أين أنت (يتيمة وسط الميراث) ميلي/بسام /قصة حقيقية جزائرية

حلقة 87

#بقلم_هاندا ريفالدا ✍️✔️

درت ليها قتلها مشردة وبقيمتي ومزال مخلقش لي طيحني فهمتي يا بقرة ،دخل عمي شافنا هاكداك ثار فينا -يالله كل وحدة تمشي ترقد هيااااا  مشيت انا الأولى طلعت من الغش  كنت معولة عليها اليوم نغسلها رخي سة معليش تزيد تغلط معايا برك ، تفكرت خليت تلفون لتحت مجبتوش هبطت دخلت للصالو لقيتو في يدها -ااااي وش راكي تفركتي ف تلفوني اااا طيشتو عل الفوتاي وجات خارجة حكمتها من طرف تريكو -يا والله وندري بلي نتي لي درتيها عمرك نخرجها -نتي وقيل مهبولة ويجيك جنانك ف الليل اطلقيني بعديني هزيت تلفون-يااا لالة هذا وين تأكدت بلي هي دك ناخد حذري منهم اكل هاذي راسة كل بة ، جيت رايحة نعيط لبسام ونخبرو معليش خلي لغدوة اصلا راني في حالة هيجان وقلقة حكموني الأعصاب الله لا يسامحهم ...
للصباح نهار جديد ك العادة روتيني ف الدار مكنش جديد يذكر غير قصة الورث عاودت ولات قالك شي لي ورثو جدي من بابا من حقهم ويتقسم عليهم يعني دك رايحين يدخلو شركة ف الوزين ، وحد نهار جا عمي فيصل كنت انا والبنات برك ف الدار سلمت عليه ومزال خاطري مهزوز منو هو يبان عادي قال لبنتو يالله لمي قشك وهيا تروحي قعدتي بزاااف ويماك هي لي بعتت ليك انا فرحت واخيرا رايحة نتهنى من وحدة  دخلت للكوزبنة طيبتلو قهوة وحطيتلو حت قالي -بنتي وشراكي اكي مليحة شوي ولا -ستغربت منو قتلو حمد لله-  بقا يشايخ معايا بوحد طريقة حنينة ومهيش معتادة منو خاصة بعد شي لي صرا مأخرا  في قلبي قلت سير ندم على الكلام لي قالو وسيرتو كي زاد مات جدي وكان زعلان عليه بلاك يكون تكاكا ، شوي حت دخلت بنتو قاتلو يالله بابا راني واجدة قالي نخليك بنتي واتهلاي ف روحك كش محتاجتي اني هنا راحو خرجو هزيت ديك ضيافة لي حطيت  عاودت رحت للصالو نتفرج حت دخل عمي ومرتو من برا رافدين شكاير  فاتتني وين راهم البنات قتلها لامية راحت واكرام ف شمبرتها راحت دخلت ..لليل بعد متعشيت وصلني ميساج من عند بسام شفتو كان فيديو تاعي انا ووليد البارح كما تلاقيتو يااااا شكون لي صورني وكيفاش وصلو هذا  وليت نرجف زاد  عيطلي بسام هزيت عليه قالي علاه تكذبي عليا ميليسا كان صوتو منخفض تع واحد مزعف ويكالمي ف روحو بالسيف من الخوف بقيت ساكتة  -انطقيييي علاه ساكتة  وش بينك وبين وليد -ااااا وش تقصد من صابر وليت لوليد -جاوبي ولا مجاوبيش-اففففف وش نجاوبك انا كل يوم لازم يكون مشكل ولا كيفاش -نتي دك فهميني راسك وش فيه كيفاش انا نقلك متقربيش منهم وانتي لالة دوري وتحكي معاه وكي نسقسيك وين كنتي اني هنا برك وزيد تضحكي ضرسة العقل تبان وش كان يقولك شاركيني -بسام ربي يهديك -تجاوبي ولا نكفر عليك دك -يااااااا خلاص عييت انا منكم كل واحد ياطاكي من جهة كرهتولي حياتي  رايحة ندير حاجة في روحي ...كوبيت عليه ديراكت وطفيت تلفون غاضتني روحي علاه يعني غي يشوفو حاجة يفهموها بالناقص ....