أين أنت (يتيمة وسط الميراث) ميلي/بسام /قصة حقيقية جزائرية

حلقة 77

#بقلم_هاندا ريفالدا✍️✔️

دخلت نقرا جاز نهار شارجي كان عندنا بروجي انتيرڤري حمد لله وش تعبت نلت اكسبوزيتو مليح  بديت ندخل في جو القراية عكس وش كنت من قبل كان هدفي نطلع عامي وننجح ، كملت ستنيت نسمة وروحنا كل وحدة حكمت طاكسي لدارها مع دخلت قابلوني ف الكوزبنة قلت سلام عليكم وطلعت ديراكت نحيت قشي دوشت خليت شعري مشمخ كنت جيعانة هبطت شربت الحليب وغسلت فنجالي قاتلي مرت عمي ميليسا هاو كاين القاطو كولي بقيت متعجبة منين طاحت الحنانة هاذي اليوم سبحانك يا ربي هزيتلها براسي مديت يدي كليت حبة  شفت معاها مهيش قادرة تعجن كانت معصبة راسها باينة يوجع فيها قتلها هاتي عليك نكمل مدتلي مهما نقول نحقد بصح يغيضوني الناس قلبي حنين ، بديت ندلك في العجين اول مرة نسيي نعجن كي كملت طيبتها جات تشبه المهم المحاولة حطيتها ف طبق وغطيتها ب طرشونة ورحت لعند جدي كان يتفرج ف وحد فيلم تع الحرب قاعد يشرحلي عل الحرب بكري وكيفاش جوزوها حت لحق العشا سمعتها تعيط قتلو جدي هيا نوض اليوم تتعشا معانا وقفتو بالسيف ديتو للطابلة تعشينا وكملت المواعين جيت خارجة من الكوزينة سمعت عمي يهدر بتلفون ويقول -كيفاش هاذي شكون قالك وانا مسمعتش ومنين خرج هذا راك سير ،خرج جيت في وجهو شاف معايا شغل رايح يسقسيني بصح سكت  كمل يهدر ودخل لشمبرتو رحت طفيت الضوء على جدي ورحت لبيتي ...
فاتت سمانة ووهاد الفترة طلعو عدد الإصابات تع الكوفيد زادت تزيرت الحالة ودارو الحجر من جديد ولينا لزيرو لي بافات تعقيم واحد ميدنى لوخر الخلعة تفكرت يامات لي مع بابا ربي يرحمو ولينا هذا يعس في روحو من هذا  ، مرض جدي قلنا الكوفيد بيه خلعنا عليه وحد الخلعة بصح جازت الحمد لله كانت ڤريب قاوية،  بسام ميعيطش طول الفترة هاذي حت كي نعيطلو قليل وين يهز عليا يخليني متحيرة عليه وقلقانة حتى وين يعيطلي بش نرتاح ونطمن  قالي قريب يهبط مع طيارة تع الدواء وعندو تسريح  بصح كي زادت جات هاد الموجة تعطل كلشي.....شهر ب تمام  واحنا نتعصرو مع هاد الموجة حتى بدأت تخف  لاحظت عمومي مركزين في موضوع الورث ساعات يسقسوني على وحد الأمور  وسمعت بلي قدرو يلحقو لهادوك الأوراق لي تخص الملكية تع الوزنة  مالقيت وش ندير  ، وليد مركز معاهم تقول هو المحامي ، وصل النهار لي تندار فيه الفريضة ولازم نحضر انا وجدي هما الوراثة الحقيقين تع بابا ، جدي محبش قالهم فرنك منديه معندي مندير بيهم وهما كلاو رواحهم تحولو ضربة وحدة يضلو يتهاوشو معاه ساعات حت تطلعلو لاطنسيو، عمي سالم شوية يقادر بصح عمي فيصل خارجها عيني عينك يضل يعيط ماكل روحو خطرة تهاوشوا ف الصالو وعيطو لهداك محامي وانا كي الأطرش ف الزفة تقول ماني بنتو ولا نسال ولا  ،خبرت بسام قالي خليهم ياكلو بعضاهم ومتقولي حتى كلمة  كلامو كان يشجعني  بقيت ساكتة طول المدة هاذي ونفس الوقت حابة كلشي ينكشف وقصة خويا هاذي تاني وكل واحد يدي حقو....