أين أنت (يتيمة وسط الميراث) ميلي/بسام /قصة حقيقية جزائرية

حلقة 72

#بقلم_هاندا ريفالدا ✍️✔️
دخلت لشمبرتي فتحت فاليزة خبيت القش طبطب الباب  فتحت لقيتها إكرام -خير وش تحتاجي-طبعتني ودخلت قاتلي اسمعي صابر تخطيه سمعتي عوجتلها فمي قتللها عاودي مسمعتش-قتلك صابر تخطيه هذاك تاعي انا ، وليت نضحك قتلها يا بنتي احشمي مني راني كبيرة عليك ومكيش تع هاد سوجيات روحي ادي حكايتك هذا وش خصني -تخطيه ولا والله نسمع بيك كامل الدار حكمتها من يدها -وش راكي تقولي وش تشيعي بيا نتي قد كفي وتهدري ف هدرة أكثر منك خرجتها وسكرت الباب والله هاذي اللخرة وانا نقول علاه حاطتني في راسها هم يضحك وهم يبكي بصح وش كانت تقصد ب نشيع بيك يا ويلي لوكان يديرولي كش فيلم نعرفهم تع دعاوي الشر ياخاه  وين كنت وين وليت ،،، حكمت تلفون قلت  نعيط لبسام ونخبرو خلي يحطلهم حد عيطتلو محبش يهز عليا خطرتين  نعيط مردش عليا زدت عيطت المرة هاذي محبش يصوني شغل بلوكاني  قلبي يخبط يعني صح راه زعفان من نيتو هذا علابالو معنديش من غيرو  علاه يدير هكذا علاه يا ربي ، بعتلو ميساج كتبتلو وش كان ف مخي فرغت قلبي فيه علابالي لوكان جا توالي وقتهولو في وجهو لوكان كرفسني،  ليه ليه لقيتو يعيط يعني قراه  محبيتش نهز عليه ودرتو ف بلوكي شه اقعد كما راك تنفخ تنفخ وترتق وحدك طيشت تلفون وهبطت كان وقت الغدا قعدت معاهم شوفاتهم ميعجبوش حتى عمي حسيتو مبدل جيهتي كلمة منطقهاش معايا كمل هو ناض بقينا حنا قاتلي مرت عمي اسمعي نتي الهدرة لي راهي تحكي فيها مرت عمك صحيحة هزيت راسي ليها -وش قصدك وش من هدرة-عوجت فمها وشافت في بنتها وإكرام تشوف فيا تغزل فيا نضت من تم غرغرو عينيا فهمت وش تقصد لالا غير هاذي لا هزيت تلفون وعيطت لوليد هز عليا قتلو جوزلي يماك نهدر معاها -علاه وش كاين -اعطيها تلفون عندي هدرة معاها ...هزت عليا وشي وش تحتاجي عندي قتلها -نقولك زوج كلمات حسبي الله ونعم الوكيل فيك ولي راكي تهدريه عليا يصرا ف بناتك -بعيد الشر في راسك يا الساقطة تلحقي بناتي ولا كي كشفتك يا ه جا لة جاية تبلي في ولدي قاطعتها قتلها ربي يفرجني فيكم واني متربية خير عليك وعلى بناتك ولات توكل في روحها سمعت وليد يتعارك مع صابر تم ولات قاتلي فسدتي بين ولادي با جمرة ولاو يتهاوشو عليك والله لوكان منفضحكش منيش مرا  وكوبات عليا  وليت نرجف نكذب نقول مخافتش علابالي هذ لفعة وديرها وليت حاكمة في قشي يا ربي انا ولية وعلاش يديرو فيا هكذا يا ربي ضاقت عليا النفس حسيت روحي رايحة تخرج كلشي الا شرفي انا نقية وطول عمري محافظة على روحي غير هاذي منقدرش نتحملها كرهت كرهت يا ربي وشوفني فيهم يااا رب  راني تحقرت.....