أين أنت (يتيمة وسط الميراث) ميلي/بسام /قصة حقيقية جزائرية

حلقة 25

#بقلم_هاندا ريفالدا handa rivalda✍️✔️

بعد داك الحوار لي كان بيني وبينو كي حكيت لنسمة قاتلي ميليسا والله يحبك وراه طايح فيك -كيفاش يحبني هادي وهو مقاليش زيد تعاملوا معايا نحسو من باب الواجب ملي نكون معاه وهو يأمر فيا ديري  هادي ومديريش هادي يحسب فيا ختو وقيل -ههههه مهبولة يغير عليك افهميها سيد من الروس وراه مركب رادار هنا على جالك -منعرف وكي عاد يحبني علاه مقالهاليش يعرف غير يعض -هههههه سيرتو هاذي راه قالك نحبك وبرهنلك ب العضان -بركاي من الضحك هيا حكيتلك وندمت  نوضي نهبطو نتعشاو -يا مهبولة ابعتيلو ميساج اكتبيلو فيه كش كلام -نسمة السيد عندو لي في حياتو ومهوش سامع بيا غير ابردي-انا تبانلي نتي هي لي قالك عليها بنت عمي شفت فيها  دارتهالي في راسي دك هذا وين ستوعبت هو قالي بنت عمي يعني محددليش شكون هي وانا تاني بنت عمو شفت فيها وضحكت -ها الحمد لله كي ولالك الريزو من قبيل وانا قرقرقر بش تفهمي وانتي طنهة -زعما انا هي -وعلاش لالا انتي زين وطاي وعقلية السيد طايح لشوشتو فيك وانتي عقابو تقمي فيه  منا وجاي تسيتتي معاه حاولي تطيحيه دك يقولك -شفت فيها العشا يكون برد لتحت ........بعد متعشينا حكمنا بلايصنا دخلت للبروفيل تاعو ميحط والو فااارغ بعتلو سلام  مبعد مردش عليا قتلها شوفي راه لاتي بحبيبتو مامبا مردليش خلالي vu  معليش يا سي بسام  انا فوق هكدا مستحيل نزيد نطيح بروحي روح الله يساهل عليك ، زدت كوناكتيت شوي بدلت فوطو دو بروفيل درت وحدة كنت  تصورتها ف العرس يبان غير وجهي خلي دك يشوفها  الا مقال والو يعني مهوش حاطني في راسو والا العكس دك يقولي نحيها  طفيتو وحطيت راسي على المخدة ومنين راح يجيني النوم كي يكون القلب والعقل شغالين النوم يهرب وانا هكذا حت سمعت صوت ميساج مور خوه قريتو كاتبلي (تنحي الفوطو دك ولا نعرف حسابي معاك ) قريتو وليت نضحك ياااااا وطحت في الفخ  خليتلو vu كما  هو علابالي راه يغلي غفيت شوية هكذا زدت سمعت ميساج زدت قريتو (راني علابالي وش في راسك مالا الصباح نتفاهمو عليها) ياااا ههههههه اوكي حتى انا حابة نشوفك اممممم شفت في نسمة كانت راقدة والله دروسها بداو ينفعوني شوي طفيت ورقدت للصباح نضت كانت الشتا تصب قاوية بزااااف كنا ف شهر فيفري  لبست مليح درت بوني رحنا نقراو وصلنا عمي موسى  واحنا ماشيين شتا خيط من سما نجريو انا وياها كي قريب بش ندخلو  نحس في واحد شدى من اللور شفتو يديه داير لي ڤون كوير دورت راسي شفتو دارلي ابتسامة تع شر جيت نهدر سكتني قال لنسمة ادخلي نتي تقرأي دوك نجيبها راحت وخلاتني معاه -انت وش دير هنا اطلقني الناس تشوف فينا - مشي قبل منتفاهم معاك -بسام احشم ، حت لقيت روحي مركبين شفت من لور فليزة كبيرة قتلو انت نورمالمو تكون ف لايروبور وش جابك هنا ووش تحوس مني -مهدرش معايا يسوق بكل رواق .....