أين أنت (يتيمة وسط الميراث) ميلي/بسام /قصة حقيقية جزائرية

حلقة 40

#بقلم_هاندا ريفالدا✍️✔️

كانت 14:00  سمعت عمومي رايحين جا وليد هذا خو صابر قالي ميليسا رانا رايحين ندفنوه شفت معاه قتلو وانا اديني معاكم -قالي منقدروش ممنوع ميخلوناش زاد جا صابر قالي نفس الهدرة وشبيهم هادو من نيتهم انا منروحش  والله متكون هاذي حوست على تلفوني مالقيتوش اصلا مجبتوش تفكرت كي طاحلي في بيدون تع الماء عيطت لخديجة قتلها وين راه ساكي  راحت جابتولي جبدت تلفون تع بابا فتحتو عيطت لعمي موسى هز عليا بقا ساكت- قتلو اني انا عمي ارواح ديني راني توال الباب حابة نروح معاكم قالي اني جاي اصبري حت يروحو قتلو يعطيك الصحة عمي كوبيت عليه قلت لخديجة هاتيلي خمار من عندك جيت خارجة جات طاطا سجية قدمت لودني  وقاتلي -اسمعي سكري الشمبرة تع باباك ب مفتاح ومتخليش حتى وحدة تدخلها يا بنتي  انا مفهمتش وش كانت تقصد بصح قتلها نسمة راهي تم قاتلي معليش دك نطلع ليها نقولها تسكرها ، خرجت راسي من الباب نطل مكان حتى واحد يسما راحو  شفت طمبيل عمي موسى شاورتلو بيدي رحت نجري ركبت معاه وداني ..كي وصلت يا يما شفتو كيفاه مغلفين داك صندوق تقول عليه منعرف واش حبسني بعيد شوي قتلو خليني نهبط لعندو قالي متروحيش بنتي انا نهبط وانتي اقعدي هنا   شفتهم مكانش بزااف غير عمومي وولادهم وبابات نسمة درت بافات و هبطت  شافني صابر هو الأول جا يجري -انتي وش جابك هنا امشي اطلعي -طبعتو بيدي هو يجر فيا وانا نبعد فيه ف اللخر قعدت ف الارض فوق التراب قتلو يا تبعدني يا دك نولي نعيط تولهولنا لي تم كانو راح يهبطوه بدوك سناسل قلبي ضرني قلت في قلبي هذي آخر لحظة بيني وبينو في الحياة خليني نودعو نضت وصلت لتم جاو زوج تع دوك لي يلبسو ابيض يخوفو شفتهم يتمخزرو فيا ويهدرو مع عمومي..  وصلت لعندو طحت على ركايبي كنت نهدر معاه منعرف وش كنت نقول مبعد حسيت بيد جبدتني ويجرو فيا حت وصلوني للطمبيل سكرو عليا الباب بقيت نشوف فيهم كيفاش يدفنو فيه حتى كملو .....ديمارا بيا كي وصلت لقيتهم يتغداو يا ناس نسا عمومي لي تم حاطين مع الماكلة تقول عرس انا كملت طلعت للشمبرة طبطبت فتحتلي نسمة قتلها سكريها   شوي وجات طاطا جابتلي نوكل قتلها منين تهبط هاد اللقمة بقاو ورايا حت كليت زوج مغارف قاتلي بنتي نوضي لمي كش وراق ولا دواصا هنا وخبيهم وزيد ذهب تع يماك وين حاطاتو مبعد فهمت وش تقصد خدمتهالي في راسي قاتلي انا نهبط وانتي لمي كلشي وخبيهم عند بيت صحبتك هادو راهم لتحت ياكلو ويشايخو ع الورث من دك سمعتهم تشوكيت من هدرتها ياااارب وش هاد فاميلا لي حطيتني فيها ....