أين أنت (يتيمة وسط الميراث) ميلي/بسام /قصة حقيقية جزائرية

حلقة 45

#بقلم_هاندا ريفالدا✍️✔️
ولاتلي الروح تزرع فيا الدم  الحمد لله الحمد لله كي سلك منها  رحت شفت روحي ف المرايا وليت منشبهش صفرت ونقصت ف الوزن من قلة الماكلة صفتي ذهبت دخلت دوشت مليح نشفت شعري لبست جبة طويلة توضيت وصليت ودعيت لبسام نضت جيت فايتة توال المرايا ب الخمار شفت روحي شحال واتاني خرج عليا تفكرت ماما كي كانت تقولي اتحجبي بنتي الحجاب يستر المراءة من كلشي  محبيتش نحيه خليتو فوق راسي وهبطت بيه سمعت الهدرة ف الصالو كانو عمومي ووليد يهدرو تم نسمع غي كلمة وزين وسلاك والخدمة فهمت بلي راهم يهدرو ف الخدمة  محبيتش ندخل توالهم جيت ماشية خرج وليد من الصالو هاز كرطاب يبان تع ميكرو دارلي براسو وراح  زادو خرجو عمومي شافوني قالولي ارواحي عندنا هدرة معاك قلبي عاد يدق شغل فهمت فواش راح يهدرو قعدت نطق قالي شوفي يا بنتي دك خونا راح ربي يرحمو والدار كبيرة عليك وتع تبقاي هنا وجدك شيخ كبير واحنا نضلو رايحين جايين متحيرين عليكم  هاذي متخرج علينا ارواحي توالي ولا عند خويا قبل ميكمل قتلو بنبرة تع بكا عمي تعيش خليوني هنا منيش حابة نروح من وحطيت يدي على وجهي قالي متبكيش علاه احنا برانية راكي بنتنا ومن دمنا ولحمنا ميخصك والو معانا وزيد الخدمة دك كثرت علينا معنديش حتى الوقت نجي نطل عليكم كل يوم  سكت مالقيت وش نقول يبانو اصلا مقررين ومتفاهمين  قالي هيا قولي جي معايا ولا مع عمك سالم  قتلو خليوني هنا حتى تفوت الربعين قالو عمي سالم خليها براحتها قالت تفوت الربعبن معليش بنتي راح عمي فيصل وبقى عميى سالم قالي نبات هنا اليوم  طلعت عيطت لبسام خبرتو كنت رايحة نترتق قالي ميليسا عندهم الحق روحي لدارنا متروحيش لعند عمي فيصل اوكي ابقاي تم حت يدير فيها ربي حل  لوكان مجاتش الحالة مسكرة كن هبطت انا ومنخليكش نديرلك حل مفهمتش وش يقصد ف ديك دقيقة ....
فاتت أيام روتينية كنا ف فصل الخريف لميت قشي كامل درتو ف فاليزات كان جدي مزال معايا طاطا خبرتها قتلها الله غالب هاذي هي الدنيا  بصح الا كش محتاجتي خبريني  تبكي وتحضن قاتلي اتهلاي في روحك بزاااف بنتي واني انا كي بكري كي دك وقت متحتاجبني اني هنا مدتلي مفتاح تع الدار وراحت بقيت نستنى في عمي ...