أين أنت (يتيمة وسط الميراث) ميلي/بسام /قصة حقيقية جزائرية

حلقة 57

#بقلم_هاندا ريفالدا✍️
الغدوة كنت نلبس رايحة للافاك شربت الحليب لقيت عمي هابط قالي هيا نوصلك ونروح قتلو الا كنت مزروب ومعدكش الوقت نعيط لعمي موسى يجي ليا ويعود يوصلني كما زمان قالي عمك فيصل نحالو طمبيل فتحت عينيا -علاه قالي -داها عندو للقاراج وحطها  انا هنا معنديش ليستاع طمبيل تع بسام وتع باباك وتاعي ميكفيش قتلو انا -بابا كان يثيق فيه ومأمنو عليا برا قالي معليش دك نحكيو ف هاد الموضوع منبعد ،قريب بكيت غاضني كيفاه ينحيلو طمبيل ويخليه بلا خدمة هاذيك كانت لقمة العيش تاعو ركبت معاه تقلقت للخر وش بيهم هادو طغاو ضربة وحدة هكذا  ،كي وصلت للافاك دخلت رحت للادراة نريقلي دوسي تع تسجيل تاعي لحقتني نسمة سجلنا ورحنا شفنا لافيشاج تع بروقرام شافتني مقلقة قاتلي -تمنيت نهار نشوفك تضحكي قتلوك هموم الدنيا -ايه لوكان تسمعي الجديد برك -وشي خير -مشي وقتو نسمة يجي نهار ونقولك -براحتك هيا دك وين نروحو قتلها خلي نديرو شوبينق عندي وقت مشريتش -عندك سوارد -ايه عندي ...رحنا تسوقنا حاجة معجبتني مشريتش سونا تلفوني هزيت ديراكت بلا منشوف قالي ميليسا وينك -اا شكون -وليد -ااا سمحلي هزيت بلا منشوف خير -تقدري جي للوزين -انا علاه -ارواحي برك دك تفهمي-كوبيت وشفت فيها قتلها يلزم نروح دك نحكمو طاكسي انا نروح ديراكت للوزين وانتي روحي للدار سلمت عليها  ورحت انا وهي حكمت طاكسي لدارهم ....مع وصلت هاذي المرة ثالثة لي نروح  طلعت وحدي حفظت المكان مليح كي وصلت طبطت قالي ادخلي دخلت قلت سلام عليكم  كان وحدو وحاط راسو كي شافني -اهلا  وعليكم السلام جيتي اقعدي ....بدا يهدر ومبعد قالي ميكرو حليتو مفيه والو غير دواسا تع وزين وسلاك وامورات تخص الخدمة فرحت في قلبي-  قالي دك المحامي يشوف حل وخلاص بقيت متعجبة وكي عاد مفيه والو وعلاش جابني هنا وشقاني من هيه كان قادر يقولي في تلفون قالي وقت الغدا نورمالمو مزال متغديتيش -ايه مزال -مالا يالله تروحي تتغداي معايا  هيا ونوصلك للدار قتلو لالا نروح نتغدا في الدار -قالي معليش هاذ المرة برك ا سيدي -ملقيت وش نقولو هبطنا رحنا لوحد ريسطو شغل قاعدة عل الشوك  منيش مستراحة مقلقة نحوس نخرج ونروح  بقا يهدر من ومن وانا نجاوب وخلاص عيطلي بسام عينيا شعلو حبيت نهز بصح مقدرتش قالي هزي -قتلو معليش مبعد نعاودلهم بقا يشوف معايا ومع تلفون قالي كولي ولا معجبتكش -لا مليحة كليت فوق قلبي ...بالسيف الا خرجنا من تم قتلو وصلني  كي هبطت حسيت ب الراحة افففف منعرف علاه نحس ب الأمان غي مع بسام حسيت روحي نخون فيه ...