أين أنت (يتيمة وسط الميراث) ميلي/بسام /قصة حقيقية جزائرية

حلقة 54

#بقلم_هاندا ريفالدا✍️
غدوة هبطت مع عمي للوزين لقيت  عمي وابنو وليد جا ذاك  المحامي يبان شيخ سلم عليا قالي انتي بنت المرحوم  قتلو ايه  قعدنا بدا يهدر ف داك كلام حت وصل للمفيد نفس الهدرة كانت وحد الورقة تخص حسابات الوزين ووحدة تع ملكية والاسهم هادو اكل لازم يحضرو - كل واحد يشوف مع لوخر انا كتمتها وسكت سقساوني قتلهم منعرف والو وحطيت راسي مهما يكون منيش غبية لهاد الدرجة  يعني.  وليد داك مرقدلي عينيه شغل شاك فيا حتي قلقني وشبيه هذا، كمل الاجتماع وكي مكنش دوك الوراق متفاهموش شغل مدارو والو وجوهم ميتفسروش ...خرجنا من تم قالي عمي سالم  هيا نروحو للدار بلاك حاطهم تم رحنا مع الدخلة رجعولي كامل دكرياتي في هاد الدار العزيزة دخلت وحاطة راسي هو شعل الاضواء ياااااااا شاف فيا قالي اطلعي معايا لفوق رحت درت روحي نحوس معاه ملقينا والو حت تعجب ولا جاب الميكرو تاع باباة جا يفتحو  لقاه ب كود  انا نسيت عليه  الميكرو هذا   ولا هزو وداه معاه علابالي دك يديه لوليد يخلط فيه يفتحو انشاء الله ميكون فيه والو  وكلام بسام خلخلي مخي مفهمتش وش يقصد ان شاء الله يكون خير برك  رجعنا للدار حط الميكرو ف الصالو وعاود خرج  رحت ديتو طلعتوا معايا للشمبرة فتحتو معرفتش مود باس بقيت نخلط من راسي محبش  جاتني فكرة قلت نفتش ف تلفون تع بابا  بلاك كش منلقا وليت نفركت  لقيت ميساجات بزاف ف  الايميل كاين غي  تع خدمة   ملقيتش حاجة تفيدني -كيفاش نفتحو دك قبل مايجي  مدام دايرلو مود باس يعني فيه حوايج مهمة  لقيتو قريب يطفا باتري هابطة درتلو شارجور عيطت لنسمة قتلها قاتلي اسمعي تلفون تع باباك فتشتيه-ايه مفيه والو -زيدي شوفي مليح -نسمة قتلك مفيه والو -ممكن راه مخبي كش دوصي -وش قصدك كيفاش هادي-اسمعي روحي للباراماتر ديري  افيشي لي دوسي ماسكي -انا هادي مجاتش في راسي دك نشوف -وليت درت كما قالتلي لقيت دواسا ماسكيهم ايييه يا نسمة يعطيك الصحة  والله ضهرتي مخ ، فتحت ب الواحد  كاين لي فيه لي فيشي بيدياف قلت مبعد ونقراهم زدت فتحت واحد لقيت فيه فوطوات تع أوراق شغل تع محكمة ولا سجلات  مفهمتش زدت فتحت الثالث لقيت فيه ورقة يااا نفسها لي نهار شفتها ف ميساج شغل اكستري دو نيسونس تع وحد الطفل وكاين ورقة فيها تنازل ب الملكية فتحت عينيا مليح جيت نقراها  تبان صورة فوطو كوبي  بديت نقرا فيها ومكملتش  زدت حوست كاين بزاااف وش نقرأ وش نخلي  طفيت تلفون ودرت للميكرو خلط خلط لي دات كامل درتهم جات ف راسي ديك الورقة تع هداك طفل  وشكون هو وليت للتلفون رحت مين هديك الورقة جات عيني على لادات دو نيسونس تاعو قلت وعلاش لالا قعدت غي هادي نسيي وخلاص  درتها خاطية اففففف يا بابا وش هاد كلمة سر لي دايرها وليت نكتب ف الأسماء ميليسا نو خاطي اسم ماما اسمو هو جدي ماني والو مبعد جات ف بالي اسم هذا الطفل علاء كتبتو ب فرونسي زوج مرات خاطي ، ااااه لازم نركز مليح وليت تنفست ب العقل وليت لهديك الورقة قريتها مليح طفل هذا نفس لافامي تاعنا بصح مهوش مكتوب ولد من .....
دير جام ف الحلقة ....