أين أنت (يتيمة وسط الميراث) ميلي/بسام /قصة حقيقية جزائرية

حلقة 43

#بقلم_هاندا ريفالدا ✍️✔️

قالي اهدري بنتي اني هنا وش خصك قتلو جيبلي جدي هنا يقعد معايا  بش متبقاش الدار فارغة عليا سكت مبعد قالي وشكون قالك راح نخليك هنا دك تروحي معايا خلي يفوت الثالث نديروه هنا مبعد خملي كامل قشك وتروحي لعندي معندك وش قعدك هنا  -لالا عمي انا غير دار بابا منخرجش منها  جيبلي جدي يقعد معايا هنا وطاطا سجية معانا معندنا مخصنا نعيشو كما بكري وزمان -راه شيخ كبير ومريض وانتي متقدريش عليه وانا نبقى متحير تاني عليكم ارواحي لعندي معندو ميخصك قتلو لالا عمي انا نبقا هنا  قالي معليش دك نجيبو هنا بصح دير في بالك منيش رايح نخليكم هكذا  لازم نديرو حل  كيفاش هذا ...راح خرج جات مرت عمي توالي علابالي تحوس تقرعج وش كنا نهدرو دارت روحها تسقسي عليا -كش محتاجتي بنتي -قتلها لالا كنت نهدر مع عمي برك  كي مداتش وش حابة راحت ..طلعت لفوق لقيت نسمة تبكي -وشبيك -والو ميلي راني مليحة برك تقلقت -وش كاين نسمة اهدري مكيش موالفة تبكي -والو كنت نهدر مع ماما تناشعنا انا وياها -ايييه خلاص حبيبة ماماك وتعرفيها من بكري هكذا مديريش عليها ،كنا نحكيو سمعت العياط لتحت -وش هذا قاتلي نهبطو نشوفو كي هبطنا لقينا إكرام ومونية متحاكمين ف الصالو لتحت هاديك تسب ولخرى كثر نطقت ليهم -احشمو شوي وش هاد الحالة راكم في جنازة لوخرى سكتت واكرام تمخزرت فيا ودخلت للكوزينة و وانا عاودت طلعت ينعل بو راستكم تقول ماكم نفس الدم تاعي قلة التربية غي كلام الطايح يخرج من فامهم شافتني نسمة قاتلي ربي يعينك معا هاد الكاليتي- قتلها منعرف وقتاش دخلو غي مقبيل  مكانوش هنا  ....ف الليل سمعت صوت جدي لتحت رحت نجري ليه شافني دمعو عينيه مقدرش يحكم في روحو حتى وليت نسكت فيه -خلاص جدي مديرش هكذا راح ربي يرحمو ومزلت انت فيك البركة -يا بنتي خلالي حرقة كي مشفتوش كنت نسكت فيه زدت انا تاني وليت نبكي ونندب حاطة راسي على ركبتو ونبكي وهو مسكين حتى ولا يشهق علابالي غاضو بزاااف  حسيت بعمي جبدني عليه قالي ميليسا خلاص وشبيكم هذا اترحمو عليه  قالو بابا راه يزيد يطلعلك السكر صحتك مهيش مليحة مسحت دموعي قتلو صح جدي هيا نديك للشمبرة ترتاح قالي اني مليح رحت جبتلو كأس ما من كوزينة لقيتهم  تم  القسرة والضحك تقول م عمهم لي تحط تحت الارض يلعبو عل المورال........