أين أنت (يتيمة وسط الميراث) ميلي/بسام /قصة حقيقية جزائرية

حلقة 66

#بقلم_هاندا رفالدا✍️✔️

كوبا عليا حسيتو بدا يفيق خممت خممت قلت نولي لعند عمي سالم خير جيت رايحة نعيط لعمي معليش علابالي يكون زعف كي سمع مع هزيت تلفون  لقيت آبال من بسام هزيت عليه  ديراكت بدا يعيط -كيفاش تروحي لتم بلا متقولي ميليسا اهدري - ب بسام بالعقل نفهمك -وش تفهميني  اااا لالة من البارح وهي تم لوكان معيطتش لبابا لوكان مسمعتش مليحة هاذي -بسام اصبر نفهمك -متفهميني منفهمك سمعتي قتلك ولا لا قتلك متروحيش لتم لعندهم اقعدي ف دارنا علاه رحتي  ولا كش معندك تم ااا رايحة لبيت الرجال  انتي صح في عقلك ااا -بسام وش راك تهدر متخلطش-اسمعي في يدك نص ساعة تلمي روحك وترجعي يا ويلك نسمع كلمة خلاف وش قتلك -خلاص بركا متعيط -يالله كما قتلك ومزال حسابي معاك مخلاصش ....كوبا في وجهي ، ياااا وشبيه ياكل في روحو هذا افففففف بغيتو تهبلوني واحد مسمع مني غي لي يأمر ولي يعيط ولي يعاير ولي يسمع الهدرة ،  بالناقص من حياتي هاذي  وليت كي القفة بلا يدين لي يجي يدبر ويأمر  ، وليت على زهري المسود هزيت فاليزتي لبست قشي ورحت للصالو توالهم لقيت عمي ومرتو يشايخو راس لراس شافني قالي-ارواحي بنتي لوين رايحة-عمي اسمحلي لازم نرجع كاين حوايج نسيتهم ونحتاجهم -كيفاش هذا تروحي غي البارح جيتي اقعدي دك نبعتلك وليد يجيبهملك  ولا معجبتكش القعدة هنا قولي-لا عمي حاشا يكثر خيركم  -متزيديش تعاودي الهدرة هاذي ها ولا خلاوك وحدك وشاف مع مرتو وانتم تاني خليتو الطفلة مسكرة على روحها ف شمبرة ملي جات -قتلو لا عمي برك مزال موالفتش -معليش ريحي روحك وديجا كنت رايح نعيطلك نسقسيك اقعدي ، قعدت قالي بنتي كوفر تع باباك كان محلول انتي فتحتيه-ا ااه ايه انا فتحتو كان فيه شوي سوارد محبيتش نخليهم تم -قاليى سوارد برك -ايه هذا وش لقيت-ااا معليش  راني نحوس على وحد الأوراق مزال ملقيناهم وحت ف الميكرو مكنش لي كوبي تاعهم -حطيت راسي درت روحي منيش فاهمة  زاد دخل وليد لتم وانا شغل قاعدة عل الشوك حضوري معاهم وعقلي في جهة  بقاو يشايخو الهدرة غي ع الوزنة وووو تولهت لوليد مركز معايا كاين يشايخ مع باباه مهوش كامل حاط معاه ،  فيبرا تلفوني نضت من توالهم كنت رايحة للشمبرة نرد شفت مونية  جات من الخدمة دخلت وسكرت الباب وليت رحت للكوزينة هزيت عليه -الو -وي وين راكي روحتي -لا مزال -كيفاش هاذي ساعتين ملي هدرت معاك ومزلتي-بسام بعقلك كنت رايحة ومحبش عمي يخليني -والله وحبيتي نآمنك  قولي عجبتني القعدة وي  والڤصرة ومشايخة تم راهم في بزااف عندك متشايخي-راك غي تخلط برك ديجا مفهمتش انت علاه راك مقلق هكذا  -زعما مفهمتيش اوكي يا لالة  اني رخيس لوكان نزيد ندخل روحي -بسام عيشك مديرش هكذا راني ملقيت بيها لوين اصلا مخليتنيش نهدر داخلها غي عياط برك .....لقيتو كوبا عليا وانا مزال نهدر ليه ليه دمعو عينيا علاه يا بسام انت تاني تقسا عليا علاه درت جيت خارجة لقيت وليد في وجهي كانو عينيا مدمعين -ميليسا لباس -لباس وجيت فايتة حكمني من ذراعي ...