أين أنت (يتيمة وسط الميراث) ميلي/بسام /قصة حقيقية جزائرية

حلقات (163\164\165\166\167\168\169\170\171\172\173\174\175) )

#بقلم_هاندا ريفالدا ✍️✔️
163
بسام جابها 3ايام و  نهارو كامل في سبيطار  عمي  يلزمو اوبيراسيون عيطتلو اليوم قالي رانا ف الدار -خرجتو -ايه  حمد لله علا سلامتو كي جي نروح معاك توالو -ايه اتهلاي ف روحك ولا مجيتش اتغداي بعد الظهر نجي عمري اوكي...كوبيت كنت واقفة مع الغدا كانت 11 ميمواري ناسيتها خلاص هاذي سمانة مكتبتش فيها حرف ، رحت فتحت الميكرو زاد عيطلي قالي اني جاي وليت طفيتو ، وجدت طابلة الغدا ستنيتو-هاندا ريفالدا للقصص-  ، كي جا تغدينا ولميت الماعن قالي نستراح شوي برك وانتي وجدي روحك ،رحت لبست سروال وشوميز كان مغمض عينيه فتحهم بقا يشوف معايا قالي-بدلي هذا القش معجبنيش شوميز مكشوفة على صدرك  زدت بدلت وخد أخرى بالسيف الا قنع ، قعدت توالو جبدني ليه -ي عمري ع العاقلة تاعي هكذا خوديلي الراي حبيبي-خلااص راك فزدتلي شعري - بدلت رايي ارواحي توالي -انت يضهر ليه ليه تفقد السيطرة ، نضت من توالو رحت نعدل في روحي شفت رقبتي يا يما وش دار فيا كيفاش انا نقابلهم هكذا وليت ندهن ب فوندوتان وهو يضحك .....بساااام نوض -اممم خليني شوي مزال  وليت انا تان تكيت توالو حت غفيت غير حس بيا جبدني عندو دار راسو في صدري ورقد ورقدت انا تان ديرونجاني القش لقيت روحي مزيرة -علاه راكي تتحركي اركحي وطلع راسو قالي نحي عليك القش هذا واستراحي -مها نعرف وش يدور ف راسك -ههههه- ............فطنا وقت المغرب نضت اييييي شحال رقدنا انا فطنت وهو مزال ،شفت مع روحي وضحكت زعما كنت نوجد ونلبس ونحط ف اللخر طار كلشي ، طرت للدوش  عدلت روحي ولبست روب طويلة هو حس عليا ناض ويثاوب-قتلو ايي شحال ترقد وتقول عليا شكارة نوم -مش كيف كيف بكري ودك  -علاه وش تبدل -من قبل كنت نرقد بش نرقد برك بصح دك نصيب منوضش يهدر ويتكسل- انت مخك يخدم غير هاد صوالح وقيل-هاندا ريفالدا للقصص- ، خبطني ب المخدة وناض قالي ديريلي كأس قهوة نصحصح  رحت درتلو كابسيل ف لاباراي وجيت شاف مع الروبة قالي حمد لله كي لبستي حاجة تصلح ،،،، شرب قهوتو وخرجنا كان الجوء شوية مغيم بصح سخون  بقا يوصي فيا كيفاش نهدر هما دك حاسبين بلي راني عند بيت نسمة ،،، وصلنا ديجا لقينا زوج طموبيلات مقاريين ومعروفين تع من يعني قلبي تزير من هاد الدار  وش كرهتها ضرف برك لي جابني هنا ........

164
غير دخلنا حل الباب قالي دار بابا منطبطبش فيها  طلعنا الدروج لقينا إكرام هازة بلاطو ف يدها كي شافتنا جات لخوها تسلم عليه وانا لا تمخزر فيها -قالها وش هاد التربية تسلمي على واحد وتخلي لوخر عيب ولات جات سلمت عليا مدرتش عليها شفت لامية تان خرجت من الكوزينة غير شافتني وجها تلون  جات تسلم على بسام محلبهاش قالها سلام وراح دخل شافت فيا -انتي وين كنتي مشي قالو صدت  -قتلها دار عمي نجي وقت منحب ونخرج منها وقت منحب وديجا شكون نتي حتى تسقسي ، اصلا كنت مكرزة عليها ، عوجت فمها وتغمز في إكرام  دخلت لشمبرة عند عمي وخليتهم سمعتها تقولها خرجولها القرون كنت مولية ليها  مبعد كالميت روحي . دخلت سلمت على عمي لي كان راقد ف سريرو وزدت سلمت على مرتو وانيس كانو لداخل ، بسام شاف فيا قالي اقعدي توالي ،رحت قعدت عمي غي يشوف فيا وفي بسام شغل رايح ينطق ويقول بصح مهدرش أنيس يغمز لخوه حتى حشمت ياااا ربي ومرت عمي ماهي فاهمة والو هي ف الأوقات هادو الحرجة تحط من روحها شوي تتكاكا يروحلها هذاك الجن لي يكون حاكمها ، دخلت لامية في يدها بلاطو زعما زعما تنعت-هاندا ريفالدا للقصص-  في روحها توال بسام وانيس وانا فايقتلها اصلا منين طاحت هاد الفحولية  انا لي نعرفهم ، حطيت رجل فوق رجل وكسلت ضهري للكرسي ونكيل فيها حتى خرجت ، بسام جا يهز فنجان قهوة درتلو بعيني نو متشربش عاود حطها عجبني كي ياخد الراي  تبسمت معاه مسكين مفهم والو ،،،،،،،، حنا نشايخو وعمي فيصل دخل ومعاه وليد ديجا غير دخل كما رانا وجوهنا تبدلو أنيس يشوف فيا وانا نشوف في بسام وبسام يشوف في وليد رايح يضربو وجهو عاد احمر وقف سلم على عمي ولاخر زعما قعد ف الباب محبش يدخل وليت انا قلت نخرج منزيدش نشعل النار ما اكثر جيت نايضة لقيت أنيس سبقني داه وخرجو هبطو ، نضت بش نسلم على عمي فيصل نشعني وحد نشعة حتى دمعو عيوني محبش يسلم عليا من القلقة هزيت ساكي وخرجت ملقيت وين نروح وليت طلعت لفوق لشمبرتي شوية وجا  لحقني قالي -حبيبي وشبيك -مشفتوش كيفاش دارلي ياك راني من دمو ، حضني ليه -ياااا مديريش عليهم اقسم بالله لوكان مجا بابا مريض غير نخرجهم كما راهم من واحد ميزيد يعتب راني حاكم روحي بالسيف -قتلو هاد الدار  كل منكون فيها يتقلب مزاجي ونولي نبكي-اشششش خلاص مسحلي دموعي -خلاص ابقاي انتي هنا غي نكون رايح نعيطلك متهبطيش لتحت سكري شمبرة واتكسلي اوكي -....راح هبط نسمع فيه يهدر ف الدروج خرجت راسي سمعت صوت اختو وديك مكشردة تضحك زعما هذا وين سمطها ووجها صحيح بصح هكذاك وبقيت نوكل في روحي لداخل .......-هاندا ريفالدا للقصص-.كانت 8 لقيتو حل الباب عليا قالي هيا نروحو قتلو بسام كيفاش يشوفونا مروحين كيف كيف وش يقولو -متخمميش داير حسابي لكلش قتلهم رايح نوصل ميليسا لبيت صاحبتها -ايه هزيت ساكي وخرجنا شفت مرتو المصفارة طالعة ف الدروج عطيتها ب الضهر حتى فاتت وهبطنا ركبت وديمارا ، طول الطريق وانا مشنفة وساكتة لعبولي على مورالي .........