أين أنت (يتيمة وسط الميراث) ميلي/بسام /قصة حقيقية جزائرية

حلقة 64

#بقلم_هاندا ريفالدا✍️

دخلت مرت عمي تتنيفق قدامو تقول م هاذيك لي كانت هايجة قبيل وانا غي ساكتة نطق قالي -راني رجعت طمبيل لسي موسى عودي روحي معاه يديك ويجيبك فرحت كي قالي  هكذا نطقت مرت عمي وعلاش لازمها شوفور إكرام بنتي تروح وجي وحدها عادي قالها معليش تحب حت بنتك يوصلها مكنش مشكل  مدلي مفاتح الطمبيل قالي مديهم لعمك وطمبيل راني جبتها راهي لتحت  وجا خارج شاف في فاليزتي قالي وهادي تاعمن نطقت هي  من هيه -تع لالة مولاتي هدرنا معاها زوج كلمات هزت روحها ورايحة  يا خويا فيصل دللوها واحنا حصلنا فيها شاف فيا وقالي وهاذ فاليزة كي لميتيها وين كنتي رايحة بيها -منعرف نروح لدار بابا -بركاي هيا تروحي لعندي يامات تتنحا عليك هاد الحالة  وش قلتي  هو صح كنت ف ديك دقيقة غير حابة نخرج من تم مخممت ف والو سكت قالي هيا معايا دك نهدر مع سالم  رحت هزيت ساكي وخرجت معاه ركبت قالي كنت رايح نعيط لوليد يجي ليا بصح هاتي نروحو ف طمبيل مديتلو مفاتح ركب وديمارا  حالتي حالة وليت مني من هاد الفاليزة كل مرة وين بيها ،ليه ليه وصلنا مهيش بعيدة دارو بزاااف وصلنا دخل طمبيل لقاراج وطلعت معاه دارو نظيفة شوي خير من لي كنت فيها فتحت الباب ودخلني عيط على مرتو جات شافتني حسيت بيها تفاجأت تشوف فيا ومع فاليزة قالها وشبيك دنڤي فيها -ااا  اهلا  اهلا ميليسا وش هاد الطلة كيفاش حتى زرتينا -سلمت عليها زادت جات لامية طلعت حاجب وهبطت لوخر  سلمت عليا دخلت معاهم للصالو قالها شوفيلها شمبرة  ترقد فيها قعدت معاهم الحق حسيت روحي غريبة وسطهم جابولي حليب  دخل صابر كي شافني تشوكا-ايييييي شكون جا عندنا  اهلا اهلا بنت عمي وشراكي جا يسلم  عليا بعدت وجهي و مديت يدي قالي  -مزال معقدة معليش - بقا يشايخ كي عوايدو ونظراتو لي نكرهم يا ربي وين حطيت روحي انا جيت نايضة قاتلي لامية روحي للشمبرة تع مونية  انا شمبرتي ضيقة ،  رحت لداخل جبدت روبة مستورة للخر هنا كاين لولاد وزيد صابر منطمنلوش بدلت قشي وحكمت بلاصتي مرت عمي تلفون ميتنخاش من وذنها هي مهيش خدامة حاكمة الدار وبناتها مونية تخدم ولامية حبست الخدمة هما أكثر مني بعامين ، جبت داك العشوة وانا حاسة روحي درت دنب عظيم دك يسمع بسام بلي جيت هنا مراحش يعڤبهالي سير ، بصح وش ندير مرت عمي ديك خرجتني من عقلي اليوم معرفتش نخمم ربي يعديها على خير ......وصل وقت العشا عيطولي زادت دخلت مونية هي تخدم ف كلينيك سلمت عليا تعشينا دخل وليد شاف فيا متعجب قال سلام عليكم زدت دخلت في بعضي  ...كملت العشا هما ناضو مرت عمي لمت طابلة وانا رحت للشمبرة حكمني صابر ف الهول وين رايحة ارواحي هنا للصالو جا وليد قالو وانت وش دخلك فيها خليها تروح وين حابة قالي ميليسا مديريش عليه  هذا  دخلت وخليتهم اففف وش درت انا شفت تلفون يضوي وسيلونس رحت هزيت لقيتو بسام وليت نرجف دك انا كيفاش نقولو بلي راني هنا والله يخرجلي من تلفون خليتو يصوني حتى حبس حكمت بلاصتي صلاة وفرطت فيها اليوم من كثرة الهم دخلت مونية قاتلي ترقدي بكري نتي -لا برك عيانة -ايه انا راني كاااااااو الا معندكش وش ديري طفي الضوء منحبش ضوء والصباح نبكر -ايه خودي راحتك  طفات ضوء و  تلاحت تحت فراشها ...