أين أنت (يتيمة وسط الميراث) ميلي/بسام /قصة حقيقية جزائرية

حلقة 17

#بقلم_هاندا ريفالدا handa rivalda✍️✔️

كي وصلنا للدار دخلناه، قتلو بابا لازم تروح لشمبرتك ترتاح -لا يا بنتي كرهت الرقاد خليني هنا كي مدرنا معاه محبش خليتهم لتحت وطلعت انا بدلت قشي لبست وش كان توالي  وهبطت طليت لقيت بابا وعمي برك  يسما لوخر راح فت للكوزينة لقيت طاطا وجدتلو سوب ودايرة غذا سقساتني وش صرا حكيتلها دخل بسام علينا فتحت عينيا هذا وين كان حسبتو خرج  قالي هاتي كاس ماء  ويتخنزر كنت لابسة بيجامة مزيرة عليا يعني مكنتش دايرة حسابو  انا جامي نلبس هكذا قدامهم وحتى بابا ميحبش دخلت في قشي يشرب ويكيل جيت فايتة حكمني حط الكأس وجبدني خرجني بين الدروج -وش كان يقولك الصباح -ش شكون -فرخ هذاك-فرخ -صابر علاه كان حاكم ذراعك كش ما بينك وبينو -وش راك تهدر انت وش راح يكون  كان يهدر معايا برك  هذا مكان -ووش هاد اللبسة -ااا سكت حطيت راسي -امشي اطلعي بدليها يالله راح تترتق على لحمك ،حشمني درت طالعة ف الدروج سمعتو يستغفر كملت نجري درت لقيتو مزال ف بلاصتو يشوف معايا دخلت لشمبرتي وجهي عاد احمر نمروح  . جبدت وحد بيجامة أخرى جاية عريضة شوي معنديش خلاف هاذي عريضة والله نلبسها  اصلا راني هنا ف شمبرتي منزيدش نهبط حتى يخرج لبستها طلعت شعري تكيت على ضهري عيطت لنسمة قتلها كي تكملي جيبيلي لي كور وارواحي  بقيت ساعة وانا ف شمبرتي منعرف كيفاش غفات عيني نسمع فيهم يطبطبو مرديتش عليهم حسبتها طاطا -وي ادخلي - تفتح الباب كنت دايرة بضهري تخطفت كي سمعت صوتو نضت مخلوعة -ا أن انت وش راك دير هنا -هههه وشبيك شفتي جن ولا -صابر اخرج من وش هاد العقلية تاعك احشم على روحك -وشبيك جيت نقولك اهبطي تتغداي -هيه روح روح برك عاود خرج وانا قلبي حسيتو راح يخرج ب الخلعة  وشبيه بديت نتوسوس منو ووقتاش جا هذا   اففففف لبست بيل طويل فوق البيجامة كي جيت هابطة لقيت بسام حاكو ف الدروج وعينيه حومر منعرف وش كان يقولو طلع راسو شاف معايا وحد النظرة اصلا فهمتها بلي فهم حاجة وحد أخرى دمرو قريب طيحو وراح سمعت باب برا كي تخبط بقيت يابسة ف بلاصتي ياربي انا مدرت والو هذا الرخيس دارها بيا دك وش يكون يقول عليا جاني البكا هذاك راح وانا عاودت طلعت لشمبرتي غاضتني عمري وليت مسحت دموعي وهبطت لقيتهم فوق الطابلة يتغداو بابا متكسل ع فوتاي وعمومي ف زوج وهذاك رخيس مقابلني  زاد حقدي عليه   نطق ليا عمي سالم -بنتي راكي مريضة -لا عمي عيانة برك -ربي يجيب الشفا بنتي  كي كملو انا يا ربي زوج مغارف مزدتش رحت توال بابا بقيت معاه شوي يبان مليح خير من البارح -بابا هيا نطلعك للشمبرة خير ترتاح هناالحس -جا لوخر يعرض في كتافو هيا عمي نطلعك عندها الحق ميليسا  تمخزرت معاه قتلو دك انا نطلعو متشقيش روحك  ساعفتو حت طلع سكرت تواقي شعلت لاتيلي  مديتلو دوا تاعو نطق قالي روحي تريحي بنتي راكي بايتة فاطنة -معليش بابا انا ني مليحة  شوية هكذا لقيتو رايح يغفى  طفيت لاتيلي وخرجت طليت لتحت مكنش الهدرة يعني روحو اففف تهنيت هبطت بش نتأكد  مكناش وليت طلعت لفوق هزيت تلفوني جيت رايحة نعيطلو بصح وش من سبة نعيطلو طفيتو وغفيت حتى انا ....