أين أنت (يتيمة وسط الميراث) ميلي/بسام /قصة حقيقية جزائرية

حلقة 3

#بقلم_هاندا ريفالدا handa rivalda✍️✔️

كنت قاعدا وسط الصالة كانو فاتو 3أيام بعد وفاة ماما كاين شوي غاشي من لافامي ( درنا صدقة على ماما ) نضت طالعة لشمبرتي مهربي الوحيد من  الوأقع والحقيقة جامي حسيت بهاذ الضعف مهما يكون الإنسان قوي كاين ضروف تفوت عليه تخليه أضعف شخص وهاذا هو الضرف لي راني فيه حاليا شفت روحي ف المرايا وجهي أصفر شعري محكوم عينيا ميبانوش جيست محلولين حالتي حالة وخلاص دخلت درت دوش سخوووون يحرق خرجت لافة سربيتة وتااايهة دخلت للدريسنغ لبست بيجامة شعري مبلول لافة عليه سربيتة طبطب الباب كان بابا دخل وفي عينيه ألم الفراق برك يصنع ديك الوقفة غير بش منحسش ومنضعفش  قالي بنتي من الصباح مشفتكش كنتي راقدة يا بنتي وش راكي شوي -راني مليحة بابا متقلقش(أنا تاني نحاول نتصنع توالو بش منخليهش يقلق عليا هذاك وش بقالي ) حكينا شوي طب طب على ضهري وقالي أهبطي تتعشي معاهم قتلو ميش نافحتلي بابا منيش جيعانة قالي براحتك بنتي نهبط لتحت توال الناس عيب نخليهم وحدهم درتلو براسي راح خرج بقيت غايسة مع حالي شغل رح يحكمني إكتآب فتحت بالكو نشم ف ريحة المطر كنا ف ديسمبر بقيت زماااان هكذا حت وليت نعطس نعطس فقت مع روحي بلي شعري مشمخ سير اليوم نمرض حكمت بلاصتي نرجف شغل حكمني البرد ف عضامي تغطيت بلا منشف شعري بعد وليت نحس بجسمي سخون ومدڤدڤ ونعطس بزاااف عرفتهاااا يا رب اكره حاجة عندي نمرض ب grippe  حالتي حالة نضت بالسيف من فراشي تلفوني منعرف وين اصلا عندي ثلث ايام مشفتوش منعرف وين راه هبطت لتحت نسمع ف الهدرة نحوس على نسمة شافتني جات توالي مسكينة مفارقتنيش خلاص قرايتها وفرطت فيها -ميلي وشي حالتك هادي وجهك أحمر وشعرك مشمخ -اي راني مسخنة ونهدر ب شوي- وين راه تلفوني -جاباتولي من عند خالتي سجية فتحتو معمر لي زبال من عند زميلاتي وكامل لي نعرفهم ف الجامعة دخلت للفيس كيف كيف لي مساج دنيا بدلت فوطو بروفيل درت فوطو تع حداد وعاودت سكرتو منيش قادرة نرد على حت واحد حالتي من سيء  لأسوء
طلعت لشمبرتي جيت حنفتح الباب شفت شمبرة ماما من نهار لي توفاة مدخلتهاش رحت ليها بخطوت ثقيلة حكمت باص رح نحلها عاودت سكرتها منيش قادرة منيش واجدة لهاذ اللحظة متأكدة بابا تان مدخلهاش من داك اليوم ،دمعو عينيا ورجعت لشمبرتي طفيت الضوء حكمت بلاصتي بقيت نتقلب من ومن مع السخانة ف الكور حوست على دوا تع راس مالقيتش عيطت لنسمة كانت لتحت -نسمة عيشك شوفيلي  دولبران نشرب حبة - شوية وجاتني هي وبابا مخلوع عليا -وشبيك بنتي يمس في جبهتي -راكي مسخنة بلاك كي دوشتي باقية نعطس ونرجف  -يالله نديك للطبيب لا بابا غي ڤريب برك نشرب دلبران دك نرتاح -جابتلي نسمة حبة شربتها باقي معايا مسكين متكية عليه ويخمم شفت معاه بابا روح ارتاح شوي باين عليك التعب و ناقص نوم -لا بنتي متحيريش روحك راني مليح غي كونيلي نتي بخير دنيا ومافيها كلامو يخليني نحس بدفىء والأمان صح راحت ماما  لكن بابا متأكدة راح يحاول ميخلينيش نحس ب الفرق بزاااف .....