أين أنت (يتيمة وسط الميراث) ميلي/بسام /قصة حقيقية جزائرية

حلقة 38

#بقلم_هاندا ريفالدا✍️✔️

الصباح هبطت لقيتهم راقدين مسكرين بيبان دخلت للكوزينة طيبت قهوة وحليب دخل عمي قالي صباح الخير رديتلو حطيتلو الحليب قالي انا نروح نطل على باباك ونجي، جيت نقولو على بسام مهوش يهز عليا حشمت كشما يفهم  حكمتها في قلبي وخليتها شرب وخرج، ناضو لخرين كي سمعت جدي يكح عرفتو ناض طليت عليه وديتلو الحليب ناضت ديك كشرودة تشوف فيا بنص عين محبيتش نقيمها خلاص- قاتلي مرت عمي ميليسا سيقي ليطاج فوقاني  انا نكمل عليك هذا  قتلها في قلبي كي شفتيه نظيف ولوخر مغبر راكي دزي فيا للشقا معليش، رحت على زهري وش ندير لازم نتحمل قلت نكمل نسيقو ونعيط لعمي موسى يوصلني عند بيت نسمة  طلعت فتحت بالكوات وتواقي حالتهم حالة يا ربي منين نبدأ اليوم انا مجيت نحط الماء في لرض صونا تلفوني كان صابر هزيت عليه الو -ميليسا عمي الله اكبر  هذا وين خبرونا - دارت بيا الدنيا طاح تلفون من يدي جا ف البيدون تع الماء عيطت عيطة شفتهم طلعو لعندي كانت مرت عمي وبنتها -وش كاين مقدرتش نهدر ولات تقول لبنتها روحي جيبيلها الماء روحي ، شربوني يبست مقدرتش نكسل يدي قتلها بابا مات عيطت ياااااا ربي الله يرحمو شكون قالك مرديتش عليها جاو هزوني وهبطوني لتحت طحتلهم ف الدرجة اللخرى ومزدتش حسيت .... كي فطنت لقيت روحي مطلوقة ف الشمبرة حسيت بيد  تمسد على جبهتي فتحت عينيا لقيتها خديجة تبكي شغل ستوعبت كانت هي ومرت عمي فيصل وبناتو كانو يدمعو نضت بالخلعة قتلها خديجة صح صح بابا مات صح جات حضنتني طبعتها ورحت لعند جدي لقيتو راقد مسبوط لحقتني خديجة قاتلي كي سمع طلعلو السكر حتى طاح مهدترش معاها رحت نجري لتحت كنت خارجة هكذاك شفت صابر وخوه وليد حكموني ف الباب وانا نعيط- بعدو عليا بعدو خليوني نروح نشوفو خلووونيي جا عمي فيصل يجري قالي اتهدني بنتي مديريش هكذا قتلو عمي اديني لدارنا قالي وش ديري تم راهي فرغانة وانا نهدر معاه شفت عمي موسى تم رحت توالو عنقني ويبكي  يا عمي راح وخلاني يا عمي وانا شكون بقالي ياعمي اديني لدارنا محبوش يدوني هادو عيشك وصلني سمعتو قال لعمي فيصل خليو الطفلة تروح لدارها وديرو تم جنازتو متحرقولهاش قلبها قالو- حنا لي نقررو سي موسى ،زدت رحت حاولت عمي بالسيف لا وصلوني وجاو نسا عمومي وبناتهم يكثر خير خديجة لي وقفت معايا  طول الطريق وانا نندب في وجهي سلختو كي وصلنا شفت طاطا سجية واقفة تم برا توال الباب جات عنقتني قاتلي عندي المفتاح بصح محبيتش ندخل هنا وحدي قتلها افتحيلي رايحة نطيح....