أين أنت (يتيمة وسط الميراث) ميلي/بسام /قصة حقيقية جزائرية

حلقة 52

#بقلم_هاندا ريفالدا ✍️✔️

حليت عليهم كانت مرت عمي -وش كاين إكرام وش هاد العياط وشافت معايا نطقت هي -ماما شوفي مهبولة هاذي منعرف وش بيها جات سكرت عليا الباب ورايحة تضربني -حليت عينيا فيها -وتزيدي تكذبي تاني متحشميش شوفي يا طاطا انا مكنتش حابة نهدر بصح بنتك راهي تروح للشمبرة وتفتش ولقيت مالات تع ذهب ماما مفتوحة هذا وين برك والبارح لقيت موتيف تاعي طايح ف الارض ومهدرتش ،شافت فيها صح وش راهي تقول هاذي-ماما راهي تكذب متامنيهاش رحت نجيب كتاب من بيبيوتاك تع بسام وكي طلعت لقيت شمبرة مسكرتها كي جات قتلها نحتاج كتاب طلعت جبتو من تم ياخي دار بابا هاذي وهي وش دخلها  شافت فيا مرت عمي قاتلي ميليسا بنتي متمدش يدها لحوايج الناس تربيتي ونعرفها هي صح خفيفة وتهدر ساعات بصح بش تحوسي تسرقيها هاذي منقبلهاش ردي بالك -طاطا انا منيش نسرق فيها اني قتلك وش شفت وش لقيت والكتاب هذا لي تحكي عليه انا لي جبتولها هاهو خلاتو لفوق -جات ليا تتهجم وانا بعدتها محبيتش نزيد نكبرها قاتلها مها احبسي نتي شفت فيهم وخرجت راسة ك لبة هاذي خليتهم تم مزالت تهدر وتكذب معليش كاشفاتك مش ليوم غدوة طلعت لفوق سكرت على روحي معادش يغيضني الحال ودموعي نشفو خلاص اي هدرة ولا جاست نعڤبها ونفوت كلمة  زوج دارنا ودرنا فيك الخير معليش مقبولة منكم، بقيت ندور ف شمبرة سمعت صواتهم علات لتحت طليت سمعتها تبكي وتندب جيت هابطة سمعت مرت عمي تقولها تزيدي تعاوديها لحمك نقلعو فهمت بلي كش ملقات عندها قلت خلي مزية لي كشفتها سمعت جدي يكح وقيل نوضوه من رقاده ب الحس ولا يعيط إكرام إكرام محبتش تروح ليه هبطت أنا رحت توالو شافني قالي بنتي جيبلي كأس ما  رحت جبتلو سمعتها تقول لمها علاه جبتوه من عندها كن غي خليتوه تم حتى يموت علاه راهو يضل يعيط عليا قاتلها اسكتي او يسمعك    كملت ديتلو يشرب راسي يقولي ندخل ليها نجبدها من شعرها هاذي كلبت ملقاتش شكون يحطلها حد شافتني فايتة من تم ولا تمنعني الدار ولات ضيقة علينا ا ماما غمضت عيني وتمالكت روحي درت نفس طويييل وطلعت خبطت الباب من القلقة  وليت عيطت لنسمة غي هي لي تكالميني هزت عليا بديتها طول فرغت وش في قلبي وهي تسمعلي -اااااه يا ميلي وش راكي حاملة وهازة ولات تبكي -نسمة تعيشي حبسي حكيتلك بش ديريلي كوراج تعيشي متبكيش وليت منقدرش نحمل -خلاص اني سكت اسمعي جيبي ذهب تاعك خبيه عندي بابا عندو كوفر رصاص ميتقبوش -منعرف بلاك نحطو ف البنك خير -وسوارد شحال عندك-كاين هنا 60 مليون كانو ف الدار جبتهم معايا -معليش خلي دراهم معاك والذهب لازمك تبعديه من تم -ايه عندك الحق ...
لحق الليل محبيتش نهبط نتفادى فيهم عيطلي عمي حشمت منو هبطت قالي علاه مجبتيش تتعشي-منيش جيعانة عمي كولو بصحتكم -كيفاش هذا ارواحي تاكلي ديسار ونهدر معاك ف وحد الموضوع -ايه ...