أين أنت (يتيمة وسط الميراث) ميلي/بسام /قصة حقيقية جزائرية

حلقة 62

#بقلم_هاندا ريفالدا✍️

وصل وقت العشا هبطت لقيت لالة توجد ف الطابلة زعما قدام عمي شغل هي لي وجدت العشا سكت قعدت وتعشيت ديت لجدي تعشا ودخلت لقيتهم كملو وراحو خلات ماعين كما راهم مسحت على وجهي من القلقة وغسلتهم عييت والله مشي عيت جسديا بصح عييت نفسيا الضغط من كل جهة مقدرتش قد محاولت نكون رزينة وصامدة بصح يجي لي يريبك لاشتا بكلمة ولا جاست واحد ميطلع المورال هنا فرق كبير بين الجو لي تربيت فيه وهذا عندو الحق بسام كي مهوش يجي هنا تهنا منهم هادو ميتعاشروش خلاص ..تفقدت جدي وطلعت كنت تاعبة عيطت لنسمة طمنت عليها غي كوبيت جاتني ابال فايبر من بسام هزيت عليه نحكي معاه نريح يعرف كيفاش يخليني نخرج من هاد الجو  حكينا وحد الساعة ولا أكثر ساعة يأمر ساعة يتمهبل ساعة يولي يشعرلي حت حسيت بالنعاس قتلو بسام رايحة نرقد -اممم كسلانة أرقدي وخلي لابال نسمع شخيرك-ههههه لا انا منشخرش -ايه آمنتك تشفاي ديك الخطرة كي بايتة تشخري -وقتاش -كي كنا ف سبيطار كنتي راقدة دايرة حالة مخليتينيش نرقد حت جيت حطيت يدي على خنانفك بش حبستي-هههه مكانش منها تكذب -ايه وليت نكذب معليش الا حبيتي دك نبعتلك فيديو صورتك -قول اقسم بسام بركا -ههههه هيا أرقدي خليني نزيد نسمع حلقة ثانية -خلاص بطلت منرقدش -ههههه مهبولتي -وانت واش-انا منعرف شوفي نتي -ايا خلاص بون نوي -هههه هرابة اتهربي اتهربي يجي وقتك  اسمعي متكوبيش  ...عدلت روحي ف فراشي سمعت الهدرة توالو وهو ساكت قالي يالله دك راني مديرونجي أرقدي وتغطي مليح غدوة انشاء الله -ايه تصبح بخير قلتهالو وانا شبه راقدة مسمعتش وش ردلي و خلدت في نوم عميق للصباح ...مفقتش بكري ونسيت نريقلي رافاي شفت ساعة لقيتها قريب العشرة وكاين آبال من نسمة  عاودتلها وانا في فراشي حكيت معاها مزال شوي عيانة  ، نضت عدلت الشمبرة وهويتها قررت اليوم مكنش خرجة لي كور مزال مبداوش  نخلي للسمانة الجاية ويرحمها ربي ، هبطت لتحت والو الكاااالم مكن حتى واحد طليت ع الكوزينة خلعت وش هذا تقول حرب يفطرو ويخلو ماعين كما راهم ويا درا جدي فطر ولا مزال طليت عليه -صباح الخير جدي -صباح الخير بنتي -ها فطرت ولا مزال-مزال ا بنتي وحدة مطلت عليا وين راهي ديك طفلة -ااا راحت وقيل حاوزتها طاطا -يالطيف علاه -منعرف جدي اتقعد دك نجيبلك الفطور ، رحت غسلت ديك ماعين نطواييت مليح وبش فيضت حليب ديتلو يفطر وزدت انا كانت 11 دخلت إكرام في حالة تبان تبكي ولا فاتت عليا كنت ف الهول دخلت وخبطت الباب كنت رايحة ندير كشما حاجة للغدا سمعتها فتحت الباب وجات دخلت هزت كأس ماء وشربت شفتها ترجف هكذاك نطقت ليها-إكرام اكي مليحة-مردتش عليا-إكرام وشبيك -والو بعديني-وشبيك راكي ترجفي هكذا -والو بعدي عليا بعدييييي وتخبطني بهداك كاس لي ف يدها جا ف صدري وجعني -ايييه وشبيك -بعديني روحي من روحي  بقيت نشوف معاها وحاكمة في صدري من سطر  عرفت بيها حاجة جيت نلحقها خبطت باب ف وجهي وجدي يعيط من هيه-وش كاين وش هاد العياط  رحت ليه -والو جدي مكان والو سكرت باب شمبرة عليه ورحت للكوزينة تلفتلي كامل وش ندير  وليت قشرت بطاطا سمعت عمي طالع  ف الدروج ويهدر بتلفون جا دخل توالي حط شكاير قالي -وين راهي حياة قصدو على ديك طفلة لي تخدم تم -قتلو البارح هاوشتها طاطا ومزادتش جات -بقا يتمتم وراح.....