
كان طلع الصباح نشوف ف الضوء يضرب ف وجهي من برا لكن الجو مكتأب فيه نوع من الحزن ولا أنا لي نشوف هكذا طلعت رأسي من المخدة عاودت حطيتو لحت يدي جبدت تلفوني لقيتها 8:30  كرشي نحس فيها تبقبق من الجوع عندي وقت مكليتش وزيد المرض يا ربي مقدرتش نوض من بلاصتي شعري داخل بعضاه وقفت بالسيف بالخطوة  حكمتني الدوخة تمايلت من الجوع والمرض كركرت روحي حت للباب عيطت بصوت مبحوح نسمة نسمة والووو وقيل مزال راقدين هادو بصح اني نسمع ف الهدرة والحس لتحت قلت خلي نهبط سير بلي خالتي سجية ناضت نقولها كش متدرلي حاجة نوكلها يا يما ليسطومة تاعي حسيتها لصقت ف بعضاها حت جاني القيء  هابطه ف الدروج كي السكران عين محلولة وعين مسكرة منفوخة اصلا نبان زي زومبي حالتي تخلع تلاقيت بمرت عمي صبحت عليها كانت تحكي بتلفون كملت هبطت لتحت لقيت خالتي سجية ف الكوزينة توجد كي العادة شافتني نطقت ليا ها بنتي علاه نضتي من بلاصتك راكي مريضة كنت جاية توالك -معليش خالتي صبيلي حليب راني ميتة ب الشر حطتلي بديت نشرب تولهت كان محطوط خبز الدار فوق طابلة وحوايج أخرين منعرف شكون جابهم  قاعدا نشرب ف الحليب دخل بابا صبحت عليه -بنتي نضتي جا مسني من جبهتي اييي راكي تغلي كملي فطورك نهزك للطبيب -سكت اصلا حالتي يلزمها طبيب كملت فطوري طالعة لشمبرتي تكروازيت مع عمي وهذاك الجان لي شفتو من قبل عرفتو بلي ولد عمي بصح والله مكان يبان ف لافامي هذا كان مخبي وقيل حالتي حالة وأنا نميز فيه وهو يشوف فيا  وقيل هادو كانو بايتين لفوق ف كش شمبرة سير بيسك حالتهم كانو راقدين هادا وين ناضو صبحت على عمي -صباح الخير عمي،صباح الخير بنتي وش راكي شوي قالي بيك البارح كنتي مريضة بصح تباني راكي ف حالة راكي ترجفي البسي علاه راكي عريانة الثلج برا راه يصب وقاعده نشوف وجه هذاك الجان والله يهبل بالزين الله يبارك حت وكنت ف حالة تع حزن بصح صح صح يخطف الأنظار جاي طويييل وجسمو مخدوم باين قايم بروحو بشرتو بيضا (  حنا فاميلتنا اكل بيض معندناش السمورا بزاااف) كلشي فيه معدول عينيه مارو مهمش كبار ومهمشى صغار  فيه نظرة حادة شعرو نوار ومطلعو  ونيفو واقف والله تقول ممثل في بوليووود مع لحية خفيفة مطراسية  (ملك جمال ) لابس سروال اطوال باج سليم وتريكو كول ف الماغو هاز مونطو ف يدو كاشمير باين حطة بقيت تايهة فيه  حشمت نطق هو قالي صباح الخير بنت العم وتبسم ( عندو تبسيمة تقتل) رديتلو صباح الخير  نطق عمي قالي هادا بسام  وليدي -  آآآآآآه هادا هو بساام عندي مدة مشفتوش نشفا عليه برك بصح والله تبدل ولد عمي الكبير خلاص من مرتو الأولى  وماتت مبعد عمي عاود.تزوج وجاب ولاد وزوج  بنات -نطق ليا -وشراكي شوي - لباس مليحة نهدر بالعقل مع الحشمة هو حاكم فيا نظرة مفهمتهاش دخلت في بعضي هما كملو هبطو وانا طلعت  حكمتني السعلة قريب جفت آآآآآآه لازم نروح للطبيب دخلت غسلت روحي محبيتش ندوش تزيد عليا حالتي مشطت شعري لميتو لبست سروال نوار وفاست من فوق خشينة بوت علابالي راه البرد برا درت شال خشينا درت لاكابيش هزيت تلفوني عيطت لنسمة قتلها تروح معايا قاتلي بلي راهي تقرأ عندها تيدي متقدرش تخرج  كوبيت هبطت نستنى ف بابا ولا عمي موسى يهزوني معاهم للطبيب هبطت لتحت للقاراجات تلاقيت بعمومي أكل ثم وزوج ولاد عمي تاني موالفة مداصرتهم وهذاك بسام كان لابس مونطو راكب ف طومبلتو راح يديماري حت سمعت بابا يعيط عليا ميليسا تلفتت ليه شارلي بيدو هيا بنتي نديك للطبيب ودك كي يجي عمك موسى ترجعي معاه أنا راهم عيطولي من الخدمة نروح نشوف وش كاين أنا رايحة  حت نطق ولد العم هذاك قالو عمي خلي نديها ف طريقي راني رايح دورت وجهي نشوف فيه متعجبة  هبط من لوطو ديك الوقفة وديك الحطة شفت ف حياتي بزااف لي كلاس   وحطة بصح هذا وحدو  حطيت راسي  نطق بابا قالو مكان لاه تتعطل قاطعو قالو خسارة عليك عمي مبعد قالي بابا اطلعي مع ولد عمك يديك للطبيب طلعت حاجبي مستغربة منو بالصح هذا !!! نطقت أنا-بابا وين راح عمي موسى -مكنش هنا دك اطلعي معاه يوصلك شفت فيه حركلي راسو   تع اطلعي !!! ......