أين أنت (يتيمة وسط الميراث) ميلي/بسام /قصة حقيقية جزائرية

حلقة 51

#بقلم_هاندا ريفالدا ✍️✔️

جبت ساعة ونص وانا لداخل وش يهددددر كان يبان ساكت بصح ضهر لعكس حتى جا عمي وقالي الا حبيتي تروحي هيا نوصلك معايا وغدوة يجي محامي يا بنتي لازم تكوني حاضرة -ايه انشاء الله  خرجت معاه وصلني للدار كانت 11 لقيت إكرام ف الدار تم كي شافتني جات توالي -اسمعي وين راح مفتاح تع الشمبرة -وش من شمبرة -تع خويا لي راكي فيها -علاه تحوسي عليه -اني ف دار بابا هذا سؤال متزيديش تعاوديه -قتلها طيري من توالي إكرام منيش ناقساتك  درت ليها ووش تحوسي ف شمبرتي -كتاب نحتاجو -ارواحي تبعيني دك نمدلك هاد لكتاب طلعت وهي ما لحقتني روحي تلعبي بزة ياخي سكرت الباب  يااارب وقدرني من حاجة لحاجة  ودك خرجلي قسام الورث هذا  انا بنتو ومنيش نحوس عليه غير يهنا بالي برك  هزيت تلفون عاودت لبسام مهزش عليا بففف وليت نخمم في كلام لي كان يهدر فيه عمي اييييه خالوطة والمحامي علابالي تنوض لاڤار بيناتهم  هبطت لتحت كان وقت الغدا حاطة راسي نوكل انا وجدي ونشايخو جبنا وقت تولهت لقيت إكرام مكانش حكمني توسويس وتفكرت خليت شمبرة محلولة قتلو جدي نطلع دقيقة ونجي قالي انا كملت ناض راح للشمبرة تاعو وطلعت انا محبيتش ندير الحس طليت من الباب مكانش ايييه قتلني توسويس بصح شفت كتاب محطوط فوق سرير اووو انا مجبدتوش عرفتها هي دخلت من ورايا ونساتو هنا جا في بالي ذهب ماما فتحت فاليزة لقيت مالات محلولة حكمني شلل باينة كش مهزت  البارح برك غلقتها حكمني الغش هاذي متحشمش هبطت ليها -إكرام حلي الباب -وش تحوسي عندي -جبتلك الكتاب -وش من كتاب -لي نسيتيه لفوق عندي -سكتت ضربة وحدة -حلي -جات حلت عليا طبعتها ودخلت سكرت الباب من داخل -هاتي وش ديتي من مالات -وجها خضار وزراق -وش ديت انا نتي مهبولة وقيل روحي اخرجي عليا -إكرام اجبدي ولا نعرف شغلي-اييي اسمعي جيتي هنا درنا فيك الخير ونسيتي روحك يا وسمك روحي اخرجي عليا وكي يجي بابا نتفاهمو عليها -معليش دك نستنا حتى يجي عمي ونقولو ونشوفها قعدتها فوق سرير وربعت يدي ونشوف فيها  هي توترت ملقات وش دير -اخرجي من شمبرتي علاه قاعدة هنا -منيش خارجة حتى ترجعي وش ديتي من مالات وزيد هادي خطرة ثانية مرة لي فاتت محبيتش نهدر بص اليوم وغدوة ومور غدوة  هاتي وش ديتي -ولات تعيط وتبكي وتندب سمعتهم  ولاو يطبطبو ف الباب .....