أين أنت (يتيمة وسط الميراث) ميلي/بسام /قصة حقيقية جزائرية

حلقة 76

#بقلم_هاندا ريفالدا ✍️✔️

كنت حاطة راسي مع ميكرو وصلني ميساج مكتوب فيه ((يا نديك انا يا واحد ميشوف فيك )) شفت نومرو لقيتو تع داك الرخيس بلوكيتو راه يلعب على أعصابي وبدأ يتمادى اكثر يا خوفي كش ميقول لبسام نهبل تلفلي كامل وش كنت ندير خفت دك عمومي راهم شاكين كن كش ميهدر ويزيد يكذب غي بش يضغط عليا ويماه الرخيسة منسمحلهاش ليوم الدين ، هزيت روحي وهبطت شافني عمي قالي ارواحي كان يبان مقلق سير على بنتو -شوفي يا بنتي قصة زواج هاذي راني حكيت مع فيصل وبنو محبش قالو خطبهالي  بصح بسام كي سمع قالي متمدهاش طفل مهوش سيريو وبايع مخو وانا جيت ف النص قتلو عمي تعيش ربي يشدلك ف بناتك منيش حابة هاد الزواج مزال راني نخمم نكمل قرايتي ونوفي وعد بابا  سكت قالي يرحمها ربي متقلقيش خلاص الهاي  ف قرايتك وانا ندبر راسي -يعطيك الصحة عمي جيت نسقسيه على إكرام خرج انا درتها بالعاني جبدتلو بناتو بش يحس خاصة واكرام ف الحالة هاذي ،جزت على شمبرة إكرام تبان راقدة ومها توال راسها شافتني بقات تايهة باين عليها مهمومة على بنتها خلي تحس شوي كي شفت الحالة مهيش مليحة دخلت درتلهم العشا ستنيت جا عمي وحطيت الطابلة كلينا في صمت ، كل واحد هز روحو وراح بقيت انا ومواعين غسلتهم خرجت من الكوزينة ع التسعة  ..مع دخلت للشمبرة كان تلفوني يعيط لقيتو وليد اووو وش يحتاج هذا تاني مراحش يخطوني ولا قلت نهز منهزش وليت هزيت سقسا عليا بقيت نستنا يقولي لواش عيط -وليد كش محتاجت -لا عيطت برك نسقسي عليك علابالي خويا ضغط عليك ومنا وزيد الهدرة لي راهي تهدر فيها ما  بصح متخافيش اني هنا  واحد ميسيف عليك -ربي يحفظك وليد تعيش -بلا مزية هيا نخليك ..كوبا افففف خلي هكذا خير ....من التعب رقدت ديراكت ....فطنت على صوت رافاي نضت صليت ولبست مشربتش حليب كنت روطار شوي مع خرجت من الباب شفت وليد ف طمبيل مقاري تعجبت -شافني خرج راسو قالي اطلعي رحت طلعت -صباح الخير -صباح النور وشراكي شوي-لباس حمد لله -كنت فايت من قلت نستناك علابالي تبقاي  تستناي ف طاكسي -شفت معاه يعطيك الصحة علاه تعطل ف روحك -لا مش خسارة فيك -ديمارا ف الطريق بقا يحكيلي على صابر قالي خويا منعرف وشبيه طريق لي راهو متبعها متخرجش غلى خير وكل يوم يجي دايخ للدار قتلو خوك عمري نسامحو ضرني بزاااف وزادت يماك معاه قالي خلاص مديريش عليهم واحد ماهو مامنهم سوق نسا يامات ويفض قتلو هاذي مهيش حاجة لي ننساها ولا نسامح عليها  والا كان عندكم ذرة احترام لبابا ربي يرحمو خافو ربي فيا جيت قصدتكم ب النية وليت وحلت روحي ف مشكل قد راسي -خلاص ميليسا زيتنا ف دقيقنا لا من سمع لا من شاف متكبريهاش ...كنا وصلنا هبطت تشكرتو ودخلت نقرا ....