أين أنت (يتيمة وسط الميراث) ميلي/بسام /قصة حقيقية جزائرية

حلقة 42

#بقلم_هاندا ريفالدا✍️✔️

فات داك الليل وطلع النهار هبطت لتحت لقيت عمي سالم  ومرتو برك ولخرين راحو قال قال خافو من المرض الدار ساكتة ملقري يهدرو بصح نحسها ساكتة وحازنة،  في يامات قبل برك كنا انا وبابا هنا قاعدين ف هاد البلاصة عشنا ايام صعيبة فرقتنا الحياة لوكان برك كنت نعرف بلي كانت آخر لحظات معاه نبقا معاه نشبع منو بصح هاذي هي كل واحد عندو اجل ، كنت قاعدة سمعت الهدرة ف الباب ناض عمي يشوف شكون  مبعد.دخلو هزيت راسي لقيتو خالي تأمنو شفت صورة ماما توالي بيسك يتشابهو حكمت البكية في عينيا حاولت نبقا هادية جا يسلم عليا قتلو بلاك نعديك  ولا جبدني وحضني ليه وانا يابسة كي الحطبة  ناض عمي راح وخلانا بقيت ساكتة حتى نطق قالي بنتي حقك علينا  صح داتنا هموم الدنيا ونسيناك بصح في قلبي دايما كي راحت ختي شغل تقالت عليا هاذ الطريق  والله كي سمعت  ب باباك  البارح فشلت بقيت نخمم عليك -كاين ربي خالي متحيرش روحك لي خلق ميضيع  وانا راني هنا في وسط عمومي معندو ميخصني جات هكذا لازم نصبر  وخلاص شاف فيا قالي الا حبيتي تروحي معايا مدابيا بنتي نديرك في عينيا قتلو لالا خالي انا نبقى في دار بابا هنا حمد لله راه خلاني مستورة -ي بنتي منيش نقصد بلي معندكش وين تقعدي بصح هنا راكي وحدك بنتي عمومك بديارهم وعيالهم وانتي مشكيتش تقدري توالفي تم  ارواحي معايا معندو ميخصك بنتي نحطك في عينيا ومرت خالك تاني تعرفيها تحبك وتعزك من كنتي صغيرة قتلو خالي والله ماهو وقت الهدرة هاذي راني مزال مجروحة متبداوش تحسسوني بلي بقيت وحدانية -اسمحيلي بنتي ....زدنا حكينا شوي مبعد قالي انا نروح واني نزيد نجي توالك وخممي في هدرتي بنتي  ومتخافي حتى من واحد  زاد سلم عليا وخرج  معليش مالڤري كنت زعفانة منو بصح كي جا وحسسني بلي عندي عروق استرحت شوي ، راح خرج جا توالي عمي قالي بنتي انا نروح نشوف جدك البارح مكانش مليح خليتو مع الاولاد تم قتلو عمي تعيش نطلب منك طلب .....