أين أنت (يتيمة وسط الميراث) ميلي/بسام /قصة حقيقية جزائرية

حلقة 74

#بقلم_هاندا ريفالدا✍️✔️

وش راكي تهدري ميلي هيا نوضي ، نوضتني داتني لشمبرتها وقعدت -هيا احكي وش كاين  وليت حكيتلها ولات تندب قاتلي نحكي مع بابا يروح يهدر معاهم -لالا مكان لاه دخليه في مشاكلي -ودك كيفاش الحل-معلاباليش راني هربت -مش حل ميلي دك يفيقو يجوك هنا -نقت ل روحي -بعيد الشر يخاه وشبيهم هادو ملقاوش لي يوقفهم اقعدي هنا متزيديش تروحي توالهم راحت جابتلي كأس ماء وهدرتو تتعاود ف راسي نهار الجمعة نجيو لالا لالا موحال درتها يا صابر درتها بيا بالعاني ي رخ يس معليش والله ميصرا لي ف بالك خا مج قاتلي عيطي لبسام يشوفلك حل -بسام  عندو الحق انا الحمارة لي مسمعتش ليه كان يعرفهم من الاول كان يمعنيلي عليهم انا وش داني لتم وش داني يااااااربي -خلاص البكا معندو مينفع بقيت هاكداك نتلوى من الزعاف طفيت تلفوني كرهتهم كما راهم فاميلة الهم  لليل بعد متعشينا فتحت تلفون لقيت ابال من عمي ووحدة من صابر ولخرى من عند بسام ايه بسام عاودتلو هز عليا -الو -صحيتي يا لالة بصح سمحيلي كنتي تقولي بلي حاباته وعلاش انا كنت نكسر في راسي معاك -بسام وش راك تهدر-اسكتي انا لي نهدر اليوم  كنت هاز همك فوق كتافي نخمم فيك أكثر من حالي ضهرتي عقلك وقلبك هند داك طحان واليوم يعيطلي بابا يخبرني لالا نهار الجمعة يخطبوها براااافوووو ميليسا برااافو وزيد كنتي تم  قريبة ليه وانا لي كليت مخي عليك هنا صحيتي بصح نقولك حاجة آخر مرة تسمعي صوتي ومبروك عليك -بسام اسمعني -وش نسمع اا وش مزال نسمع كثر ملي سمعتو -خليني نهدر خليني اسمعني موحال نتزوج بيه موحااال منحبوش انا هما حبو يزوجوني سيف عليا لعبولي لعبة -ميليسا بركاي متلعبي ف الهدرة -عيشك بسام اهدر مع عمي منيش حابة نتزوج بيه والله نق تل روحي  وليت نبكي هو سكت بقا يستغفر مبعد قالي -قولي الصح ميليسا قتلو والله العظيم منحبو ولا لاتية  بيه عيشك سلكني منهم -خلاص أتهدني اوكي وين راكي دك رجعتي ؟ -لا منرجعش  نبقا هنا قالي دك يعيط لباباه ويقنعو فرحت من الفرحة حضنتها قاتلي ياربي ويجمع بيناتكم خلاص قالك دك يقنعو يعني دك يقنعو وليت نضحك وحد جبل وتنحا عليا جاتني لابيتي قتلها ديريلي سوندويتش نوكل ولات تضحك راحت جابتلي كليت طفينا الضوء هي تكوناكتي وانا نتفرج ف فوطواتو ونتبسم بعتلو ميساج (لوكان تتخلى الدنيا كامل عليا انت ابقى معايا معنديش من غيرك ) ردلي قالي (اسمعيلي للهدرة ومتخشنيش راسك) .....رقدت مستراحة بايتة نخلط ف منامات مع بسامي حبيبي الصباح نوضتني ب السيف نضتلها -هيا نروحو لافاك فاتتنا لي كور -نسمة اكي تشوفي ف حالتي تع قراية -وتبقاي هكذا ع الاقل ركزي مع قرايتك -عندك الحق ....نضت وجدت روحي وخرجنا  ،فات نهار كامل ف للجامعة حاضرة وغايبة عقلي يحوس هنا وهناك حتى كملنا قتلها نروح نجيب قشي ونرجع -راكي متأكدة كن يحكموك -الفحل يهدر معايا اصلا مخلاو حت احترام القدر لي كنت نديرو راح منا وجاي نفسي وفقط خليتها تروح وحكمت طاكسي لدار عمي سالم....