أين أنت (يتيمة وسط الميراث) ميلي/بسام /قصة حقيقية جزائرية

حلقة 79

#بقلم_هاندا ريفالدا ✍️✔️

بعد.مرجعت من لافاك كانت الساعتين غي وصلت توال الدار لقيت طمبيل عمي وليت نخاف كي يجي هنا علابالي يحاول يقنع في جدي بالهدرة حتى يسنيي صونيت فتحولي حت المفتاح كي ناس معنديش ومحبوش يمدولي مفتاح حاسبوني برانية وانا رزقي راهم يقسمو فيه بلا إذني لقاوني ولية ، طبطبت صونيت عام بش حلو كان وليد -اووو وش جابك هنا -جيت مع بابا -اااه وعرب الدار وينهم-مكنش غير جدي ، دخلت هو راح لعندهم محبيتش ندخل جيت طالعة ف الدروج سمعتو كي قالو بابا اي جات  عيطلي رجعت  رحت توالهم قالي انتي داخلة ومتسلميش ولا قتلو كنت طالعة نبدل قشي برك -لا متبدليش تقعدي كما راكي  عندي هدرة معاك بقيت نشوف معاهم قتلو علاه عمي كشما كاين -لا دك تروحي معايا نتي وجدك لعند نوتير راهو يستنا فينا كاين وراق لازم تسنيوهم انتي وجدك  راكي هازة معاك لاكارت قتلو ايه -خلاص يالله منطولوش عليه قالو جدي -انت تخدم من راسك ولا وسالم وين راه قالو سالم مش شرط يحظر  نطقت انا قتلو عمي الا راكم رايحين تبيعو الدار انا منيش قابلة ومنسنييش عليها -طار فيا كيفاااش عاودي علاه برايك نتي ولا من جدك وليتي نتي اسمعي مكان لاه تخليني نزيد نعيط عليك منيش ناكل في حقك كلشي قسمو الشرع والقانون رانا ستنيناك بزاااف والخدمة راهي تستنا والامور  هادو مفيهاش نقبل ولا منقبلش مناش نلعبو هنا خرج فيا عينيه قريب ضربني حتى بعدو وليد قالو بالعقل ا بابا مشي هكذا  خلاص اتهدن تعمرو عينيا بالدموع غاضتني اول مرة يعيط عليا واحد حسيت بالحقرة بيناتهم جدي وقف دارلو العصا في وجهو قالو- انت متحشمش السوارد عماولك عينيك وقيل ومحترمتني محترمت خوك لي ف القبر وتعيط عليها وش دارتلك اااا هدرت على حقها تسالها رزق باباها ودار باباها  قالو -اسكت نتا لي حليتلها العين  فوق متوقف مع ولادك راك دودن راسك للبزة هادي  ،ولا خرجو وليد داه  بقيت مشوكية فيه اسكو هذا عمي فيصل لي نعرفو نووو مش هو هذا واحد آخر  بقا جدي يدعي عليه راحو خرجو خلاونا نستغفرو قعدت حاطة راسي بين يديا هاذو لوكان يسمعو بخويا كيفاش يديرو جبدت تلفون من الساك كتبت ميساج لبسام عاودلي نضت من توال جدي طلعت للشمبرة سكرتها وهزيت عليه -الو وشراهي القطة لباس-منيش مليحة بسام منيش مليحة-خير وش كاين -عمي فيصل بغا يغلث هذا وين كان هنا شبعني عياط انا وجدي وراح-علاه وش يحوس هذا -كان رايح يديني للنوتير انا وجدي نسنييو -كيفاش هذا هبل ولا وبابا كان تم -لا عمي مكنش هنا -قالي شوفي راني هدرت مع ديك تونسية يمات خوك قاتلي بلي بعتت للمحكمة ووكلت محامي تم يريقل كواغط خوك مقدروش يهبطو تعرفي الحالة يعني دك يسمعو كي  يجيهم الخبر من المحكمة  اسمعي دك نعيط لواحد نعرفو شاطر كي نتفاهم معاه اعطيه دوك الأوراق تع تنازل اوكي -ايه انشاء الله -اسمعي الا زاد جا وحتم عليك تروحي ديري سبة ومتروحيش معاه خلي حتى يوصل الخبر دك يفهمو ومتخافي حتى من واحد سمعتي-ايه ...