أين أنت (يتيمة وسط الميراث) ميلي/بسام /قصة حقيقية جزائرية

حلقة 13

#بقلم_هاند ريفالدا handa rivalda ا✍️✔️

هبطت عيني من هو ساكت كلمة مقالهاش حت وصلنا نسمة هبطت وانا جيت هابطة حكمني من يدي تع استناي قالي قولي لصحبتك تدخل خرجت راسي من كارو درتلها ادخلي وهي تغمزلي حمقتني -مجيت ندور راسي لقيتو ديمارا-اااي لوين مديني -علاه خفتي مني -لالا بصح راني عيانة حابة ندخل للدار - منيش رايح نهرب بيك-  افففففف غمضت عيني واستلمت للأمر حت حسيت بيه حبس شفت البحر قدامي ويااااا عندي شحال مجيتش للشط مالقري قريب منا كان جو مليح قالي اهبطي  هبطنا نسمة البحر قاوية تنعش شعري مديه الريح تهت ف الامواج غمضت عينيا زمااان كي فتحتهم لقيتو واقف قدامي ومربع يديه يتفرج فيا ويتبسم  حشمت من الموقف  قالي تحبي البحر -ايه بزاااف -وانا تاني كي نكون مخنوق نجي ف الشط ونقعد حت نتكالما هو يهدر وانا نسمع قالي ظك تبقاي ساكتة هكذا -ااااا -ضحك قالي معليش براحتك متسلميش  و متهدريش تاني ،تبسمت قلبي لداخل يرفرف بصح لساني عاجز يهدر قرب مني انا تكيت على طمبيل بقا يثبت في عينيا حت حسيت خدودي حمارو  جا يهدر قطعو صوت تلفون هز عليه قالو اني جاي شاف معايا- هيا اطلعي نوصلك  ركبنا منعرف كيفاش جاني كوراج قتلو -وقتاش تروح شاف فيا -هاد السمانة -ربي يساهل وتطول -تبسم قالي منعرف على حسب الخدمة موالف نبقى ب العامين منجيش -كيفاشش اااا قصدي مشي بزاااف -ولا يضحك قالي  موالف عادي بقا يشوف فيا حشمت لا يكون فايق بيا  -ايه ربي يوفقك انشاء الله الغربة مشي ساهلة  -عادي تربيت تم اكثر من هنا -وعلاه مجيش تخدم هنا -معامن مع هادو -علاه -راهم منافقين -شكون قصدك -ههه مشي على باباك  عل لوخرين لوكان ما جدي  نتوحشو منهبط هنا ،مفهمتش وش كان يقصد ديمارا بقا يحكيلي على خدمتو لهيه وانا نسمع تمنيت لوكان بقيت شوي معاه ديمارا عدلت روحي ليه ليه وصلنا قتلو مرسي -بلا مزية بنت العم -اسمي ميليسا -هههه علابالي جيت هابطة قالي الا مزدناش تلاقينا اتهلاي ف روحك وحطي راسك ف قرايتك اوكي واتهلاي في عمي متزعفيهش ومداصريهمش بزااف-شكون هادو   -والو اهبطي ولا حابة تبقاي عندي ، فتحت الباب وهبطت قتلو مرسي بزااف بسام ورحت شفتو كي راح يااااااا منيش مامنة روحي خلاااص مع الدخلة وتخطفني نسمة -اييييييييييييه تطور ملحوظ -وش بيك انتي عليا اليوم مخلاتنيش حت نهيىء روحي بداتني ف الاسئلة تاعها......