أين أنت (يتيمة وسط الميراث) ميلي/بسام /قصة حقيقية جزائرية

حلقة 8

#بقلم_هاندا ريفالدا handa rivalda✍️✔️

كان قريب مني تهت فيه وتوترت ف نفس الوقت من قربو ليا اصلا باين عليا توتر يكون تولهلي - بنت العم ( تعجبني كي يقلي هكذا) تبسمت شاف فيا تايه مبعد راح كمل للدوش  بقيت في بلاصتي نسيت وين كنت رايحة جيت طالعة سمعت تلفون يصوني كان ف الصالو  رحت رفدتو لقيتها نسمة جيت طالعة بش نهدر في راحتي لقيتو في وجهي حسيتو حاب يهدر معايا  خليتلو الفرصة حشمت نروح ونخليه  سقساني وش نقرأ ووش من عام وانا غير نجاوب بكلمة وقص حشمت صراحة هو ماخد راحتو ع الآخر عكس العبد لي كان ساكت مقبيل فوق طابلة تعرفنا على بعضانا برسميات طبعا جاتني الجرأة سقسيتو وش يخدم -قالي يخدم ف شركة تصنيع الادوية في  روسيا و  هو نفس الوقت صيدلي -ااا الله يبارك  قتلو كان حلم ماما نكون طبيبة ولا صيدلية وحطيت راسي - الله يرحمها  كل واحد يقرا وش كتبلو ربي  وحت الدومان لي راكي فيه مش قليل ولا - ايه صح هذا قرار بابا  -ماماك حاباتك طبيبة وباباك حابك ف إدارة الأعمال بصح نتي قوليلي وش كنتي حابة -شفت فيه تفكرت وش كنت صغيرة نحلم نكون شرطية قلتهالو ترتق بالضحك -ههههه يااارب لوكان يسمع عمي -وش فيها نورمال ياك خدمة شريفة -بركاي انتي مرا وهاد دومان ميليقش للنساء وزيد معندناش بنات يخدمو مع رجال -بصح انت تاني كيفهم ولا -شاف فيا -قصدي نحسب فيك كي كنت عايش لهيه راك اوفار ومعندكش عقدة كما هادو لي هنا -متخلطيش كل حاجة في بلاصتها التفتح حاجة والحرمة حاجة وحد أخرى-اااا ايه عندك الحق و في قلبي نقول هذا تقول تربا هنا مش لهيه -اييي وين تايهة -ااا والو  ،هاد الحوار كامل كان تحت انضار صابر ولد عمي لي حسيتو مش عاجبو الحال ،حنا نشايخو  جا وقف توالنا -وش راكم تحكو سمعونا ولا أسرار-تبسمت معاه برك وبسام جاوبو بوحد البرود حشمو( جات على قلبي كي العسل) لوخر معجبوش الرد شفت وجهو راح يتفلق بصح مبينش باقي يتبسم زاد هو تان دخل ف النقاش هدرة من ومن شحال واحنا واقفين حت سمعت عمي ومرتو مروحين جاو توالنا-وش وين غبرتو وانا نقول وين راهم -نطق بسام رانا هنا برك  مشايخاتكم غي تع بكري وفلان وفلتان -صار هكذا كبرتوا وعدتو تتكبرو على مشايختنا لوكان يسمعك جدك -غي مكان لاه ديجا ملي جيت وهو حاكم فيا باين عليه مش حاب نولي للغربة- ااا وليدي تحب الصح انا تان لوكان تاخد رأيي ولي لهنا راك تشوف ف الخير هذا شكون راح يسيرو انا وعمومك رانا كبرنا كل واحد فينا حاب يتكل على ولادو من بعد. - شوف ا بابا تعرفني نحب دومان تاعي ودومان تاعكم انا خاطيني شوف معاهم  - نطقت انا -يا عمي وانا معمرتلكمش العين راني نقرأ بش نشد الشعلة من وراكم ناضو يضحككو ربحت لوكان نطلقها ليك تروح خدمتنا في يومين -والله -نطق صابر حنا البنات ميخدموش عندنا ف الوزنة محال تحكمينا غي ابردي من درك ...