أين أنت (يتيمة وسط الميراث) ميلي/بسام /قصة حقيقية جزائرية

حلقة 85

#بقلم_هاندا ريفالدا✍️✔️

هو كوبا وانا زاد عليا وليت ناكل في صباعي من الغش لوكان جا توالي بالاك نفرغ فيه غشي بصح راه بعيد يرميلي كلمات ويخليني نغلي  معليش يا سي بسام معليش، ضاقت روحي قلت نخرج بصح نسمة مكانشها هنا راهي عند خوالها وليت لبست روب شوي قصيرة ف الابيض عندي مدة مشفتش مع روحي ملي جاوني هاد الهموم  هزيت شعري مكياج منديرش لبست صندال بلا ،وساك  هزيت شوي سوارد معايا قلت كشما نشري وخرجت شفت ديك المرا ف الكوزينة قتلها راني خارجة مبعد تفكرت خليت شمبرتي محلولة ومكنش لامان وليت طلعت بالزربة غلقتها وخرجت حكمت طاكسي رحت للبارك بصح كي نكون وحدي تتلفي المشية  نشوف مع الناس لي فامي لي كوبل الأطفال  تمنيت لوكان بقاتلي عائلتي ،  كملت درت شوي ورحت جهة لي ماغازان تع القش عجبوني حوايج شريتهم  ، ف طريقي تلاقيت وليد هذا منين راه يخرجلي كنت رايحة نتخبى بش ميشوفنيش بصح كي دار شافني كان مع واحد هدر معاه وراح جا هو توالي -اييي اهلا وش هاد الغيبة وشراكي-لباس حمد لله وانت-بخير وش راكي ديري هنا -كما راك تشوف ضقت قلت نخرج -اييه وعلاه وين راهم لوخرين -شكون -لامية ومرت عمي هذا وين عيطتلي لامية قاتلي نجيها هنا تحتاج سوارد -اااا انا جيت وحدي منيش معاهم -ااا وي صونالو تلفون هز عليه كانت ختو قالها راني هنا لتحت اهبطي بقيت نستنا حتى يروح تلفلي وش كنت رايحة ندير ، جات الجماعة بقاو يشوفو معايا خلاوني ف الدار لقاوني توالهم عطاها سوارد قتلو انا نخليكم قالي علاه معامن رايحة تروحي خلي نوصلكم معايا قاتلو مرت عمي حنا مزال مطولين شاف فيا وقالي وانتي شفت مع إكرام لقيتها تغمز ل لامية منعرف علاه  وليت خرجت من تم وهو معايا  هو راح ركب وانا بدات كرشي تقرقر رحت لبيتزيربا كليت و وروحت للدار صبتهم مزال مدخلو  حطيت وش شريت قاتلي ديك المرا الا تتغداي نحطلك قتلها لا ميشقاش يعطيك الصحة طلعت قست وش شريت جيت رايحة نصور ونبعت لنسمة تشوف لقيت لي زابال من بسام الدنيا هذا الصباح يتشنف ودك يعيط هزيت عليه كي يعود مزعف ميقولش الو -وين كنتي يا لالة عشرين مرة نعيط -ودك  مزال مزعف ولا -اهدري لا نخرجلك من تلفون-خلاص بسام صبحت عليا وزدتلي دك  ومنيش فاهمة وشبيك -قوليلي البارح علاه كوبيتي عليا ووش هذاك الميساج لي بعتيه  منيش موالف تحكي معايا هكذا حسيت روحي رخيس علابالك -وش من ميساج  انا مبعت حتى ميساج اصلا البارح مهدرتش معاك -انتي وشبيك قوليلي تبعتيلي ميساج مكتوب فيه متزيدش تعيطلي وليت نتقلق منك ووووووو ووحد  الهدرة -احبس احبس انا مكتبتش هاد كلام اقسم بالله -مالا شكون -منعرف بصح انا مكتبتش -افففف رايحة تهبليني علابالك عندك الزهر راكي بعيدة لوكان جيتي قدامي دك منعرف وش درت فيك -