أين أنت (يتيمة وسط الميراث) ميلي/بسام /قصة حقيقية جزائرية

حلقة 20

#بقلم_هاندا ريفالدا handa rivalda✍️✔️

داتني معاها للشمبرة قلتلها لازم نحي هاد روبة  كشما عندك  بيجامة قاتلي شوفي ف الخزانة تلقاي  دخلت وحد الطفلة صغيرة منعرف تتعمن كان في يدها باطة تع دانيت شوكولا وزادت حكمتني بيديها مطاشيين  بشوكولا على الروبة ياأاا وخدتني فيها خرجت رحت نحوس على الدوش لقيتو معمر بنات لي تغسل لي تمشط لي واقفة تستنا  شافتني مرت عمي يااا وش صرا لروبتك قاتلي اطلعي لفوق للدوش لوخر  طلعت ف الدروج هذاك ليطاج فيه سكات مش كما تحتاني بقيت نشوف من ومن وين راه الدوش شفتو جاي ف كوان لهيه بقيت نمشي ب طالو طق طق طق تفتحت وحد الباب تع شمبرة مبانش شكون حلها جيت فايتة شميت بارفان مجاتنيش غريبة هاذي كملت رحت غسلت تشمخت ندبت لروحي ماشية ونقربع حسيت بواحد عفسلي ع الروبة من لور جيت نمد الخطوة مقدرتش حاجة شادتني دورت وجهي نشوف مأمنتش قلت  بساااام  كان عطاني بضهرو وكمل دخل للشمبرة مامبا محكاش معايا كان لابس سيرفات ف نوار  بقيت نشم ف ريحتو لي خلاها وراه غاضتني جاست تاعو علاه يعني كن ع الاقل قالي وشراكي  حطيت راسي وهبطت دخلت لعند خديجة كانو بنات عمي تم معاها هزيت بيجامة ولبستها حكمت شعري وعقلي مودر بقا في راسي الموقف -وش حاط ف روحو هاذا كل مرة كيفاش هذا عام  يا ربي عام كامل و انا لي كنت نفوت ليالي نخمم فيه وعند اول لقاء تجاهلني هكذا معليش زاد عليا لوكان غير متلاقيتش بيه ولا مشفتوش ياخي متكبر ياخي  فوت ديك ليلة  مع الهرج العياط البكا تع ولاد رقدت وانا قاعدة  الصباح لقيت رقبتي تسطر وراسي فيه زوج شربت الحليب معاهم اليوم يجيو يدو العروس شفتهم لي توجد ف روحها ولي تخدم في شعرها انا شعري مزال مخدوم بصح الروبة تهردت لازم نبدلها افففف وش هاد الحالة لي حصلتها عيطت لبابا قالي راني هنا قتلو لازم نروح للدار قالي اهبطي لبست وحد عباية مدتهالي خديجة وهبطت لتحت كان بابا واقف مع ولاد عمي تم مسلمت حتى على واحد درتلو بيدي أرواح قالي علاه تروحي قتلو قالي دك يوصلك واحد من الولاد انا راني محكوم هنا شاف بسام من هيه قالو أرواح- ياااااربي كملت جا توالنا قالو وصلها للدار واستناها  شاف معايا حطيت راسي رحت نتبع فيه كان يستنى فيا نركب من قدام قلتلو دك نعتلك التكبر على أصولو ركبت لاريار وخبطت الباب مكنش يستنى فيها ملقا وش يهدر ديمارا واحد مهدر مع لوخر  كي قريب نوصلو هزيت عيني وهو كان يشوف معايا قلبت عينيا فيه كي وصلنا هبطت من حالتي هاديك نسيت ساكي فتحت الباب ودخلت كانت الدار فارغة مفيها حتى واحد طلعت لبيتي جبدت وحد الروبة ميني ف نوار يديها طوال جاية سير طاي بصح صدرها مكشوف بزااف  عاودت ماكياجي درت روج فونسي في فمي رسمت عينيا  زدت عدلت شعري رشيت بارفان  زدت بوشات وتلفوني شفت صدري مكشوف لبست عباية من فوق وهبطت كان قلبي يخبط......