أين أنت (يتيمة وسط الميراث) ميلي/بسام /قصة حقيقية جزائرية

حلقة 83

#بقلم_هاندا ريفالدا✍️✔️

خرجت من شمبرة جدي عيطت لبسام قالي كي تكملي عيطيلي وخبرتو قالي علابالك معامن كنت هنا وين -مع من -مع علاء - قصدك خويا -ههه ايه-وشي سكتي -والو -علابالك بلي فوطو كوبي عليك -قول والله -سبحان الخالق تقول خوك من بوك وامك كي شفتو جيتي في بالي كان مع يماه -وشراه -لباس كان حاب يهدر معاك بصح يهدر روسية والعربية ناقص فيها بزاااف -ايه قالي المحامي صباح وعطاني نومو تاعو -اييييه وش تاني -والو وشبيك -بركاي من الدصارة -وشبيك بسام قتلك محامي لي راه موكلو تلاقيتو عند نوتار  -هيا تهلاي ف روحك  منبعد -ايه باي بفففف ليه ليه يتقلب هذا غيرتو رايحة تهبلني ، جيت نبدل قشي سمعت جدي لتحت يعيط هبطت ليه لقيتو يسعل حكماتو ضيقة  جريت ليه قعدتو وخبطتلو ف ضهرو بالسيف حتى راحت عليه حت شفت شوي دم في فمو خلعت قالي هاتي نمسح مسحتلو  قالي عيطي لعمك يجي  -ايه جدي هاك اشرب الماء دك نعيطلو  طلعت بالخف جبت تلفون وعيطتلو قالي مشغول سمعت الحس والهدرة ميزتها تع عمي فيصل باين عليهم يتهاوشو  شفت ف جدي قتلو دك يجي قالي يا بنتي الا رحت ولا كش مصرالي اتهلاي ف روحك ومترخفيش روحك لهادو ياكلوك  انا منيش مليح حاسس بروحي -جدي متقولش هكذا - اسمعي بنتي الا ملحقتش على خوك  كي  يهبط اسندي ليه  ومتامنيش برك تمنيت نشوفو و بسام قولو قالك اتهلا  -هبطتلي دمعة  جدي نموت انا وانت لا - يا بنتي انا عشت من الدنيا هاذي وشبعت  طبطبلي عى ضهري قالي الا ضياقت بيك اسمعي لبسام ي بنتي قلبو مليح الا كلاك ميسرطكش والباقي راهم كيفهم كي والديهم  -جدي خلاص مزال البركة  هيا اتكسل دك ترتاح شوي ويجي عمي يديك للطبيب دوحلي براسو وقالي زيدي عيطيلو ، زدت عيطتلو هز عليا -وش كاين -عمي جدي حكماتو سعلة وراهو يخرج ف الدم  ارواح ندوه لسبيطار -خلاص اني جاي قالها بالعياط باين عليه مقلق ....وحد نص ساعة بش جا هزيناه لسبيطار حكموه  حفاو رجليا عليه غاضني خفت يزيد يروح ويخليني  كل منروح نطل عليه يبقا يوصي فيا تقول حس ،النهار الثالث تبدل حالو كي رحت مهوش يهدر ووجهو كان اصفر بزاااف كنت انا وعمي سالم برك لوخرين واحد مجا وطل عليه حت ابنو مرت عمي مجات مشقات لعندو غير انا نجري ومتحيرة ،خرجت من عندو على الوحدة ونص تع النهار كان فاطن بصح ميهدرش غير يشوف للبلافو  خرجت وانا قلبي حاسسني بحاجة مش مليحة حكمت طاكسي وروحت للدار لاقاتني مرت عمي -كيفاش حوالو وقتاش يخرج -مهوش مليح اليوم كامل مهدرش -ايه وقيل راه يلڤف -بعيد الشر عليه وعلاه يعني قلوبكم هكذا حجر  كيفاش تفولي عليه -بركاينا هدرت كلمة حصلتي فيا هيا انا خارجة راحت خرجت وانا قلبي شغل تحسس من هدرتها ياخاه بعيد الشر طلعت لفوق بقيت بالقش تكيت كانت السخانة الصيف نشفا ف لافان تع جوان  غفات عيني وحد ساعة ولا خلعني تلفون هزيت عليهم مغمضة عينيا ديراكت سمعت كلمة جدك الله يرحمو هذا كان عمي -قتلو بعيد الشر جدي وشبيه -مهدرش معايا شغل مستوعبتش نضت من بلاصتي يا ربي جدي مات خرجت من الشمبرة هبطت قابلتني إكرام قتلها جدي مات ونبكي كانت ردة الفعل تاعها باردة قاتلي  -الله يرحمو غير نعيش قدو- قتلها ربي يهديك بقيت ندور وحدي رحت للشمبرة تاعو طليت وعاودت سكرتها غاضني جيت ف الكوزينة ونبكي ب الساكت ونتفكر فيه وكيفاش يوصي فيا دخلت مرت عمي تبان كانت علابالها شافت فيا قاتلي الله يرحمو هيا نوضي نفرزو شوي  ...