أين أنت (يتيمة وسط الميراث) ميلي/بسام /قصة حقيقية جزائرية

حلقة 55

#بقلم_هاندا ريفالدا ✍️

رحت للدواصا لولين نقرا فيهم حتى وصلت لهديك تع تنازل الملكية قريت لادات تاعها وقتاش تسجلت مهيش بعيدة مامبا قبل ميموت بشهربن  اوووو  بديت نقرا كي وصلت للجملة هادي نقرا ومنيش مأمنة (( تنازل ونقل  جزىء من كامل أملاكي  بإسم  إبنتي ميليسا وإبني علاء وهذا .......... .......)) عينيا بقاو مركزين على كلمة إبني علاء وشكون علاء هذا منين جا، انا عندي خويا وين راه يااااا ربي وش هذا آخر حاجة توقعتها يكون عندي أخ تخلط عليا شعور معرفت نفرح ولا نحزن علاه خبا عليا  نسيت قصة مود باس عيطت لبسام هز عليا اول حاجة قلتهالو-بسام قولي الصح -وشي خير- شكون علاء ااااه كنت تعرف بلي عندي اخ قولي -سكت مبعد قالي كيفاش عرفتي شكون قالك -ميهمش كيفاش قدرتو تخبو عليا حاجة كما هادي انت وبابا علاه -ميليسا اسمعيني شوي  عمي ربي يرحمو معندوش بزاااف ملي عرف سمعتي وانا تاني كيف كيف  سمعت كي كنت تم ف يامات لي توفات يماك  قالي ومكنش متأكد وخوك راه هنا ف روس ميعرف والو عليكم ولا على حياتكم  من قبل ،يماه حكيت معاها خطرة كي طلعت عام لي فات هنا وجات لتم حكات مع باباك وتم عرف بلي صح ولدو وكان مع لي بابيي تاعو قبل ميتوفا برك  كان رايح يقولك -و وشكون يماه-وحدة ميش من من تونس -كيفاش-ايه تونسية بصح كانو عايشين هنا وخوك مزال يقرأ هنا -ش شحال ف عمرو -نورمالمو يجي وحد  20سنة -راه  قل مني -ايه بصح ديري ف بالك حاجة ميليسا خوك هذا ولد حلال يعني باباك كان متزوج بيها ب الفاتحة -خلاص بسام خلاص راسي رايح يترتق -استغفري وبلاكي تهدري على هاد سوجي حتى نجي -علاه حبيتهم يكلو حقنا لازم يعرفو بيه -مشي كما راكي حاطة نتي  مزال شوي مشاكل ف كواغط المحكمة مش مريقليين راكي غي انتي ف الكارني تاعو يقدرو ميعطوهش حقو -كيفاش ندير دك لقيت ورقة مكتوب فيها تنازل ب أملاك ليا انا وهو وكان تان تع محكمة  -وين الورق هادو-مكنش غي فوطو تاعهم لقيتو ف تلفون تاعو-خبيهم وعندك تنعتيهم لازم نهبط ونفهمهم ولازم حت خوك يهبط معايا سي نو رايحة تتخلط قتلو بسام ميكرو تع بابا هنا جابو عمي ومقدرش يحلو و حتى انا  معرفتش نفتحو  قلت بلاك كشما نلقا فيه -ميهمش ميلقاو والو فيه الصح راه ف الاوراق لي عندك  خليه تم والا حبو يدوه مديلهم -اوكي -خلاص راح الزعاف ولا -مزال شوي راني مخلطة علابالك مخي مقدرش يستوعب من جهة فرحت ومن جهة تفاجأت-خليها للوقت دك يفوت كلشي -تنهدت تنهيدة طويلة-وش بيها القطة تاعي-ضحكت علاه انا قطة -ايه قطة وشرسة تاني بصح بكاية-بسام -امممم -والو -اهدري- اها والو.......