أين أنت (يتيمة وسط الميراث) ميلي/بسام /قصة حقيقية جزائرية

حلقة 86

#بقلم_هاندا ريفالدا✍️✔️

العشوة كامل وانا نطلع ونهبط شكون هذا لي كتب ميساج متأكدة انا مكتبتش مبعد تفكرت -اواااه لالا موحال إكرام مديرهاش مهما تمادات مش لهاد درجة عقلي حرقتو وليت شكيت ف لامية بصح انا مشفتهاش بعيني منقدرش نتهمها افففففف يااااربي من كثرة توسويس قلت بلاك بيراتاوني ، وانا هكذاك سمعتهم جاو الهدرة قوات لتحت محبيتش نهبط قعدت شفت مع الكتب تع بسام ملي سكنت هاد الشمبرة ولا مرة قريت كتاب منهم رحت هزيت واحد منهم كان يحكي على المرأة في العهد الفكتوري عجبني قريت منو شوي صفحات حت نسمع ف الهواش ااااه يا ربي الدار هاذي وليت هبطت شفت مرت عمي مع دي المرا حسب وش فهمت كانت تهاوش فيها على شمبرة جدي قاتلها علاه خليتيها مفرزتيهاش اااا ودخلت شعلت الضوء قاتلها -مدام سمحيلي جيت نفرزها محبتش هاذي مدموزال قاتلي متمسيهاش شافت فيا خزرة الشر من عينيها قاتلها انا هي مولات الدار وش نقولك انا ديري متسمعيش من غير هدرتي هيا روحي وغدوة نحبك تفرغيها تغسليها قتلها انا لي قتلها قاتلي نتي مزال متربايش وقيل ديما تلوحي ف روحك  علاش حبيتي نخليها متحف وقيل جدك ومات وعلاه تبقى مسكرة نحتاجها  قتلها ديري وش تحبي-  منيش حابة ندخل معاها ف مشاحنات وهي متسببة اصلا شفت لامية تضحك زعما تستشفى شفت فيها من فوق لتحت وطلعت ....
لغدوة بدأت ديك المرا تفرز ف شمبرة تع جدي دخلت عاونتها  لقيت ساعتو ونواضرو  وباسبور ولاكارت تاعو حت بورتفاي خبيتهم عندي والباقي لميتهم ف فايزة كبيرة دخل عمي شاف الشمبرة ضاوية جا توالنا شافنا لاتيين معاها شاف شاف وخرج مقال والو ..كي كملناها خرجنا السرير بقات غي الخزانة فارغة جات طلت علينا عيطت على إكرام  جات وشي ماما -شفتي الشمبرة هاذي شحال متسعا دك ننقلك قشك لهنا خير،  يعني انا من الصباح وانا طايحة على وجهي هنا مامبا مقاتليش اهبطي نتي وباتي فيها علاه راكي لفوق وحدك ياااا سبحان الله خرجت من تم الدخان يخرج من وذني خبيت دوك تع جدي علابالي يطيشوهم معندهم حتى معنى ب النسبة ليهم  ، فات شوي وقت متغديتش نفسيتي تسدت منهم  ف الليل كنت جعت بزااف هبطت نتعشا ورحت للصالو نتفرج شوي لحقوني لفعات  هزت لامية تليكوموند بدلت وش كنت نتفرج قتلها -نتي علاه بدلتي مكيش تشوفي فيا نتفرج ولا -حتا انا حابة نتفرج وش قلقك نضت نحيتلها من يدها محبتش قاتلي اسمعي نتي وش حاسبة ف روحك هنا وقيل نسيتي بلي مكيش في دار باباك -هاتي هنا ومدابيك تسكري فمك منيش حابة نهدر مع وحدة كيفك -اييييي اكي تسمعي إكرام ولا لالة  دارت لقرون وقيل حابة نحشوهملها ، طلعلي الغاز منها حكمتها من الشعر مع هي جاية قصيرة عليا قتلها-الهدرة الزايدة هاذي مجيبلكش معايا  ومتنسايش نتي تاني مكيش في دار بيك هيا قودي من اصلا عل واه راكي هنا منعرف ولات تعيط زعما راحت إكرام عيطت لمها جات لينا -وش كاين هنا راهو ليل ليل قاتلها بنتها شوفي مع لالة  جينا نتفرجو معاها ناضت لينا تقول راهي في دارهم زادت نطقت لامية-طاطا انا خاطية شوفي معاها رايحة توكلنا يا لطيف شعري نتفتهولي مشردة هاذي ..