أين أنت (يتيمة وسط الميراث) ميلي/بسام /قصة حقيقية جزائرية

حلقة 33

#بقلم_هاندا ريفالدا✍️✔️

جبت ساعة وانا مطلوقة توال الباب فات المغرب وانا معندي حتى خبر عليه وواحد معيطلي يطمني وقيل نساوني وليت ندور وحدي ف الدار فااااارغة غي انا برك حسيت باليتم قعدت ف الدروج حاطة يدي على خدي ونشوف مع الباب وقتاش يدخلو رحت عيطت لعمي هز عليا قالي مزال راه مع الطبيب معطاني حتى جواب يكالميني ،عيطتلي نسمة حكيتلها بقات متحيرة عليا قاتلي نجيك دك قتلها اصبري نطمن على بابا والا كان حكموه ارواحي اديني لعندك ، قاعدة على اعصابي فاتت 8 لي نعيطيو يا ميهزش يا ميصونيش مره  بقالي غي صابر عيطتلو قالي راني برا ف طمبيل -وكيفاش بابا كش مقاللكم الطبيب وشبيه -قالي والله معلابالي راه بابا وعمي سالم معاه لداخل  زدت تقلقت عليه أكثر قالي ميليسا نجي توالك راكي وحدك  -اها دك جي صاحبتي توالي -ف الحق خفت منو بيسك علابالي مشاعرو معايا كيفاش وانا وحدي  ، زاد فات شوي وقت لحقت 23:00  وواحد مجا لقيت بسام يعيطلي هزيت عليه قالي -وش بيه عمي وش صرا وليت حكيتلو كلشي قالي وراكي وحدك دك ف الدار -ايه-يااااربي كيفاش هادو يخليوك تم -ميهمنيش انا راني مقلقة على بابا -ميليسا خلاص استغفري استغفري وروحي احكمي بلاستك دك نهدر مع بابا يجي يديك لعندنا متبقايش وحدك تم اوكي قتلو دك نروح مع صاحبتي لدارهم -لالا روحي مع بابا علاه وين رحنا حنا  هيا وجدي روحك دك نعيطلو -عيشك بسام عاودلي وطمني عليه -ايه متخافيش ميكون غي الخير ، كوبيت ورحت لبست بيجامة مستورة وزدت فوقها عباية خفيفة هزيت ساك درت فيه لي بافات وجال تعقيم شارجور وبقيت نستنا حتى سمعت صوت  طمبيل برا فتحت عليه قالي راكي واجدة هيا تطلعي تروحي عندي قتلو في قلبي كن م بسام خلعكم متتفكروني ، طلعت ركبت معاه  وداني لدارو  مع الدخلة شفتهم يشوفو فيا حايرين مرتو وبنتها إكرام  مسلمتش عليهم  غي ب الفم برك بقيت نحوس على بيت جدي وين جات رحت طليت عليه لقيتو راقد محبيتش نحيرو سكرت الباب عليه، جات مرت عمي قاتلي ارواحي ترقدي هنا مع إكرام  رحت وانا من النوع لي كي نبدل فراشي منقدرش نرقد  ليل كامل وانا فاطنة مع إكرام  صوت لي ميساج تاعها وفيبرور داير حالة حت للفجر بش حسيت بديك الغفوة الحلوة رقدت ....مع الفطنة نسمع في أصوات مبعد بش ستوعبت وين راني موالفة ب الكالم سمعت صوت جدي نضت عدلت بلاصتي وخرجت غسلت وجهي رحت فطرت فوق فوق  مرت عمي كانت دير ف الغدا هما موالفين عندهم لي تخدم هنا بيسك هادي مرت عمي تقري استادة ودك كي تسكر كلشي وزاد الصيف حكمت الدار  ماكلتها ما وزرازيق رهج  باينة مش موالفة كوزينة رحت توال جدي كي شافني فرح مكنش يعرف قعدت معاه كي دخل عمي رحت نجري توالو -وشراه بابا وجهو كان مبدل قالي راه مليح العشية نخرجو راحت موراه مرتو للشمبرة  انا فرحت كي قالي يخرج  محملتش روحي هنا ...كي عاد خارج عمي قتلو نروح معاك قالي علاه مقلقة هكذا قتلو توحشت بابا عمي لازم نشوفو  مبعد داني معاه كي وصلنا قالي اقعدي هنا متخرجيش الحالة متعجبش سبيطار معمر ب المرضى راح هو وانا نستنى على أحر من الجمر ..