أين أنت (يتيمة وسط الميراث) ميلي/بسام /قصة حقيقية جزائرية

حلقة 14

#بقلم_هاندا ريفالدا handa rivalda✍️✔️
14
هي تسقسي وانا نجاوب دارتليى تحقيق عميق محبتش تطلقني -نسمة بعديني هذا وش عندي راكي حلبتيني اليوم اففففف منك  طلعت لشمبرتي بقا في بالي كي كان يوصي فيا  تمنيت لوكان كان يخدم هنا نبدل في قشي ونتبسم كي كملت تكيت شوي لقيت بابا عيطلي ومسمعتوش عاودتلو كي هز عليا لقيتو يبان عيان شوي -وشبيك بابا مريض-لالا اني مليح بنتي كوبيت عليه بقيت متحيرة خرجت من الشمبرة طليت على نسمة لقيتها لتحت نسمع فيها تهدر بتلفون هبطت انا تاني شعلت لاتيلي تم ف الصالو بقيت نتفرج لقيت وحد الفيلم عجبني رحت معاه جات نسمة لقاتني مبرونشيا عشرة على عشرة بقات قرقرقر قاتلي هذا سيري موالفة نتفرجلو يهبل  قتلها اسكتي خليني نسمع ولات حطت معايا جبنا ساعة ولا كثر جات توالنا طاطا سجية قاتلي راه وجد العشا راني وجدت الطابلة كي بجي باباك سخني وحطي بنتي انا نروح -علاه خير طاطا هاد ليام راكي تروحي غي الخير -يا بنتي يما مريضة راني نروح نبقى معاها-ااا طاطا معليش ربي يجيبلها الشفا روحي ومتتحيريش دك انا نحط العشا كانت رايحة قتلها طاطا استناي دقيقة طلعت لشمبرتي جبدت سوارد وهبطت عطيتها -لا بنتي الحمد لله عندي باباك راه يعطيني كثر من حقي -طاطا قتلك احكمي عليا هادو من عندي اشريهم فاكية للحاجة وربي يجيبلها الشفا  فرحت بهاد الجاست وراحت ، تفكرت كانت ماما تمدلها ساعة على ساعة محبيتش نقطع هاد الصدقة ونويتها عليها  رحت نكمل الفيلم لقيتو خلص شفت الساعة لقيتها السبعة وبابا مزال مجاش عيطتلو لولى مهزش ثانية هز عليا-الو بابا وين راك -الو اوووو هذا خاطي صوت بابا شكون معايا وين راه بابا بنتي متقلقيش باباك راهو عيان شوي هزيناه للكلينيك -كيفاشششش وشبيه بابا بقا داك راجل يهدر معايا لقيت نسمة جات توالي وش كاين ميلي مرديتش عليها وليت نرجف عيطت لعمي موسى مرفدش عليا يكون ف الجامع كان أذن المغرب تقلقت مقدرتش نزيد نصبر يا ربي لمن نعيط دك تفكرت بسام عيطتلو هز عليا مخليتوش يهدر -بسام ارواح ليا عيشك -وش كاين -بابا راه ف سبيطار -وشبيه اتكالماي اني جاي  طلعت لبست نسمة قتلها يالله معايا متقعديش وحدك لبست حتا هي ليه ليه صونا الباب رحت نجري فتحت عليه وانا ف ديك الحالة  قالي يا لله اطلعوا -ركبت مكتفة يديا ونزير عليهم كي  نكون خايفة ندير هاد العفسة شاف فيا ميليسا متخافيش راه مليح هذا وين عيطتلهم -بابا لوكان كش ميصرالو انا منقدرش نعيش منقدرش، نسمة تكالمي فيا من لور صونا تلفون تاعي لقيتو صابر محبيتش نهز عليه خصني غي نتا دك ،يسوق  طاير حت وصلنا هبطت كي البرق لحقتني نسمة كي دخلت مفهمتش وين نروح يمين ولا يسار لقيتو حكمني من ذراعي ويمشي فيا توالو - مشينا كولوار طوييل زدنا طلعنا ف الدروج هذا تقول يخدم هنا يعرف مليح الدخلة منين نسمة تجري ملحقتناش كي وصلنا شفت واحد نعرفو يخدم ف الوزين وقيل هذا لي هز عليا بقا يهدر معاه بسام وانا نحاول نطل فتحت الباب شافني طبيب جا خبط الباب في وجهي، قتلو- بسام وين راه بابا  بقا يهدر مع داك الراجل يحاول يفهم وش صرا على حسب وش فهمت بلي طاح داخ يا يما انا سمعتو قالو لقيتو طايح ف البيرو وانا ارواح وسكتني تربعت في لرض حكمتني نسمة وقعدتي فوق الكرسي مغطية وجهي ونبكي توله ليا جا نحالي يديا على وجهي حكملي وجهي بين يديه -ميليسا شوفي فيا حبسي البكا -مقدرتش-باباك مبيه والو شوفي فيا علاه تبكي راه لباس عليه -نحرك ف راسي برك مقدرتش نهدر قوات عليا ديك البكية خايفة من الزمان الغدار لت يزيد يديرها بيا ......