أين أنت (يتيمة وسط الميراث) ميلي/بسام /قصة حقيقية جزائرية

حلقة 58

#بقلم_هاندا ريفالدا ✍️

فاتت ايام حاجة متبدلت كل يوم روتين قراية الدار والدار للقراية مع كورونا  عمومي مزال في قصة الورث كل يوم قصة جديدة ...وحد النهار كنت راقدة فطنت على آدان العصر  هبطت لتحت كان السكات مكنش هنا غي انا وجدي برك وقيل -رحت قبالة للكوزبنة لقيت تم قاطو هزيت حبة نوكل فيها كي جيت فايتة لعند جدي نطل عليه سمعت إكرام تبكي كنت نحسب فيها مكانش حطيت وذني ع الباب كانت تهدر وتقول -( خلاص ربي يعيشك والله غدوة نجيبلك وش قلتلي ابعتلي مقدرتش تعيش ) مفهمتش وش راهي تقول بصح تحيرت جاو بزااف افكار ف راسي طلعت وخليتها توضيت وصليت ومبعد تلهيت مع القراية حاطة راسي مجبتش خبر حت ادن المغرب وزاد العشا عيطولي نتعشا هبطت قعدت شفت إكرام مكنش كملت ناكل قالي عمي كيفاش مع القراية -والله شوية اني معاها -ايه شاف في مرتو قالها وين راهي إكرام -قاتلو منعرف قتلها ارواحي تتعشي محبتش-طفلة هادي دللتيها بزاااف نضت انا قتلهم بصحتكم خليتهم يهدرو على إكرام وطلعت مع دخلت لقيتها في وجهي كي شافتني تشوكات -وش ديري انتي هنا -وش دخلك جيت ندي كتاب نشاورك تاني -بصح هادي شمبرتي وفيها خصوصياتي فقتلها كش مجات تدي راحت هبطت قلت في قلبي تدي شعر ذهب راني ديتو من تفكرت سوارد رحت حسبتهم ناقصين وانا حاسبتهم ديجا راهم مخصوصين تقريب زوج ملاين عرفت بلي هي لي داتهم كنت منيش رايحة نهدر محبيتش ندير مشكل بصح تفكرت صباح كي سمعتها بلاك كشما راهي تشري بيهم يا خاااه مهما يكون تبقى بنت عمي ومنرضالهاش الشر هبطت لعندها كان بابها محلول سكرت الباب ورايا-إكرام معليش نسقسيك -متهدريش معايا غير روحي من -منيش رايحة حتى تقوليلي -وش نقلك وش نقلك اخرجي عليا وجه النحس روحي وبدات تزيد في صوتها قتلها بركاي متعيطي جيت نهدر معاك برك  تولهت ليها مهيش في حالها تبان مقلقة وعينيها حمورا ومهيش مركزة تهدر وخلاص زادت على شكي قتلها ديتي من عندي سوارد -وشنووو وش راكي تقولي راكي تسرقي فيا -إكرام بعقلك متعيطيش  ولات تطبع فيا لبرا قريب طيحتني قتلها بعقلك وشبيك- روحي من رووحي جيت خارجة شافنا عمي جا -واش كاين وانتي علاه مجيتيش تتعشاي ،جات مرتو قاتلي انتي وش ديري هنا قالها عمي وش الهدرة هاذي انتي -ااا والو قصدي قلت بلاك تهاوشو تعرفهم ميتفاهموش برك شاف فيها وراح -قتلها طاطا معليش نحكي معاك لوخرى تخلعت -خير وش كاين -معليش جي لعندي لفوق ونهدرو -قولي هنا علاه نروحو لفوق شفت في إكرام وقلتلها طاطا إكرام زادت دات سوارد من عندي ضربتني بساكادو لظهري على غفلة -تكدبي كذابة ماما متامنيهاش-طاطا منيش نكدب قاطعتني شوفي ميليسا خطرة لي فاتت قتلك بنتي متسرقش ومتمدش يدها واني راني نشوف فيك جايبتها موراها وش قلقك من جيهتها-مشي هكذا اسمعيني -بالاكي متزيديش تعاوديها كيفاش تهدريلي وتسرقيلي بنتي في وجهي وش جاك على إكرام ملي جيتي ونتي حاطتها في راسك راهي صغيرة عليك مفهمتش ياخاه تغيري منها وقيل  بعدي على بنتي  -منييش حاطتها في راسي -لالا اني نشوف احترمي روحك شوي واعرفي حدودك وين راكي راكي هنا معانا قلنا معليش مليح الخير بصح يضهرلي جبت بونبة لداري-طاطا انا نقادرك كي ماما ربي يرحمها بصح هاد الكلام والله محبيتو منك انتم ملي جيت هنا كلمة زوج درنا فيك الخير وووووو علاه انا حبيت هكذا لوكان م الزمان الغدار مني هنا بيناتكم وسامحيني كي دخلت روحي قلت طفلة صغيرة ومتعرفش خلي نهدر مع الكبيرة تفهم بصح كنت غالطة.....