أين أنت (يتيمة وسط الميراث) ميلي/بسام /قصة حقيقية جزائرية

حلقة 89

#بقلم_هاندا ريفالدا✍️✔️

رجعت للدار لاقاتني لالة مولاتي قاتلي -روحي ديراكت ادخلي تدوشي منعرف علاه تخرجي حبيتي تمرضينا وقيل مددرتش عليها طلعت ودخلت دوشت عقمت روحي وهبطت لعند عمي كان مزال حاكم الفراش وقفت ف الباب قالي- وشراهم بيت موسى -شوية والله حالتهم تشف، دخلت مرت عمي عيطت فيا -اااا اخرجي من نتي هبلتي هذا وين جيتي من برا جبتي المرض عمك مزال مناضش من الفراش قالها وشبيك تعيطي نتي- قتلها انا راني واقفة بعيد عليه وراكي تشوفي دوشت ومعقمة روحي علاه تزيدي عليها-والله اك تسمع ف بنت .. وسكتت شاف فيا وقالي روحي اطلعي لفوق  خليتهم وطلعت وشبيها هاذي تقعد تقعد وتفرغ فيا غشها وقيل ضاقت بيها الدار موالفة ب الزنق كي شافتني خرجت كلبت عليا ، اوووف علاه ميش هي لي راهي ف الفراش ع الاقل لوكان تهنيت منها شوي يا خاه كلاتني بنتها ومهيش تعيط عليها هكذا  ، دخلت للشمبرة فتحت تاقة ونطل الشمس تع جويلية ومحسيتش عليها تالمو راني مقلقة نشوف الكارتي خالي غي طمبيلات تمشي وانا هكذاك سمعت صوت لابال تع فايبر  اييي غي بسام لي يعيطلي فيه رحت هزيت تلفون شفت لقيتها نسمة هزيت عليها  من كلمة لكلمة قتلها وين رحت كلاتني  قاتلي كيفاش متدينيش معاك كي رحتي عند بيت عمي موسى ربي يرحمو -نسمة علابالك مجيت نروح بالسيف وتعرفي الوضع هذا والله مخممت خلاص -وشبيه صوتك هكذا -والو نسمة تعرفي حالتي علاه نضل نكسرلك في راسك معايا -تنهدت اي تفرج ميلي والله تفرج  ربي ميخليش عبدو  كوني قوية تعيش حبي والله توحشتك يا مصيبة في وقت لي كنت حابة نتلاقاو جات الموجة هاذي وسكرت علينا -راهي تفرج هذا ابتلاء من ربي سبحانو -هيه يا لالة وش تطورات مع سي شباب -مناش نتهادرو -ياااااي تاني -ايه هو راه جبد روحو-ميلي قري قري نتي كش مدرتي ولا -مدرت والو نسمة  موضوع تافه وهو يكبر فيه وتعرفي حق ربي بديت نكره من الوضع هذا  -معليش ربي يفك كربتك بصح ميلي بلاكي تضيعيه من يدك يا جايحة راه يحبك والبعد لي راه يبريسي فيه هكذا حاولي تفهميه مشي ساهلة والله -ايه انشاء الله هادي الا زاد هدر معايا -يووووووو لهاد الدرجة -ايه بسام هكذا قد ماهو حنين قد ميحكم الحقد وزيد هاد المرة بفففف خلاص نسمة تعيشي راني نحاول ننسى  -معليه.....كوبيت عليها كلشي سامطلي  مشيت خطوات للمرايا شفت حالتي ياااااا سبحان الله كيفاش وليت تبدلت كامل شينت صفرت دارولي لي ساغن شعري كيفاش مخرب  على عكس وش كنت من قبل نشعل وقايمة بروحي دك لي يشوفني يحسبني هربت من الحبس تبسمت بحسرة على حالتي  اييييه يا دنيا يا غدارة .....